مـــــات ابـــــوي


:icon33:
مات ابوي ..وتاج راسي.. مات حلال النشايب
مات ...ياكبر المصيبه والفجيعه والبليه
مات..لكن من بعدموته تحاقرت المصايب
لوتجمع فوق راسي كلها..هانت عليه
ماتهون اليوم..ياراس على قبره نصايب
والله ان القبر عندي شامخ كنه طميه
ليتني قبل النهار اللي دفنتك فيه غايب
ليت عمري قد فنى قبلك وفي عمرك بقيه
الربيع اقفى ..ولاظنيت نفرح بالسحايب
والمطرماعاديطري له بوقت الغيظ.. نيه
المرابع ممحله..واليوم هبي ياهبايب
مادريناعن هبوبك ...قبل اليوم الارض حيه
ياصليب الرأي مدري وين نوخت الركايب
بعدمادجت الفيافي ..والسهال الجرهديه
ماكسبت الاالصخا والطيب ..وخيارالجلايب
ولاانحنى راسك ذليل..ولاتهقويت الرديه
لاوزيرولاسفير ولامديرولا انت نايب
والله انك حايز عندي على هذي وذيه
روحوا قبلك هل البيضا..واهل عوص النجايب
لوتفيد جيوشهم كان استماتواللمنيه
مابقى الا ذكرهم..وبيوتهم صارت خرايب
كنهم ماوردوا شلفا..ولا ركبوا مطيه
جعل ذاك الوجه..مايرجع من الرحمن خايب
جعل مثواه النعيم..وفي جنان سرمديه
يالله انك ترحم اللي جاك..مستغفر وتايب
قبل موته..ساجد لك في ضحاها والعشيه.
:icon33::icon33::icon33:

اسأل الله ان يدخل ابوي الفردوس الأعلى من غير حساب

جزاك الله خير وكتب الله اجرك اخونا الفاضل جليس الساحه..

اقول بعد مافقدت والدي العزيز

الأب مثل الروح .. اذا خرجت تهاوى الجسد!!

اللهم اهدي كل عاق وعاقه

اللهم اغفر لاابى توفى وانا عمرى خمس سنوات ولاكن افتقدته واتمنى وجوده ولاكن مانقول الا انالله وانا اليه راجعون اللهم اجمعنى به فى الفردوس الااعلى من الجنه وارزقنى بر والدتى يارب وفعلاااا مايحس باالنعمه الا فاقدها اللهم اغفر لوالدينا والمسلمين اجمعين واصلح لنا ابنائنا وارزقهم برنا اللهم اااامين

عساك بجنة الخلد متهني يابو ناصر اشتقت لك واشتاقت لك الربابه والبيت والجيران حتى المسجد والابل حتى بنت اختي تقول انا بروح اجيبه واجي الله يرحمك يايبه ويغفر لك احبك يبـه