ياحلات حياة الحريه اااااااااااااااااااااااااه راح اشتاااق لها انا بودعها بعد شهرين

والله قلبي يعورني كل ماطرو عرسي احس اني مقبله على سجن ابي اعيش حياتي بالطول وبالعرض

ابي امي وابوي يدلعوني طول عمري ابي خصوصيتي بغرفتي ابي انام متى ماابي واصحى متى ماابي

مابي اعيش علشان رجال يقومني ويقعدني مسئوله عن اكله شربه راحته حتى نومته تقولين مولوده

وعايشه له هذا اذا كان رجال كامل والكمال لله العله اذا جا ناقص ولازم تحملين لانه الحياة تضحيه

وتنازلات وهم نكد وبعدين اطفال يله ابتلشي وربييهم لانك مسئووله وامانه تسئلين عنها وحمال وولاده

ونفااس وقله راحه ونوم واثار الشيخوخه بدت تظهر الجمال بدا يقل والزووج عيونه بدت تزوووغ

لفلانه وعلانه

وقلبج يحترق .........

كاني اخذت راحتي بالكلام المهم الله يدخلكم هالسجن يؤؤ اقصد هالقفص معاي ونتوفق جميعا يارب

اقول ليش البنت ماتتزوج بس تظل عايشه ببيت اهلها وزوجها ببيت اهله وتقابلون مثل الحبايب بالويك اند وبينهم اتصالات طول الاسبوع جذي تحسين بطعم الشوق بلا عوار راس ؟ مو فكره حلوه بطبقهاااا

والله انك تموووووووتين ضحك ياقوتشي انتي والبنااااااااااات

بس اهم شي الدعااااااااااااء من الان وحتى ياتي رزقك انك تدعين بالزووووووج الصالح

الي يخاااااااااف الله في السر والعلن


شوفيني انا تزوجت علشاااااااان اهرب من كلمه انسه ((( ههههههه )) طبعا انا اقولها لكن غيري

يقول غيرها,,,,

ويالله وشهرين واكتشف ان الرجاااااااال مو منااااااااسب,,,

وتيتي مثل مارحتي جيتي والى غرفتي سيدااااااااا

اهم شي التوفيق والله.


اقول قوتشي والله وانا اقرا الردود تبعك انتي والبنااااااات واتذكر حياتي واياااااامي الي راااااحت

اطلعت مني هالخربوشه الي مو موزونه زين؟

بس شي طلع من الخاااااااطر



ماهمني قولت عاااااااااانس او مطلقه

همني طفل (ن ) صغيراًً احضنه:baby2:

انكسر حلمي وانـــــا في اولــــــــــــــــه

وزاد همي وخلاني مسبهـــــه :frown:

كل ماتعدلت اموري انحرفت الزاويه

وضاااااعت بين المستقيم والدائره

احلــــم في بيت صغير اسكنــــــــــــه

مع زوج تقيًا رضيًا يخاف موجــــده

احلــــــم في بيت صغير يغمررررره

حب وحناااااان وايمااان من صاحبه

احـــــلم واحلـــــــــم والى مته؟؟؟( اللهم لااعتراض ))

اشتكت وسادتي من انيني والبكااااااء :icon33:

أم الكسل

الله يعــوضــك خيـــر حبيبتــــــي

zoona
((وأنا دايما أفكر أقول يمكن صاده حادث ومات؟؟؟
))

هههههههههههههههههههه
مت من الضحك على هالجملة ...


خخخخخخخخخخخخخخخ


الله يرزقنا الأزواج الصالحين اللي يهنونا طووووووووول العمر



حياتي (الريم_قطر))

والله اني ((أحبك)) ... وفقدتك بعد .........

قلت أكيد تزوجت ... وهي النحس حقنا ,, الحمدلله فرجت لنا ...
ومادريت إلا طلعتِ ........ :(


خخخخخخخخخخخ
أمزح لاتزعلين :)

السلام عليكم


هلا بناات ..ودي انضم لكم ...

أنا عمري 23 سنة ، وربي احلم اني اتزوووج ...

اختي اللي اصغر مني تزوجت قبلي ، والحين عندها طفل .. وانا مانخطبت ..

وزادت حساسيتي .. ودايم اجلس لحالي وماحب اكلم اي احد ...

واذا جلست بغرفتي امي تقوولي انتي فيكي نفسية ؟؟؟

وربي انحرجت لما قالتلي كذا قدام اخواتي واجرحتني ...

طيب انا مو حابه اجلس مع الناس .. كيفي وبمزززاجي ..ليه تجبرني ادخل واسلم على فلانه وعلانه .. ( قصدي الضيوف اللي يجون بيتنا عشان يباركون لأختي بسلامتها بعد الولادة )

ولي يومين ما اكلم امي ..لأنها بصراحة قاهرتني ماحس انها تحس فيني .. لو خالتي يمكن راح تحس لأن امي الصغيرة تزوجت قبل خااااالتي ..

وامس اكلم عمي يقووولي انتي متى راح تعرسين ؟؟

وانا اقوله تو الناس علي الزواج شقاء ومسؤليه ( انا قلت له كذا عشاااان ماحس بالنقص قدام غيري )

قالي شوفي اللي اصغر منك هذاهم تزوجوا ، شوفي اختك جابت اول طفل وراح تجيب الثاني وانتي ماتزوجتي .. قلت له وانا معصبة الزواج قسمة ونصيب مو انا اللي اجيب النصيب على كيفي كل شي بيد رب العااااالمين ..

امس بكيت الين قلت بس .. ليه النااااس كذا ؟؟ ليه يجرحووون ؟؟

أنا يتقدموا لي كثيييييير بس سبحان الله مايصير نصيب ... طيب وش بيدي انا ؟؟

ليتني اتوظف واشغل نفسي شوووي عن التفكيرر بهالموضوع .. صاير حساس بالنسبة لي مرررره ...


ادعوا لي يا اخواتي .. انا تعبانة نفسياً خصوصاً اني حساسة مررره ..

دايم اكتم بقلبي وللأسف ماعندي صديقات اشتكي لهم .. ولا ام ولا اخت ..

الله يفرج همي وهمكم اجمعين وان شاءالله ماتجي الصيفية الا وحنا متزوجااااااااات ..