لكل وحده مٌقبله ع ولاده

السلام عليكم ي كروشات وكل عام وانتم بخير

انا بكريه وتوي والده لي شهرين وحابه اريح كل وحده بكريه وكانت مثلي تستنى الولاده ولاتدري وش بتواجه

ي بنات الاتكال ع الله اهم شي وخلو ع السنتكم اللهم اني وكلت امري اليك وانت خير وكيل ودبر لي امري ف اني لااحسن التدبير
وبرضو الدعاء ثم الدعاء ثم الدعاء والصددقه وهاذي تحتها مليون خط
ي بنات من دخلت الثامن وانا سرت اقوم ف الليل اصلي ركعتين واجلس ادعي واتضرع لله واصيح ف بعض الاحيان وكان ربي يملأ نفسي راحه وطمأنينه عجيبه وكنت كل م طلعت اخلي زوجي يتصدق لي ع عمال البلديه اللي ف الشارع وبعد م اتصدق اجلس استغفر واحمد الله واصلي ع النبي وبعدها ادعي بتيسير ولادتي والحمدلله اللي يسرها لي
صحيح اني عديت التاسع ب اسبوع وولدوني بطلق صناعي لكن والله ي بنات والله انها تيسرت علي بششششكل فضيييييع
كنت شايله هم الدخول للمستشفى وانا اطلق وهل بيستقبلوني والا بيخلوني اتعذب بالطلق لكن سبحان اللي سبّبّ لي سبب ودخلت المستشفى ونوموني وبعدها بيومين عطوني تحميلة طلق الساعه وحده الظهر وجلست طول اليوم استنى الطلق خايفه ولاجاني شي والساعه تسعه ف الليل كبت المويه ونمت وصحيت ف الليل ع الم دوره بس قوي شويات وطلبت مسكن وعطوني ابره ف الورك دوووختني ورجعت نمت وصحيت الفجر ع الم فضضضضيع صراحه حاااار ونفسي اعرف هل الطلق الطبيعي نفس المه والا
المهم ودتني القابله طوالي لغرفه ثانيه وم تحملت الالم وطلبت ابرة الظهر وعشر دقايق الا الدكتور جايني وضربها ف ظهري واااااااااي ي بنات م تصدقوووون السسسسحر اللي حسبت فيه لدرجة طوالي غطييييت ف نومه الاغيبوبه بعد الالم اللي حسيت فيه ويوم صحيت الا القابله جالسه عند رجولي تستناني وطوالي ركبت لي القسطره وبدا معي الدفع وكنت احس فيه بسس الالم مختففففي بتاتاً وولدت طبيعي الحمدلله وجبت بنوته زي العسل الله يخليها لي يً رب

الخلاصه ف الموضوع ي بنات كل م قربتي اكثر لربي ولجأتي له فرج لك همومك انا كنت خايفه من المستشفى ولدت ف الحرس والحرس حكومي وكنت خايفه يهملوني ويبهذلوني خواتي كلهم ف خاص وشوفو الدلع والاهتمام
لكن سبحان الله من كثر م دعيت الله سخرهم لي والله انهم كانوا يسوون بي ي دهينه لاتنكتين اللهم لك الحمد والطلق اللي برضو كنت مرعوبه منه ربي فرج لي ب ابرة الظهر يعني تقريباً م حسيت ب الطلق الادقايق بسس

وخلاص ابرة الظهر بتسير صديقتي ف كل ولادتي الجايه بإذن الله
بنااات قربو من الله وكثرو دعاء وصدقه وبعدها روحي لولادتك وانت مطمنه ومرررريحه بالك لان ربي ف ساعتها بيتولاك برحمته


عارفه كلامي مو مرتب بلا والله من النقه اللي عندي الله يخليها لي

بنات ادعو لي ربي يشفيني من الخراج اللي فيني طلع لي بعد ولادتي واسبابه مو معروفه وعمييييق مرا ومبهذلني جد جد محتاجه دعواتكم