لكل وحده تتمنى الحمل

السلام عليكم أخواتي الحبيباااااااااااااااااااات


كم أتمنى من الله العلي القدير أن يرزقكم بالذريه الصالحه


أحب اقولكم أخواتي الحبيبات أني ولله الحمد وله الفضل والثناء الحسن حاااااااااااامل


بعد أكثر من ست سنوات


تبون تعرفون قصة حملي وكيف حملت ...............


أنا انسانه أعاني من زياده بالوزن وزني 100 كيلو ومن بلغت ودورتي غير منتظمه أبداً


تجلس بالسنه مااشوفها

وتزوجت وعمري 22 سنه وبعد شهرين اكتشفت إني حامل والحمد لله رزقني الوهاب

بولد الحين يدرس بصف أول


وبعده ؟؟؟؟؟؟؟؟؟


تأخر الحمل ومن علاج لعلاج ومن وصفه لوصفه واكيد كلكم عارفين اللي يدور الحمل


تعالجت بالمنشطات لمده ثلاث سنوات تامه بعدها مليت وطفشت وحسيت ان مامنها نتيجه

وسبب لي العلاج بها كيس دهني على احد المبايض


المهم توكلت على الله وبطلت العلاج ونسيت سالفه الحمل مع اني خلال السنوات اللي اتعالج فيها


كنت كل شهر لمن احلل والقى مافيه حمل اجلس ابكي واحزن


وجلست ثلاث سنوات ناسيه سالفه الحمل ماانكر اني اتمناها وتجيني هفوات حزن ورغبه

بالاطفال خصوصا اني اموووووووووووووت بالأطفال وأخاف ان زوجي يدور غيري


بس قلت انتظر فرج الله وكنت دائماً احمد الله اللي وهبني طفل حتى لو انه وحيد مو مهم

الحمد لله إني افضل من غيري فما كنت انكر نعمته بل احمده عز وجل


المهم يااخواتي والله إني احكي لكم كل شي بالتوضيح كي تكون عبره لكل أخت


وكي أنال بها أجر كنت في هذه الفتره أسرف على نفسي بالمعاصي وكانت العلاقه بيني

وبين زوجي دمار في دمار وكان بيتنا مكان للشياطين من تلفاز وأغاني ونادرا ماتجدين ذكر الله فيه


حتى حجابي كان مو مره يعني عادي والصلاه اصليها بسرعه بدون خشوع


ونهارنا ليل وليلنا نهار والبركه عند الله بعدين اكتشفت اني لا أجد أي سعاده

رغم كل مقومات السعاده المتوفره حولي

وكان لي صديقه الله يسامحها ويهديها هي اللي اثرت في وكانت تحببني في كل المعاصي

فحببتني بكثره الخروج والزيارات والسهرات والصديقات والأغاني

وأحسست أني اسرفت على نفسي بالمعاصي وكثر الحزن حولي والله يابنات


كنت ابكي يوميا الين اموت من البكاء بسبب جفا زوجي لي وشعوري بالوحده


وبعدها وفي عيد الحج تحديدا مرضت بدأ معي مرض يشابه القلق أو العين


وصرت احس بخوف وكتمه وأرق ووسواس وهذا كله بسبب البعد عن الله


وتذكرت أن مالي علاج من هالشي الا القرآن وبالفعل صرت أقرأ القرآن

وادعي الله دائما أنه يهديني وابعد عن المعاصي واخرجت كل الصور والأرواح من بيتي


وصرت أقرأ سورة البقره يوميا في بيتي وبعدها احسست برغبه كبيره في مقاطعه تلك الصديقه

والحمد لله قدرت اخيرا اتخلص منها واختلق الاعذار للبعد عنها ووفقني الله في ذلك


وصرت احافظ على الصلاه والسنن والاذكار وابعدت كل القنوات المحرمه عن منزلي

والله اني في هذا الوقت فقط شعرت بالسعاده الحقيقيه

حتى زوجي ولله الحمد صرت ادعي ربي يهديه ويصفي اللي بينا

والحمد لله والله يابنات تغيرت حياتي بشكل كبير وبالفعل ابتعد عني الحزن وتركته

وعشت بعالم السعاده والقرب من الله


بعد ماارتحت نفسيا طلبت من زوجي ارجع اتعالج ووافق ورجعت اتعالج وغيرت الطبيب بطبيبه

وأخذت أول دوره علاجيه هرمونيه


واخذت الدوره العلاجيه الثانيه


وفي اثناء الدوره الثانيه طلبت مني الدكتوره اسوي أشعه صبغه بدون تخدير

وأنا إنسانه خوافه جداً ومااتحمل أي شي يؤلم وافقت اسويها بس قبل أروح استخرت الله

وشوفوا سبحانه ماخاب من استشاره


ومن صار الدور قبلي كانت وحده تسويها واسمع صراخها وتعبها طار عقلي وقلت اسفه دكتوره


مااقدر اسويها بنسحب قالت انتي من سنين تتعالجين ولازم نشوف يمكن فيه التصاقات لان

الولاده الاولى بقيصريه رفضت بقوه وقلت انا استخرت والله ماكتب لي اسويها ابي افتك منها

قلت الشهر الجاي بسويها.


وكملت علاج الدوره الهرمونيه الثانيه


وفي اليوم الثاني عشر للدوره سوت لي الدكتوره اشعه تلفزيونييه داخليه


وتدرون شنو قالت :29:


قالت بكل صراحه يابنتي المبايض امرها عجيب عندك المبيض الايسر

حوليه دهنيات كثيفه وعاطل تقريبا والمبيض الأيمن فيه تكيسات كثيررره

وبويضات لكن بعد كل هالعلاج القوي البويضات ضعيفه جدا والأمل بالحمل ضعيف جدا


وكان وجهها مشفق علي وقالت فيه حل بيساعدك ويمكن يقصر فتره العلاج

وهو انك تسوين عمليه المنظار لتثقيب المبيض وبعدها ترجعين نكمل العلاج


بس بصراحه كذا احتمال الحمل ضعيف جدا جدا وحتى بعد فتره طويله من العلاج

ماراح يكبر المبيض الا شي بسيط .

وأول ماتجيك الدوره هالشهر يعني بعد اسبوعين تقريبا روحي وسوي العمليه بعد الدوره مباشرة

ومن كثر ماهي شايفه الحال مايعجب ماكملت العلاج وقالت مافيه منه فايده خلاص

بطلي باقي العلاجات لبعد العمليه .


وقررت اسوي العمليه ونزلت موضوعي هذا اسأل الأخوات عن العمليه

http://forum.hawaaworld.com/showthread.php?threadid=171331


المهم تأخرت الدوره ماطرى على بالي ابداً حمل قلت اكيد لأني ماكملت العلاج

وبعد تأخرها 8 أيام تشوقت اسوي تحليل بس قلت اتفشل قدام زوجي وانا كل شوي

اسوي تحليل وبعدها اجيه اقول مافيه حمل

لكن توكلت وقلت له ابي اسوي تحليل من شان اروح للدكتوره لانها اكيد بتقول سوي تحليل


وسويت التحليل وطلعت النتيجه :06::06:

حااااااااااااااااااااااااااااااااااااااااااااامل

الحمد لله ماأعظم عطائه وما أرحمه بعباده

الحمل ماهو من العلاج ورغم حتى إني كنت أخذ العسل ولقاح النخل ماتنشطت المبايض

بس قبل حملي بشهرين ولله الحمد تبت من قلبي مو من شأن الحمل لا تبت وتغيرت كثيررر


وصرت احس بمتعه الصلاه والوتر والسنن والأذكار


وكان الاستغفار يلازمني والدعاء والتوسل إلى الله والصدقه أخواتي لاتنسونها تراها


هي اللي تشفي من الأمراض بإذن الله


كل شي بقدرة الله وارادته والله يستجيب للداعي إذا داعاه


نسرف في طلب افضل الأطباء ونشتري أغلى الأعشاب ونسعى وراء من هم أسباب

ونسينا الكفيل بكل شي انه الله عز وجل

من لجأ إليه لن يعود خائب والله والله من تقرب لله ذراعاً تقرب إليه الله باعاً

فأين نحن من خالق الأطباء وموجد الأعشاب ومعطي الشهرة والبركه لهذه المعالجه


كيف نشكي من يرحمنا إلى من لا يرحمنا

لا أقول لاتتعالجون لا تعالجوا وأطلبوا المسببات بس الطلب الحقيقي هو من الواحد الأحد


الفرد الصمد وكثره الاستغفااااااااااااااار


والله والله أنها المنشط الحقيقي وكل وحده راح تجرب راح تعرف وتتأكد من كلامي


وبعد أيام من التحليل ذهبت للطبيبه ولما عرفت قالت لا إله الا الله ذهلت ودهشت وتعجبت


قالت سبحانه إذا اراد شي قال له كن فيكون كانت نسبه التبويض عندك صفرررررررر

سبحانه وحده


واعتذر لإطالتي أخواتي بس حبيت ادل كل وحده للطريق الصحيح والرازق الوحيد


ودعواتكم لي تكفون إن الله يتمم لي حملي ويرزقني بالذريه الصالحه

والحمد لله على كل حال والله يرزق الجميع احبتي وعقبالكم بمشيئة المعطي