يتيمة ومحتاجة لأمي :

هلا بناااات كيف الحال وش اخباركم الله يخليكم أدعولي والله ماعاد فيني صبر خلااااااص ضايقه بي الدنيا بناااات من غيركم أشكي له بعد الله أنا والله ماودي ازود همومكم لكن أنا خلاص ماتحمل أحاول أني انسى همومي إذا دخلت موضوع قوتشي واضحك واستانس معكم بس خلاص وصلت لدرجه اللاتحمل بنات أنا بإمكاني انزل مشكلتي في موضوع كامل في القسم والكل راح يتعاطف معي بس أنا مابي اكبر السالفة أنا مابي أفضفض ألا لكم لأني والله العظيم ماعتبركم الا مثل خواتي الكبار وربي شاهد علي والله أني أحبكم واثق فيكم وفي رأيكم ياقوتشي ويالوان وتسبيحة وهدوي ونور وديما وبروووحي وكلللللللللللللل البنات اللي في موضوع قوتشي فيهم الخير والبركة ضايق صدري مرررة من يوم تخرجت ومرت أبوي منكدة علي عيشتي والله إني أحترمها وما أرد عليها ومعتبرة احترمها من احترام أبوي لكن هي ماتحبني مدري ليش والله إني ماعاندها في شي وأحاول أتقرب منها واعتبرها مثل أمي لكن هي مخليه فيه حاجز بيني وبينها هي أصلا ماتواطني في عيشه الله من زماااان من يوم تخرجت السنة هذي وأخوي ماتخرج وهي متسلطة علي أخوي اكبر مني بسنتين بس هو عايد سنة في أول ثانوي وثالث ثانوي وهذي السنة بعد مانجح تحاسبني وكأني أنا اللي مرسبته تقول ليش تتخرجين أنتي وهو مايتخرج ؟؟! والله يابنات شوي ويوقف قلبي من القهر قلت في نفسي ماعليش هذي أم وتبي تفرح في ولدها حتى لوكان على حساب احد ثاني وبعدين اخوي ولد ولو ماجاب نسبة ضاع مستقبلة حاولت أنسى الموضوع وماكبر السالفة لكن تجي الطاااااامة الكبرى اللي لايمكن اسكت عنها ياخواتي قبل الأختبارات النهائية تقدم لي واحد وشاورني أبوي قال انه رجال وما عليه وانا اعرفة يصلي في المسجد ومايدخن وقال ابوي صح انك صغيرة بس انا من رايي انك توافقين لانه مايتفوت قلت لأبوي أبفكر وارد لك قال خلاص وبعد كم يوم جت مرت ابوي وقالت لي دريتي عن اللي متقدم لك صح أنه رجال وما عليه بس أن راتبه 3ألاف وقالت ثلاث الاف ذا الأيام ماتعيش بكرة بتتبهذلين انتي وياة ويمكن بعد يسكنك عند اهله وسمعت ان راتبه ثابت مايزيد لأنه على البند وبكرة بيجيكم عيال من اللي بيصرف عليهم وطلعت فية عيوب الدنيا كلها وبعد ماخلصت من كلامها قالت انا نصحتك نصيحة ام لبنتها وانتي بكيفك وبعد كم يوم قلت لأبوي انا مو موافقة قال ابوي ليش الرجال مافيه شي يعيبه والله أنه رجال وما اعتبرة ألا مثل ولدي والله مايتفوت قلت لا مابي أتزوج الحين قال أبوي بكيفك ومرت الأيام ويوم جاء يوم الخميس اللي فات قالت لي أختي اللي من ابوي هي اصغر مني في ثاني ثانوي قالت تعرفين ولد ال فلان اللي خطبك قبل الأمتحانات وانتي ماوافقتي قلت ايه ليش بيتزوج قالت ايه قلت من بيأخذ قالت يوم رفضتي انتي خطبوني انا وأبوي مدحة لي وامي بعد قالت وافقي وانا وافقت والله يابنات يوم سمعت الخبر هذا شوي واموت من القهر انا والله العظيم ماضاق صدري علشان أختي الصغيرة بتتزوج وانا لا لاوالله ماهمني انا اللي قاهرني مرت أبوي ليش تسوي فيني كذا معقولة فيه ناس بهالقلب فيه ناس منعدمة ضمايرهم للدرجة هذي أنا لوأقول لأختي الكلام اللي قالته أمها لي والله ماتوافق على الزواج بس انا مابي اخذ حقي من وحدة مالها ذنب في الموضوع صح أن أختي اذا قلت لها السالفة ماراح توافق تتزوج وساعتها مرت ابوي بتموت من القهر لأني خربت عليها مخططها بس حرام مو على حساب اختي ااااااااااااااااااااااااااااااااااااااااااااااااااااااااااااااااااااه يابنات والله مادري وش اقول مااقول الا الله يوفق اختي وحسبي الله على مرت أبوي يالله بنات أشوفكم بعدين آسفة ماقدر أرد عليكم الحين لأني والله قاعدة اكتب ودموعي ماوقفت من القهر ادعولي والله محتاجة لدعاااااااااااكم

هلا بناااات كيف الحال وش اخباركم الله يخليكم أدعولي والله ماعاد فيني صبر خلااااااص ضايقه بي...