لكل وحده زوجها يشوف صور ومقاطع وسخه تعاااااااااالي

صباح الورود والعطور والدر المنثور كيفكم حوائيات زمان ايام جدي واجدادكم وابوي وآبائكم كان الناس محترمين ومؤدبين من بيتو لمسجدو ومن مسجدو لشغلو لابيلف ولابيدور ولا بيتلون مثل الحيه ويدخل بالجحور احم احم شاعره الأخت على غفله المهم في ذاك الزمن الجميل الداشر منهم اللي يدخن والايسهر على التلفزيون والا يسمع اغاني والا يفصل من العمل وينام الين الضحى اما الحين الله يكفينا الشر الإنحرافات تنوعت وطرقها تعددت المهم مالكم بالطويله موضوعي اليوم عن الزوج اللي يشاهد الصور والمقاطع الوسخه ايش تسوي يا حبيبة اختك وعن تجربه زوجي كان يشاهد ويشوف وعنده جوالين يالطيف المهم كيف تصرفت عطيت السالفه طنااااااااش بس كل ماسنحت لي الفرصه حلوه سنحت😜😜ابتدي وبمكر الأنثى النظر في الصور المخله ومشاهدة المقاطع يسبب كذا وكذا وكذا على فكره زوجي من ناحية المعلومات والثقافه داج هاج صح عنده ثانويه بس اشك انه طب المدرسه يوم واحد شكل شهادته شاريها له عمي من حراج بن قاسم لا واقساط بعد المهم والله ياخواتي لو تجيه انفلونزا قلت اكيد من البلا اللي قاعد تشوفه لو تلتهب اذنه قلت هذي المناعه صارت صفر من المعاصي المهم شوي شوي وادخل في عقله الباطن إن هالشي ماجاب له الا البلاوي طبعاً والله بدون عصبيه ولا إنفعال ادخل المعلومه على اني خايفه عليه وابي مصلحته آخر مره قبل كم شهر تعب قلت للأسف هذي المقاطع اللي تشوفها قال والله والله ماعاد اشوف قلت بس كنت لاتنكر قال كنت وبطلت الزبده الرجال رمى الجوال الثاني فرمته واعطاه بنته وبقي معاه جوال واحد مرمي في الصاله والرقم السري متاح للكل وعياله يلعبون ويفتحون جواله وانا افتحه وبعدين نرميه في الصاله كأنه ريموت بعد ماكان كأنه صندوق الأمانات في بنك الراجحي 😄😄😄الخلاصه خليك ذكيه اي شيء تكرهيه في زوجك حاولي تكرهيه فيه بدون مايحس كرري الكلام السيء عن هذا الشيء مرري المعلومات السلبيه إلى عقله الباطن دون ان يشعروبالتدريج اصبري وستبهرك النتائج لاتتسرعي والعبيها صح تعاملي مع الموقف بذكاء وصدقيني انتِ قدها🌹🌹وصل اللهم وبارك على نبينا محمد وعلى آله وصحبه وسلم ماذكره الذاكرون وماغفل عنه الغافلون