3كاسات دقيق الكويتي ,فنجان قهوه زيت ,ذرة ملح ,وتبس باليد اى تفرك وقت طويل وهذا اهم مافى الموضوع ثم بعد ذلك اعجينيها بالماء حتى تتكون عندك عجينه ملساء ثم اتركيها ترتاح لمدة ساعه ,ثم احشيها واقليها وبالهناء والعافيه

(( .. سمبوسه بيتي مُقرمشه .. ))
-----------------------

طريقتي فيها جداَ" بسيطه ..
وهي مقدار من الطحين الأبيض وأنا أستعمل (( طحين الكويت ))
بمقدار 2 كأس طحين
وربع كأس زيت وقليل ملح
وتعجن بالماء حتى تكون متماسكه مثل عجينة الفطائر وأهم شي بالعجن إن العجينه ماتلصق بالإناء الموضوع فيه أثناء العجن
وتغطينها لحد ماتسوين حشوتك ، وبعدها تفردينها وتكون رقيقه مره وتقطعينها بالشكل إللي تبين
وتحشينها ع حسب رغبتك ..
وأهم شي أثناء القلي ترشين عليها الزيت بكثره قبل لا تقلبينها عشان تنتفخ وبعدين تقلبينها
:
وبالعافيه إن شاء الله
:
أختكم في الله
!! برقع جنز زري !!

يعطيكم العافية وتسلموووون وربي ماقصرتو أخواتي: نساء صغيرات-fossi-عفت99-جوانا
راح أجرب كل الطرق وأعطيكم النتيجة والله حمستوني أسويها كل مرة أتحمس وماتطلع على اللي بخاطري لكن الحين ماتتخيلون قد أيش أنا متحمسة.....

انا ودي بطريقه اعتمدها طوول عمري؟

بس مالقيت مثلك؟

شوفي يالغاليه

كل البنات طريقتهم صحيحه وكلهم نفس النتيجه راح تطلع منفوخه ومقرمشه

يالغاليه استخدمي الدقيق الكويتي حلووو العجينه ما تكون رخوه مثل عجينه الفطاير لا تكون متماسكه وحلووه ولا تلصق بالباديه حقت العجن

دقيق ملح زيت وماء فقط هذي مكونات العجين

خليها ترتاح لا يقل عن نص ساااعه


لا تخلين العجينه وقت ما تفردينها خفيفه لا ولا سميكه خليه وسط شوي


لما تقلين لا تحطينها دفعه وحده ويقالك نشميه وتبين تخلصين بدري لا لالالالالالالالا

والسر في رد الاخت جوانا وهي الصح

لما تحطين البف صبي الزيت عليها بالملعقه عشان تنفش معااك لانها كذا بتحمر من اسفل ولا نفشت فانتي حطيها بزيت عميق ولا يكون قادح مررررررره وبنفس الوقت صبي عليها بالملعقه

والاهم هو انك تقطعينها بشكل جميل والقطاعات على قفا من يشيل

وان شالله نسمع اخبار طيبه يارب