لكل وحده تبي تولد وخااااايفه هذي هديتي لكم قصه ولادتي بين ايديكم

واخير بقولكم قصت ولادتي بالتفصيل الممل
طبعا انا اول حمل لي بتؤام جبتهم عمليه بطلب مني لاني خايفه ولدتهم ثاني اسبوع من التاااسع
ولمن صار عمرهم 3 سنوات حملت بحملي هذا
والحمدلله يااارب
المهم من خوووفي العظيم ماكنت اروح لمواعيدي اخاف من التحاليل :) ادري بتقولون
شلون بتولد هذي
المهم كنت اروح اذا تعبت اذا ماتحرك وماخليت دكتوره مارحت لها كل مره شكل اروح بالشهر مره بس
لان دكتورتي اللي ولدتني بالسويدي بعيده عنا
ولمن اروح تطلب تحاليل انحاااش
بعدين لمن دخلت التاسع تحمست ابي اولد كنت اروح كل اسبوع لدكتورتي
وقالت اولدي بالبريطاني احسن ولادتي السابقه بالحماادي وكان عاجبني حيل
بس هي مدحت لي البريطاني الله العالم وش سبب المدح قلت وش احسن شي قالت الامبراطوره
وقلت خلاص بالبريطاني رحت انا وزوجي للمستشفى وشفت الغرف وللاسف طلع اسوا جناج الامبراطوره
ماغير فلوس عالفاضي ماتذكر بس كان كثير
وسكت رحت لها كم مره وتطمني اني بولد طبيعي
وكنت مرتاحه له حيل دفعت لها فلوس الولاده ولمن دفعت ورحت لها الموعد الثاني قالت احتمال تولدي
عمليه لو طولتي لان مانقدر تعطيك طلق صناعي واذا مر اسبوع بعد التاسع بنولدك عمليه
خفت وصبرت اسبوع ولمن جاء اخر اسبوع من التاسع رحت لها
قالت حجم البيبي كبير حيل بنولدك عمليه
طلعت ابكي من الخووووف قالت حجم البيبي 3 و300 وجيت سالت البنات هنا وطمنوني الله يسعدهم
المهم رحت لسليمان الحبيب وطلبت الدكتوره خالده سبق اني جيتها بالثامن وارتحت لها
شافتني بدون سونار قالت ان شالله طبيعي وحجم الطفل طبيعي وموعدك مو الحين اصلن اصبري
اسبوع بعد
وقالت نعطيك طلق صناعي عادي حنا نحاول فيك بكل الطرق عشان نولدك طبيعي
سبحان الله قلت كل تاخيره فيها خيره
وكنت بس ادعي ربي
المهم رحت اخذت فلوسي من الدكتوره الاولى كانت بتسافر اخر رمضان وناويه تولدني عمليه قبل
لاحد يسالني عن اسمها بلييييييييييييز :)
كانت خالده موعدتني ب اخر اربعاء من رمضان اتوقع 29
المهم يوم السبت قالت لي اخت زوجي سوي كبو فكرت وسالت زوجي قالي لا
لاتسوين شي وانتي مو مفتوح الرحم عندك
يوم الاحد 26 ليله 27 قالت لي اشربي خروع الخلطه ( حليب مع زنجبيل مع قرفه مع
زيت خروع بالقرفه )انا قبل شربت حليب مع قرفه بس
وقلت بجرب يمكن يسوي شي
شربت اول ماافطرت المغرب وكلمتها قالت اشربي ثلاث مرات مع ان طعمه شين
لمن صارت 10 سويت بدون خروع وشربته
قلت بشرب خروع مع فيمتو
وجربت طعمه طلع حلو حطيت نص العلبه وشربته
المهم لمن صارت 11 حسيت بالم غريب بس مو قوي قلت لام زوجي بروح معك للقيام بصلي
اليوم الختمه بدعي ربي ورحت الساعه 1
كنت احس بالم بس اجلس اذا شد معاي ولافكرت انه ولاده ابد ابد
ولمن خلصنا ركبت السياره جاني الم مو طبيعي وكنت ماسكه الباب وابكي ماعرف شنو هالالم
وكان يروح المهم رحنا للبيت عند ام زوجي جلسنا نتسحر
على 3 ونص
وانا اكل كنت احس بالم بس مو قووي يعني يتحمل وكنت ماسكه نفسي عند عيالي
بعدين رحت البس عيالي وانا البسهم جااني الم قووي مره خفت حيل قلت شكلها جد ولاده
نومتهم ومسكت جوالي بحسب كم بين الالم قلت اني بعالم حواء قايلين اذا منتظم فهو ولاده جاني الالم
وحسبت بالساعه لمن جت الدقيقه الثانيه جااني الم قوووووووووي مره حسيت شي انشق ببطني
قمت من مكاااني على دخلت زوجي وانا ابكي
كنت خاايفه مره مره مره
المهم قالي يلا للمستشفى قلت بدري استنى المهم نزلت المويه حسيت بشي يمشي بين رجوولي
قلت نزلت المويه مسكني قالي يلا للمستشفى ورحنا طبعا من البيت للمستشفى دقيقه سليمان الحبيب
ورحت للمستشفى جتني دكتوره كرهتها كشفت علي قالت 3 سم مفتوح وماافيه تحرك لان المويه مفتوحه
خلاااص
وكان الالم منتظم كل دقيقتين المهم من شد خووفي قالو بناخذ تحليل ونعطيك المغذي عشان نوديك غرفه
الولاده
قلت ماابي ابره ولاشي زوجي قال وش تبي ذي تبي تولد تخااف من مغذي
المهم ساعه لين جابو لي ورقه اخلا مسؤووليه اطلع لانهم مايرقوني الا بتحليل
توكلت على الله واخذتها بصيااح ورقيت فوق
غرفه مرتبه نظيفه لي بروحي دخل معي زوجي واخت زوجي
المهم يجيني الم ويروح وانا ماصحت الصدق عطوني الكمام قالو لين جت الطلقه استنشقي واذا راحت
شيليه لاتنامين جتني الدكتوره اللي تحت ماحبيتها قالت ليش تتالمين لسااا طلقك 18% بس ممكن يوصل لين 200
هدي نفسك خوفتني قلت هذا وهو 18% ابي عمليه جتني دكتوره ثانيه قلت ابي عمليه قالت مو بكيفك
مافيه احمدي ربك بتوليد طبيعي ان شالله قلت ابره ظهر قالي زوجي تحملي كلها شووي وتنفرج مو لازم
محد شجعني وقالو لي ماتحملتي المغذي بتتحملين ابره الظهر خليك ربي بيسهل عليك
المهم صرت لين جاني الالم اشم اشم اشم باقوى ماعندي ولمن صارت الساعه 8 كشفو علي للحين 3 سم
جاني احبااط وانا جايه لهم من 5 الفجر
وهذي الدكتوره تجي تقولي هدي هدي لساا مطووله مطوله لانك تعتبرين بكريه بس تخوفني وتروح
قلت ابي خالده قالو اذا وصل 10 سم جتك المهم لمن صارت الساعه 9 انفتح 5 سم الحمدلله
لمن جت الساعه 11 جو عطوني ابره قالو مو طلق صناعي لا هذا مخدر وبيفتح لك الرحم بسرعه
من عطوني اياه والالم يزيييييييييييييييييييييييييد بس الغريب اني كنت اصحى عالالم واشم وارجع انام
زوجي نام قال شكلها مطوله جلست عندي اخت زوجي الله يسعدها ويجزاها كل خير
كل ماتجيني الطلقه تقولي ادعي وارخي نفسك والحمدلله على خووفي ماصحت ولامره الحمدلله :)
المهم عالساعه 1 انفتح 10 سم وصرت احس شي بيطلع مني
جت الدكتوره الله يسعدها ورفعو رجوولي وهذا كله اخت زوجي عندي بس من ورا الستاره
لمن رفعو رجوولي وجابو الاغراض حسيت خلاااص بخووف عظيم
جت الدكتوره وصارت تقولي ادفعي بدون تنفس مره وحده اول مره ماقدرت من التعب والارهاااق
المره الثانيه بعد الثالثه الحمدلله يااااااااااااااااااااااااااااااااااااااااااااارب طلع راس البيبي وطلعت بنتي الحلوه الله يخليها لي يااارب
تخيلوو طول حملي كنت خاايفه من الشق والخياااط اقسم ماحسيت لا بشق ولاخيااط ولاشفت ولانقطه دم كانو
مغطين كل شي عني عشان مااشووف
خاطتني وانا اشووف بنتي وزوجي واخت زوجي كلهم حوووووووووووووووولي
والحمدلله ياااااارب على فرج ربي انا قلت لكم قصتي بالتفصيل ابي كل وحده خااايفه تهدي نفسهاا والله شي حلو
والله ياابنات كل شي راح وكل شي نسيته وكل الم ابي اتذكر الم طلعه الرااس ابي اوصفه ماقدر
مو الم شي حلوووو ماعرف حتى الطلق نسيت المه وكل شي
وعن المستشفى مره حلو والممرضات وقت ولادتي مرررررررره حنونات ومتعاونات يمسكون يدي ويهونون علي
مره طيبات والدكتوره خالده طيبه لاقصى حد بس دكتوره الطواري ماحبيتها مو عربيه يمكن عشان كذا
الغرفه مره نظيف تعاملهم حلو والحضانه روعه بس يعني يستاهل المستشفى الجد
يلا ادعووولي ربي يسخر لي زوجي ويصلح لي عيالي ياااارب
وان شالله يهون على كل حاااااااااااااامل يااارب ويسهل عليها زي ماربي سهل علي ولادتي ياحي ياقيوم
ادري قصتي طويله بس وعدتكم اقولكم اياها بالتفصيل عشان البكريات لاني وانا حامل ادور اي قصه
تهون علي خوووفي وتهديني بالتوفيق للكل يااارب