الحمدلله من قبل ومن بعد ...
خرجت بنتي من المستشفى بعد معاناه مع جرثومه الدم ..
راح اكتب لكم قصه ولادتي عشان ماتتعرضو للي تعرضت له لاقدر الله وتكونو حريصين على اجنتكم
طبعا لما كنت حامل اعاني من التهاب البول اخذت مضادات مانفع شربت البيره يخف عني اسبوع ويرجع
مع الالتهاب كنت اعاني من الافرازات وبعض الوقت احس فيها ريحه كريهه ووصفت لي الدكتوره غسوول واستخدمته وخفت
باخر الثامن رجعت الافرازات قلت للدكتوره قالت خذي نفس المضاد اللي صرفته لك قلت طيب الافرازات قالت غسلي بمويه وملح وبس وبطلي الغسول
سمعت كلامها وليتني ماسمعته دخلت التاسع وانا اتعذب مع الافرازات
ولافكرت تعالجها قبل ولادتي او تتاكد انها راحت مني
قبل اخلص اخر اسبوع بالتاسع نزل علي دم ورحت للدكتوره قالت عادي ماحولك ولاده روحي امشي ولاتجيني الا فيك طلق
خرجت من عندها وانا ابكي
سبحان الله كنت طول الوقت استودع نفسي وجنيني وان ربي يحميه من كل مكروه
رجعت البيت وجلست للفجر واشوف دم وافرازات تنزل ولافيه اثر للطلق
ع الساعه ٩الصباح نزلت علي المويه كانت شوي
وطيران على المستشفى كان اقرب شي لي مستشفى الحرس
وفي السياره نزلت كلها دفعه وحده
اول مادخلت الطورائ صرخت علي النيرس انتي ليش جالسه لدحين
وانا بكريه مو عارفه شي ...دخلوني غرفه الولاده كان مافيه طلق حطو لي طلق لان كل المويات نزلت والجنين انخفظت دقات قلبه
بعدها حسيت بالم من قوه الطلق ماقدر اتحمل جلست ابكي قلبي يوجعني واحس نفسي بدا ينقطع طلبت اكسجين رفضو حطو لي مسكن
اه بس ليتهم ماحطوه
وقت شد الطلق وفتح الرحم تعسرت ولادتي ماعد اقدر ادف لاني خلاص احس روحي بتطلع وقلبي يوجعني
جو ممرضتين وضغطو ع بطني وطلع الجنين
بعدها فقدت الوعي ماعد ادري عن شي تعرضت لنزيف حاااد
صحيت اشوف المغذيات والقسطره اسال عن بنتي قالو طيبه بخير
وبعدها بيوم حسين بصداع ودوخه ورجلي متورمه ناديت السستر وكشفو علي طلع عندي جلطه برجلي ودخلوني العنايه
وبنتي اه ياربي اول ماولدتها تشنجت من المسكن اللي اعطوني اياه وقت الطلق ماتتحرك واختناق بالتنفس
وجالها جرثومه بالدم بسبب الالتهابات اللي عندي وهي اللي فتحت المويات وخلتها تنزل قبل وقتها
جلست بالحضانه على المضادات لان اثرت الجرثومه على العضلات ...الدكتور قال لو ماخفت نبدل دمها
وانا طول الوقت بكى عليها ..كان ممنوع ازورها او المسها اشوفها من خلف القزاز وابكي
والحمدلله تشافت ولا احتجنا نبدل دمها... والحمدلله دحين بحظني
يارب لك الحمد والشكر
نصيحه اللي عندها الالتهابات لاتهملها ابدا...تحاول تعالجها باي طريقه
شفت الموت وانا اشوف بنتي تتعذب بالمضادات
والله يسامح دكتورتي المهمله ..ماعندها سالفه ًالدكتوره اللي ولدتني
قالت مفروض وقت نزول الدم تنومني لانها عارفه سجلي من وقت الحمل وانا اعاني من ايش باهمالها بغيت اموت انا وبنتي
