لكل يائسه من الزواج ادخلي وشوفي

حبيت اطرح لكم اليوم موضوع وبالتاكيد يشغل كل وحده فيكم وخصوصا اللي مو متزوجه .. ودايما تتسآل ليه انا ماتزوجت وليه فلانه انخطبت قبلي وليه وليه وليه ...... الخ
حبيباتي حبيت انقل لكم معاناتي اقصد اللي كانت معاناتي وحبيت الكل يستفيد منها .. اخواتي رزقك معاك فين ماتكوني هو اللي يلحقك ومتى ماجا الوقت اللي ربي كاتبه علشان تتزوجي فيه راح يصير بدون ماتسوي وتسوي وتتعبي نفسك وترهقي تفكيرك وربما تتوهمين انو فيك عين او حسد او مسحوره علشان كذا تاخر زواجك .... مابي اطول عليك ابي اسرد لكم قصتي انا واخواتي :
انا عشت بحياه لحظات الفرح فيها اقل بكثير من اي وحده عاديه درست وخلصت ومثل اي بنت طبعا حلمت اني اتزوج وبدا هاذا التفكير يشغلني اول ماخلصت دراسه يمكن لان ماوراي شغل علشان كذا جا فبالي الزواج وكنت اتمنى اصير زي اي بنت واتزوج وافرح اهلي فيني ..المهم والشي اللي خلاني اتعقد اكثر ويتسلل اليئس لقلبي انو كل ما انخطب ماتتم الخطبه ويمكن هالشي صار 5 مرات ومو بس انا كمان اختي اللي اكبر مني نفس الحاله وازداد الياس وخصوصا انو انا وياها نفس الحاله وكنا تعبانين نفسيا .. اتوهمنا انو مسحورات وساعات نقول اكيد من العين لانو الحمدلله ربي منعم علينا بالجمال ومو ناقصنا شي . ماخلينا شيخ الا وسالناه عن حالتنا وبعضهم قال سحر وازدادت الحاله سوء اكثر من قبل وسوينا المستحيل علشان نفك السحر المزعوم اش اقولكم بس سوينا اشياء كثيره ترهق النفس والبدن يعني بالعربي مافيه شي الا جربناه هاذا كله قبل 4 سنوات وطول هالمده واحنا الحزن مالينا وخصوصا لما نسمع انو فلانه انخطبت او تزوجت وايقنا انو خلاص ماراح نتزوج وصرنا ندور على وظايف وبعد نفس الحاله كنا لما نلقى وظايف تروح بدون سبب مثل الخطاب اللي يجون لنا وبالنهايه استسلمنا للوضع اللي احنا فيه ويمكن حالتنا الاجتماعيه زادت الامر اسوء واسوء لانو مانطلع برا البيت الا للمستشفى او اذا بغينا نتسوق قبل العيد يعني طلعاتنا محدوده حتى حالتنا الاجتماعيه مو ذاك الزود هاذا من غير كلام الناس اللي مايرحم وكنا نسكت ونصبر ونحتسب كل هاذا عند رب العالمين وكنا نقول حنتزوج بالاخره لانو خلاص يئسنا من شي اسمه زواج بعد اللي يصير معنا وبعد اللي سويناه
رضينا بالقضاء والقدر وصرنا مانفتح هالسيره وكنا عارفين مصيرنا
المفاجأه .....................................................
قبل عيد الاضحى باسبوع تقدم لخطبتي رجل ذو مركز مرموق بالمدينه اللي انا فيها وعلى قدر من العلم والثقافه والاهم التزامه الديني طبعا لما وصلني الخبر اني انخطبت قلت اكيد نفس كل مره بس بقول موافقه واعديها واشوف وكنت اقول من جواتي اكيد راح يصير نفس ماصار قبل ولاراح تتم خطبتي .. وبعد العيد ب5 ايام ولازلت اتذكر الموقف جا خطبني رسمي من ابوي وكنت ساعتها مو مصدقه واقول اكيد حلم وراح اصحى او ماراح يتم اكيد راح يتفركش كنت بكل خطوه اعتبرها حلم بالنسبه لي.. بعدها ب3 ايام جا الشيخ وتملكنا "الحمدلله والشكر على نعمه ربي لي واعطاني الرجل الصالح" وكنت ساعتها ماني مصدقه حتى قبل لايجي الشيخ امي تقولي اجهزي وانا كنت اقول بقلبي اكيد بينكسر خاطري نفس كل مره " سبحان الله"
...... لكن القدر والنصيب اراد انو اتزوج والحمدلله والشكر انو ربي عوض صبري خير وعوض صبر اختي لانها انخطبت بعدي ب 4 ايام "قولوا ماشاء الله "
وزواجي بعد شهر وشوي :)
اخواتي انا ماقلت اللي صار معي الا علشان شي واحد " ماتيأسي من رحمه ربك مهما صار وثقي لو ربي كاتب لك تتزوجي راح تتزوجي صدقيني المهم ماتتوهمي الامراض وتجيبي لنفسك الهم من بدري كل شي مكتوب ومقدر ولو لك رزق صدقيني محد راح يقدر يمنعه مهما صار واظن تجربتي الخاصه اكبر دليل ........
يارب ترزق كل فتاه بالزوج الصالح التقي اللي يعوضها ...
ادعولي يابنات :27: