مواضيع عنايه بالنفاس نسختها من العضوات ربي يجعلها بموازين اعمالهم العفو مو مذكرة اساميهم



نظفت تماما من الافرازات والالتهابات والروايح والامساك اكرمكم الله والغازات الخلفية والاماميه اللي كانت معذبتني ومقرررفتني
والاهم والبشرى صااااار ضييق جدا جدا وانا عروسة

1-فنجان فلفل اسود مطحون
1-فنجان فلفل ابيض مطحون
1-فنجان زنجبيل مطحون
1- فنجان ماش مطحون
تخلط وتوضع في علبة وكل صبح اخذ من الخلطة ملعقة الحلى الصغيرة على كوب حليب حار
وحتى في الليل كوب بنفس الطريقه واللي تبي اكثر مايضر
الملاحظات شخصية:
الطعم مقبول جدا والحرارة بس بالفم وثالث استعمل ماعاد تحسيها مثل اول ومالها اي دخل بالمعده والقرحة
يضيق المهبل ويزيل الالتهابات والروايح تماما
يشد البطن وينحف
وداعا للامساك والغازات
ممتازة لنضارة البشرة
وعلى فكرة بعض البنات يقولون الماش يسمن انا ماسمنني الحمدلله ابد بس اللي تعرف انها تتخن بسرعه احسن تلغيه من الخلطة
وعلى فكرة :لازم التجفيف بعد كل دخول للحمام وتعريض المنطقة للهواء لو نص ساعه في اليوم وانا استخدم غسول ريحته تهبل
ومخصص للمنطقه الحساسه وحتى لكل جسمي احطه اسمه (فيمي جل)

شوفي ام جوجو النفاس ممتازة لها بالذات تنزل الدم الفاسد والهوا من الجسم وتقويكي
وتعوضي بعض الكالسيوم من الحليب لعظامك وتخرجي من الاربعين بكر ونظيفه وجسمك مشدود ومرتاحه
لكن في شي واحد لو كنتي ترضعي ولا حظتي بكى غريب على طفلك وهو بالعادة هادي ممكن من الجنزبيل
والفلفل نزل مع الحليب انا كنت اخذ في نفاسي فلفل عالمرق وكلهم كانوا هادئييييييييييييين هدوء موطبيعي
يعني مانزل لهم في الحليب او ان هذا الكلام موصحيح من خرابيط الاولين مدري انتي راقبيه وشوفي


--واللي تسال عن الحليب اغليه عالنار وصبي في الكوب واضيفي ملعقه حلا من الخلطة وبالهنا
--الاخت اللي مايناسبها الحليب اشربيه مع الشاي الاخضر المغلي ولو تحلونه بعسل افضل وانفع طبعا بس لو كان عندك امساك وما راح معناها لازم حليب
وسبحان الله قالت لي الدكتورة الامساك يسبب ريحة في المهبل لانه قريب من المنطقه الاماميه جدا ويشمها الزوج اكثر منك بعيد الشر

-كان عندي افرازات فضيعه بس الحمد لله نزلت كلها ونضفت المنطقة وطبعا راحت الريحه بس لاتقلقي بالاول تنزل كثير لين يجف المهبل ويفضل اول ما يجف تحطي بشاشه فازلين للترطيب قبل الجماع عشان لا تتالمي ولاتنسي تهوية المنطقه لو نص ساعه في اليوم والغسول مهم وريحته حلوة ولو ماتقدرو تشتروه اغلو بابونج وخلوه غسول بعد كل حمام تشطفي به وريحته حلوة
--والفلفل الابيض تلقيه مطحون بودرة وحتى الجنزبيل والفلفل الاسود بس الماش تلقيه مثل الدواير صغار لونه اخضر تطحنيه في البيت لين يصير بودرة وفوايده مثل الحلبة واحسن ومايسبب ريحة في الجسم

كيف الفلفل والزنجبيل مايأثر على التهاب المعدة لان انا عندي التهاب ومعدتي ماتتحمل الحار والبهارات
والسؤال الاخر كم يوم وتبدا النتايج تطلع ؟؟ وسؤال ثالث معليش عادي لو استعملتها مرة وحدة باليوم الصبح مثلا ؟؟

حبيبتي خذي قبلها ملعقة اكل زيت زيتون واصلا الخلطة تزيد افرازات المعده وملينه وعادي لو باليوم مرة بس استمري وبتدعين لي ان شاء الله
وعليكي بالعسل عالريق وقبل النوم ممتااااااااااااااز جدا للقرحة والزيت الزيتون ممتاز مافي مثل الاشياء الطبيعية
وخلي اغلب اكلك مسلووووق وزبادي لين تتعافي والحامض والمخللات ابد لاتقربيها والمقليات بس تكفين لاتهملي صحتك والله يشفيكي

((((((((((((((((((((((((((((((((((((((
وصفة العتيبيات وجربتها والحمدالله نتايجه من اول استخدام طبعا تستخدمينها بس وقت الدوره والنفاس
اللهوم اللي اكثر التاجرات يبيعونه للحريم
تعدل الافرازات اللي عندك وتنشفك وتخليك تحسي بنظافه

كاس ماش -نص كاس شمر -نص كاس حلبه -ربع كاس حبه سودا -
ربع كاس كمون -ربع كاس فلفل ابيض -ربع كاس فلفل اسود -ربع كاس سكر نبات
تخلطينها وتطحنينها وتحطين ملعقه من الخلطه في كاس حليب دافئ
وتشربينها على الريق وبنات ترى الفلفل الابيض هو اساس الموضوع
وهو الزين فيه كله حتى الاندنوسيات هذا سرهم في تضييق والتنشيف والحركات اللي عارفينها هذا اللي مزينهم
وسكر النبات علشان يزين لك طعم الخليط ويصير حالي



وهذي طريقة قشر القهوه للتضييق اللي يبيعونها التاجرات بعد......

وهي قشر قهوه - كمون -نانخه -زعتر بري -كلها عند العطارييين
اخلطوه واطحنوها او لاتطحنوها براحتكم اول شي قشر القهوه
حلو للتنحيف خاصتن الكرشه وهالخلطه حلوه للتنظيف الارحام وحلوه للتضييق
والخلطه هذي موجوده بكتاب اسرار الحريم وذكرها جابر القحطاني ومدحه والتاجرات
اكثرهم يبيعونها واستخدامها وقت الدوره والنفاس وماله وقت معين يعين
كم يوم تستخدميه يعني سويها وحطيها لك بترمس وتقهوي منها مثل القهوه العاديه
ولاتنسون تحطون بالتمر الخلاص شوي رشاد وزبده او سمن غنم وقت الدوره والنفاس
وبتشوفون وشلون راح تخلون عن عملية التضييق وبعد لحم جسمك بيصير مشدود مو مترهل
والخلطتين كلها تنفع للمتزوجات وللبنات




===================================
ادويه ضروريه لنفاس والدوره والخراب

الطبيخه =
تشرب باي وقت بدل الشاهي وطول فترة النفاس لين 35يوم ومع الوجبات وبينها عادي بس كثري منها
ك كمون+ك حبه بركه+ك دارسين مدقوق +نصف ك حلوه +ك زعتر +نصف ك مرمريه+ك كزبره ناشفه
+ثلاث ارباع الكوب فوه مدقوقه+نصف ك شيح (حق هالسنه )+م عبيثران لااكثر +فنجان محلب وليس حلب
+فنجان عود الهواء+نصف فنجان ورد )))تدق بنجر او الهاون حتى تتجانس مع بعض بس مو خشنه مره او ناعمه مره لا خلوها زي التبوله

المطبوخه او الجويش.مكوناته:
ك كمون +حبه بركه+ك رشاد+نصف كوب كزبره ناشفه +ربع ك حبه حلوه 2كوب ماش مدقوق+2كوب عدس اذا مافيج حساسسيه منه
الطريقه.::تنقيها من الشوايب ووتخلطيها مع بعض وتحفضيها ببرطمان وتاخذين منها لما بتسوي لك غداء او عشاء وتوكل لاخر يوم
من النفاس بس موشرط اذا مليتي غيري تشوحين لحم او دجاج وكشنتك العاديه من صلصة وزيت وثوم ووو وتصبين ماء وتاخذي
كوب من الجويش ولما يستوي اللحم كبي رز مزه ويدميه بسمن ودبس او كبي مطازيز اوخوذيه وكليه لحاله او قطعي به خبزه .

المردود مكوناته::

ك كمون+ك حبه بركه +ك دارسين +رشاد+ نصف ك رزنه خضراء +ك سكر نبات او عادي وممكن تقللي السكر وتزيديه حسب الرغبه
الطريقه:: بعد ماتنقيها من الشوايب تطحن جميع المكونات طحن
ناعم كالبودره وتسوي لك خبزه بر باي طريقه صاج فرن المهم تفركيه
بسمن وشوي ماء حار ملعقه بس رش عشان تطريها اما السمن او زبده افركي
خبزتك بنصف او ربع فنجان وخوذي م من المردود وحوسيها فيه وهذي تفطري
عليها ضروري كل يوم حتى لو طفشتي اخذي منها قصب من اول يوم لين
تشيلي فراش النفاس او تخلصي دوره وتراها تفتح الشهيه وواشربي معاها
كوب حليب ابيض بدارسين او زنجبيل شكلي او فلفل اذا مافيج قولون

لتنظيف الرحم اول 7ايام النفاس واول 3 ايام الدوره (فنجان دارسين ناعم +
فنجان كمون ناعم + فنجان زنجبيل ناعم او زنجبيل طازج مفروم )
تخلط بعلبه بفريزر بثلاجه وتوخذ منها نصف ملعقه تطبخ بكوب ماء وتشرب على الريق

اللهوم ::
مره +محلب =بمقدار متساوي تطحن ناعمه كالبودر وتسف
منها على راس اللابهام او ملعقة الخوط مال البياله تسف
على الريق وتدفع باي سائل تحبينه وكذلك قبل النوم في
7الايام الاخيره من النفاس وال3الاخيره من الدوره تنشف وتضوق سر عجيب حتى للخراب باذن الله

التمره العجيبه
تنظف تطلع الهواء والمويات وتضوق اكيد فهمتو وباذن واحد احد تجهز الرحم للحمل قولو يالله
(( تمر بلا نوة تحطينه بالقدر وتكبي عليه عشوائ سمن او زبده وتضيفي له نصف كوب رشاد مطحون
+م قرنفل مطحون+نصف ك حبه بركه مطحونه +م ملينه فلفل اسود ناعم ))
سكري عليه وخليه فوق دفايه او حراره اقل شي شوي بتلاقينه ذابو ببعض اخلطيهم
وخلاص خليه عند راسك طول النفاس والدوره وكل شوي عبي فمك منه وتقهوي عليه قهوة شعير

المنقوعه
(محلب+ مره +عنزروات )
تخلطينهم بعد ماتطحنيهم طحن خشن وكل 7 ايام تاخذ منهم شوي وتصبي عليه ماء حار ولما يدفا تشربيه قبل النوم فضييع

الكبو يوخذ باي وقت وموشرط نفاس او دوره
لوجع الارحام والهواء والاصوات والرطوبه
ولشمم الخياطه توسيع او العمليه بس بشرط ابو الشباب يكون برا البيت لان ريحته تصرع
(قشر بصل +قهوه نيه+اثل +خواجوا)تتكبينه مع اخذ شهيق وزفير بعد ماتتشطفي بالغسول
بعده سيدا حطي الفوطه وسيدا الفراش حولي تغفي لو ساعه

الغسول ::
ك قشر رمان مطحون +نصف ك جفده+ ربع ك مره +
نصف ك مباركه الصبر الاشقر + نصف ك الرطا=
بعد ماخلطتيه وطحنتيه تحفظ وتاخذين كل يوم بيكفيج 2م تغلى بلتر ونصف ماء وتتشطفي فيها او تجلسي

المكروشه او المكرشه ::تجيبي كرشة طلي مو كبير
بعد ماتنظفيه بطريقتك تقلبيها يعني تخلي الخشن داخل وتحشيها
((كوب من الجويش+هبرلحم بدون عظم +ك رز ابو بنتين تخلطيهم مع بعض
بعد ماتغسليه وتبهري وتحطي ملح وفلفل وزيت وبصل ناعم ومكعبات ماجي و نصف كوب ماء )
تخيطي الكرش وماتخلي فيها فتحات وتحطيه بقدر ضغط وتصبي عليه مرق لحم او ماء وماجي
وملح وثوم وتقفلي عدل وتخليه لين تقريبن ساعه وانت وشطارتك لازم تستوي
زيني لك فراش وابعدي الصغار وحطي المكرشه بصحن عميق وبجنبك سمن
ودبس تغطي وانت جالسه وبدون اي ملابس داخليه فقط روب واذا فيج دم فوطه
وانتي متغطيه وبغرفه مغلقه سحبي الخيط واستنشقي البخار وحاولي يدش بكل
جسمك اذانك اطول وقت ممكن وكل مايقل البخار قلبيها على بعض ولما يخلص البخار
وتبدي تعرقي نشفي وجهك وطلعيه هو بس وصبي السمن والدبس واضربي بالخمس
لين تشبعي وشرب اي مشروب ساخن وخل احد يغسل ايدك وانت جالسه ثم تغطي
ونامي او لاتقومين ساعتين سر عجيب باذن الله لرداء النفاس والهواء ووجع الراس
والعظام والخراب ولكل امراض الحريم ويكفي باول النفاس او اخره او 3يوم بدوره او متى ماشئتي

المحظورات
الماء المثلج او الايسكريمات والحوامض الفصفص
العفص +الشبه+ الصك واللك+والحلب بعد العشرين من النفاس +الرجيم هو سبب الخراب

وللي سئلني مايبن الي يسمن شوفن يابنات لاتفكري
تنحفي طول الاربعين وبلغي زوجك انك راح تسمني اذا نفاسك زين بس بعد 3 شهور سوي الي تبين
وعلى فكره باذن الله العظيم انها تنشط المبايض خلال السته شهور بعد الولاده فاذا ماتبن حمل
كولي حبوب المانع ولاتنسون تراها امنه ومامنها الاالخير
ونسيت بعد تحاميل البوثيل قبل الاربعين 13يوم وترك وقبل يومين نهاية الدوره حطي وحده

المنقوعه ايش مقاديرها بلضبط كم ملعقة ""
اهم شي تكون بنسب متساويه وتحفظ وتاخذين منها ربع ملعقه بنصف كوب ماء حار ولما تدفي تشربيها
م ملينه فلفل اسود ناعم ؟ايش يغني ملينه؟؟؟
خطا املائي بصلحه قصدي ملعقه مليانه
المطبوخه او الجويش يعني احطها مع الاكل ما اطبخة؟
الا تطبخينها مع اللحم لين يستوي الجميع
الطبيخه فقد ايه اخد منها وهل تغلى مع المويه
بصراحه انا اخذ منها كذا بالبركه واوزن ثقلها وخفها
وسكرها حسب مزاجي يعني ممكن كوب ماء اخذيله ملعقه وحليها حسب الرغبه انا احطه بترمز جنب راسي واشرب حتى والحريم عندي


ان الحلب من بعد العشرين من المحظورات وبصراحه
امي حطت ببالنا ان الحلب من المحظورات طول مالحرمه متزوجه
وتحيض ولا ياخذ الا بعد سن الياس او للا طفال او البنات الي ماتزوجو
وبعدين يترك ريحه لاتطاق مهما تنظفتي وتعطرتي ريحته تطقي
واذا متعوده عليه وماقد جاكي منه بلل او لزوجه او مويات اخذيه بالعشرين الاولى بنفاس فقط

سؤال ياليت تجاوبيني السمنه ضرووريه بالنفاس ؟؟ وش فوائدها
وممكن استغني عنها؟؟
ممكن تستغني عنها انا استبدلها بزبده بس موضر وري لضفا نكهه وطعم احط السمن والدبس
وبالنسبه للهومات الي كتبتيها هل هوو جدوول كامل للنفاس؟؟
يعني كل الي كتبتيه اطبقه ؟؟
لالالا اخذي الي تحتاجينه ممكن طبيخه+مطبوخه+مردود + التمره +اللهوم او المنقوعه وانت كيفك
فنجان ورد تقصدين ورد مجفف ولاورد اجيبه من ويين؟؟ ولاموية ورد؟
ورد مجفف
والرزنه الخضرا الي بالمردوود وش تقصدين فيها يعني اسمها كذا عند العطار؟؟
اسمها عند العطار رزنه وشوفي الردود
وودي اسال سؤال اخير ينفع استغني عن الماش اقصد ماكثر منه احطه بس مع الحليب والفلفل الاسود الصبح لانه يسمن
تقصدين انك تاكلي الماش ني
بدون طبخ لالالالالالا بجيبلك امساك ينوكل مطبوخ


اختي تطبخ؟ يعني اغليها مثل الشاهي؟؟
نعم
المره تلهم؟؟ مو ممكن تأأثر عالمعده؟
ابد ماتاثر الا بزين باذن الله فقط تكون مطحونه وبسرعه تدفع بكوب سائل حسب الرغبه والمده الي قلت ماتزودي

طيب اللهوم هذه؟ مايحتاج حلبه؟ بس محلب
لا مايحتاج
طيب اختي وش فايدة الرزنه؟؟؟
الرزنه شي عجيب وهي عمود المردود هي ورشاد تطهر الرحم وتفتح الشهيه وجربيها وشوفي

================
جدول للنفاس مجرب و النتيجة مضمونة ..

قهوة النفاس
حلبة غير مطحونة و حلبة مطحونة ( بيجيك العلم ليش نوعين )
و أحسن حلبة حلبة القصيم لا تجيبون يمنية بحكم ان ريحتها أخف ترا أحسن نوع هو حق القصيم ..

كمون حب .. يانسون حب .. مرة للشمم كسرة منقوعة بمويه .
. زنجبيل .. رشاد حب .
. دباغ ( أرطى ) أعواد من العطار لا تطحنينه و قشر رمان مجفف مطحون
( يفضل أنتي تنظفينه و تجففينه و تطحنينه أنظف من حق العطار المغبر )



طبعا أول عشرين يوم لازم تلهمين في هالحلبة سواء المطحونة
( تخلطينها بمرق لحم أو دجاج مع فلفل أسود ) و تشربينها و المرقة حارة تفيد العظام و تخيط الجرح ..
و الحلبة الغير مطحونة تحطين منها ملعقة كبيرة مسح ببيالة
و تصبين عليها ماء مغلي لين نصف البيالة و تدخلينها بالثلاجة
بعد تغطية البيالة بجلاد عشان لا تنتشر الريحة بالثلاجة و من بكرا الصبح تسوين
لك مراصيع أو مصابيب ببصل و فلفل أسود و شوي سمن لا تكثرين و تطلعين البيالة
حقت الحلبة تلقين مويتها راحت شربتها الحلبة و تحطين الحلبة بروحها بعد تصفيتها
من باقي الماء بابريق مخصص لهالشغلة و تصبين عليه كاسة حليب و تغلينه مع الحلبة و
تصفينه و تحلينه بملعقة كبيرة عسل .. و يمي على الطعم و الله حلو مرة و هالطريقة
يسوونها السودانيات و تقضي على مرارة الحلبة بس مثل ما قلت لازم حلبة مطحونة مع مرق اللحم
( مالكم عنها غناه ) و كذلك مع الحليب ..

بالنسبة لشراب الكمون و الزنجبيل و اليانسون و القرفة هذي مرتين باليوم
بعد الوجبات و القرفة وقت اللزوم اذا شفتي الدم انحبس خذيها لأنها تدر الدم و أنتو بالكرامة ..
و الرشاد آخر عشرين يوم تسفين نصف فنجال و تتبعينه بمرق لحم عشان يلين البطن
أو تعبطينه في تمر بس مع المرق أحسن لأنه يمنع الامساك باذن الله ..

و الرشاد ما ينوخذ ابد بأول عشرين يوم لأنه يزيد الدم فالطريقة الصح هي انك تاخذينه بعد العشرين الاولى يطلع البقايا المحتبسة ..
و الأكل كلي مرقوق بكوسة و فاصوليا فقط .. مع الحلبة و الفلفل الأسود و البصل .. هذا غداء ..
و مرق لحم أو دجاج هذا عشاء و سفي عليه الحلبة المطحونه أو اخلطيها به ..و عليك بالعافية اشربيه و هو حار ,,,
و القهوة سوي لك قهوة عادية بدون هيل و زعفران اطبخي القهوة و حطي بترمسك
شوي يانسون مطحون و شوي كمون و شوي زنجبيل و صبي القهوة و تمتعي بالطع
م و الله موب شينه و أحسن من الهيل ترا كثرته ماهي زينه للنفاس ..

و بين الوجبات مثل ما قلت اشربي حوار ..
شاهي زنجبيل كمون يانسون قرفة اذا لزم الأمر و ممنوع
منع بات الغازيات و العصيرات و كذلك الحلا باستثناء التمر فقط
سبع تمرات باليوم مو تاكلين الكيس كله لأن الحلا ما يخيط الجرح كثرته
ماهي زينه سواء عسل أو سكر أو تشوكليت أو تمر كل هذا لا تاكلين منه
إلا اليسير و استغني تماما عن الكاكاو و التشوكليتات و الحلاو تنفخ و تخرب الجرح
خليك بس على شوي تمر و ملعقة عسل باليوم و إذا قدرتي تشربين اليانسون
و الكمون و الزنجبيل و القرفة بلا حلا فاشربيهم أفضل لك و أحسن لجرحك ..
طبعا باقي الغسول ..
من عاشر يوم من النفاس استخدمي غسول الأرطى مرة زين ..
طريقته تاخذين الأرطى ( مقدار قبضة يد من الأعواد )
و تحطينها بقدر و عليها لتر ماء و تغلينها مع شوي ملح خشن
و ملعقة كبيرة مسح قشر رمان مطحون و بعد ما تغلي حطيها
بالقيصرية طشت يوضع بالكرسي الافرنجي ( انتبهي لا تحطين الطشت بالأرض الجلوس عالأرض ممنوع لمدة شهر )

ترا النفاسيه لازم تلبس شراب و بنطلون لو قطني و وقت النوم تلف الطرحة أو الشال عالراس ..
و النظافة الشخصية لازم تغيير الفوط و بالنسبة للاستحمام لا تكثرين ترا يضرك و يحبس الدم .
. أول ثلاث أيام خليك بس على غسل الجسم بشويش مجرد تمسيح و تشطيف على طول بعدين تروشي بالأسبوع
مرتين و الاستشوار خليه بدورة المياه و ادهري في شعرك
جففيه و تدفي قبل لا تطلعين و خلي لتروشك عشر دقايق بس شغل سريع
و يؤدي الغرض مو تجلسين ساعة بالحمام و يلفحك الهواء و تبردين انتبهي ..

و خليه يدفى و تنقعي فيه لمدة عشر دقايق بس هاه ما أوصيك تنقعي فيه و هو دافي ترا البارد ما ينفعك يحوسك و يسبب لك بلاوي ..
و اجتنبي الموز و البرتقال و الليمون و الباميه و القرع و الملوخية و الملوخية و الطماطم لأنها تسبب مويات و تخرب كل شغلك بنفاسك .
. و لا تكثرين رز و شوفان كلي لكن لا تكثرين و لو اقتصرتي عالبر أحسن و عموما الطماطم حتى في أكلك إذا جيتي تطبخينه
لا تحطين إلا شوي..
بالنسبة للكبو .. ترا ما استخدمته بنفاساتي و من دونه الوضع تمام ما شاء الله ..
و لو تبغون كبو فأحسن شيء ( كسرة مر - كمون - قشر بصل ) و تتبخرين به مع تحت و تتدفين .
.بس منقوع المره أحسن و آمن من هواء الكبو و يؤدي نفس الغرض ( علاج الشمم ) لأن الكبو يبغاله وحدة حريصة في التكبي و التدفي


فيه بنات يتساءلون عن الرشاد و انه ما يناسبهم اللي ما يناسبها تاخذ بدله قرفة آخر عشر ايام للتنظيف
و بالنسبة لتقليل التمر و العسل كلامي عن خبرة و تجربة التمر و السكر يا بنات غير ممنوع
لكن لا تاكلين منه كثير خصوصا اول عشر ايام لأن كثرة السكر بالدم تمنع التئام الجرح و مرضى السكر
و عدم التئام جروحهم هم خير دليل كلوا تمر لكن خمس او سبع تمرات باليوم و كلوا العسل ملعقتين
باليوم حلي فيها المصابيب او المراصيع و حلي بها حليب الحلبة و غير كذا كثرته ما هي زينه تنفخك
و تخليك بالون بعد نفاسك على الفاضي و تاخر التئام الجرح



منقوع المرة يشرب منه ملعقة كبيرة و يكون بدرجةحرارةالغرفةموبارد
وينحط منه شوي في فتحات الأنف بس غسول لا
ممكن تحطين بالفوطة الصحية شوي و يكون بعيد عن الـخياطة

انا لي اسبوعين والده والخارج معي قليل الحين مدري وش العله
ممكن فيك شمم اشربي مره منقوعه بماء دافي
و حطي المرة بخشمك ( منقوع مرة حطيه بمنديل و دخليه بفتحة الأنف)
برضووو اشربي أشياء ساخنة مثل مرق دجاج أو لحم بفلفل أسود و مغلي قرفة و كمون

الماء ما يضر أبد بالعكس زين للنفاسية يدر البول و يحمي من الالتهابات اللي تصيب المسالك و يساعد بادرار الحليب
بس يكون بدرجة حرارة الغرفة أو أبرد شوي
تجنبي البارد


الغسول مرة في اليوم والبخور عند حدوث شمم و احتباس للدم بس أنا
للأمانة أستعمل المرة أفضل لأن البخور و الكبو يبغاله حرص و دفا و أي خطأ ممكن يسبب ضرر أكثر من النفع

و الغسول تبتدين فيه بعد 15 يوم من الولادة

------------------------
3

لاتكثيرين اعشاب وخرابيط وانظمه غير موثوقه
وصفات النفاس وهالمعلومات مهمه لكل وحده فيكم الاطباء
والمختصين بالاعشاب تحذر من اخذ الاعشاب بصورة مبالغ
فيها في فترة النفاس وغيرها وكثرتها ضرر من غير منفعه اذا اخذت بطرق عشوائية ومركبه

وراح اعطيكم اللي عندي واللي متأكده منه من تجارب ثقه :

1/ المره ماتتاكل ابدا ابدا لانها قويه على الكبد وومكن تحدث ثقوب فيها مع كثرة استخدامها.

2/ تحاميل الاعشاب المهبليه كمان خطيره اصحكم تجربوها حذرو منها
الاطباء واطباء الاعشاب لانها تعمل بلاووووووي في الرحم والمهبل
وبعد فتره تسبب لك مويات وريحه غير محببه والتحاميل الطبيه لازم تاخذيها بوصفه طبيه لو حالتك تستدعي .

3 / اعشاب على الريق كمان خطره جدا وافضل حاجه على الريق سبع حبات من حبة البركة مع ملعقة عسل فقط .

4/ الاكل في النفاس مهم جدا والاهم الاكل المفيد من البر واللحم والماش والخضروات والفواكه .

5/ الاعشاب تشربين بمقدار كوب باليوم عباره عن زنجبيل / قرفه /كمون في فترة 20 يوم الاولى .

6/القهوه استبدليها بقشر القهوه افضل لك وافود والحلا التمر يكون خيار احسن .

7/ قبل النوم اشربي حليب دافي مع قليل جدا من الفلفل الاسود .

8 / تدخني الايام الاولى بكمون / قشربصل / خوا جوا . مره في اليوم في ال 15 يوم الاولى .

9 / اعملي تمارين كيجل بعد ماتحسين براحه بعد الولاده وترتاحين من الم الخياطه الى نهاية فترة نفاسك .

10 / احرصي على ترك الاشياء البارده والحوامض من اكل او مشروب .

11 / استبدلي شرب الشاي بالنعناع ترا افود لك .

12 / في العشرين الاخيره نبدا ناخذ الحلبه لان اخذها في البدايه غلط لانها تقطع الدم واذا على الريحه
لا تطحنوها خلوها حب وحطي ملعقه منها في كاس مويه مغليه وخليها تنقع شوي وضيفي عليها ورق نعناع واشربيها
او اضيفيها للحليب اذا تبين طعمها يخف .

13 / قبل نهاية نفاسك بعشره ايام خذي الرشاد مجموعه صغيره منها وحطيها وسط تمره وكليها بس مو على الريق .


14 / ايضا في العشره الايام الاخيره اشربي كوب 1 من منقوع المراميه . او منقوع ورق الزعتر البري.


15 / المره بنات تستخدم اذا كان فيه شمم في الجرح لاقدر الله سواء كان تحت للطبيعي او البطن للقيصري
طريقتها تتنقع في مويه دافيه ويمسح فيها مكان الجرح لمدة 7 الى 10 ايام .

16 / الجوع والبرد عدو النفاس اللدود احرصو على تجنبهم .
المره والملح الخشن ماينفعون ( الا بعد ماتطيح الخيوط) انتبهي تراهم يشدون وينشفونها وماراح تطيح خيوطك
وغالبا الخيوط تكون طاحت بعد العشر االايام الاولى
(افضل شي للخيوط "كريم ميبو ")

-انتبهي من الامساك لانه يفك الخيوط اطلبي من الدكتوره ملين حتى لو مافيك شي لانه يجي بعد اسبوع من الولاده

-فيه خلطه حلوه (فلفل ابيض + شمر +تمر مع حليب ع الريق وعند النوم ) تنشف وزينه مرره


نظام نفاس أم بائعة المسك

علبتين فاضيات مثل حجم علب حليب الأطفال
العلبه الاولى للحلبه , والعلبه الثانية للرشاد .....
وعلبة ثالثه لكن صغيره...

- لتحضير الحلبة :
الحلبة مقدار كثير تقريبا قد العلبة الفاضية + قبضة يد كمون + قبضة يد يانسون + قبضة يد سكر نبات + قبضة يد حبة البركة ....
كلهم يطحنون إلا حبة البركه ... يخلطون مع بعض وحطيهم في العلبه .

- لتحضير الرشاد :
رشاد مقدار العلبه كلها + قبضة يد كمون + قبضة يد يانسون + قبضة يد سكر نبات + قبضة يد حبة البركة ....
كلهم يطحنون إلا حبة البركه ... يخلطون مع بعض وحطيهم في العلبه .

- العلبه الصغيره :
يوضع فيها مقدار متساوي ولازم يكونون حب بدون طحن من (رشاد + حبة البركة) ..
هذي للأيام الخمس الأخيرة من النفاس يوخذ منها مقدار ملعقة وسط ملعقة الحلى وتبلع قبل النوم ..

الفطور:
طحينه تقطع مربعات وكوليها + قهوة بدال الهيل
حطي قرنفل ويسمى مسمار او عويدي +
تمر معجون فية شوي من خليط الحلبه اللي بالعلبة تعجنينها كويس وتأكلين منه تقريباً 7
كور صغيرة تكورينها بشوي سمن عشان ماتتلصق بيدك.
اذا خلصتي متقهويه تجهزين الفطور ..

كاس حليب بالحلبه
2 بيضة مسلوقة
قرص (خبز الزيت)

* طريقة الحليب :
تطبخين شوي حلب بماء لين يصير لونه اصفر بعدين تصفينه
وتحطين نص الكأس حلب والباقي ماء وملعقة سكر على حسب الرغبة و 3 ملاعق حليب جافه وتحرك كويس.

* القرص:
تأخذين مرتين مقدار قبضتين بيدك دقيق بر
وتحطين ملعقة وسط من الحلب المطحون عجنيها كويس بشوي مويه وخليها تتخمر 5 دقايق
بعدين تجيبين المقلي وتحطين فيها شوي سمن وتكونين فارده القرص
البر بيدك فرد مو مره وحطيها كلها في المقلى وخليها على النار لين يتحمر
ويستوي كل الوجهين حاولي تثقبينها بالشوكه بكل مكان عشان يدخل فية السمن.
اذا استوت من كل الجهتين وحطيتيها في الصحن ادهنيها بملعقة عسل وبالعافيه.
---------------------------

الغداء :
مرق دجاج مع قطع دجاج يسلق الدجاج ويوضع فيه ملح وبهارات وماجي.
اذا حبيتي تحطين بطاطس وقرع على حسب اللي تبين وكاس صغير حطي فيه عصير
وملعقة صغيرة من الحلب احركيها وشربيها اذا خلصتي متغديه
كولي فواكه .

العشاء :
مرقوق باللحم الغنم أو حاشي او بعير المهم يكون باللحم الاحمر
كاس عصيرمخلوط فيه حلبه مقدار ملعقة وسط .. (الكأس هنا الصغير كاس الجبن)
تفاح اللي تشتهين من الفواكه ..


استمري على الطريقة هذي 20 يوم بس ...



أما الـ 15 يوم الأخيرات نبداء بالرشاد ...
نفس النظام بس استبدلي الحلبه بالرشاد المطحون وكاس الحلبه وقفيه واشربي حليب عادي بدون شيء ..

والقرص اخلطي معه رشاد بدال الحلبة وعصير المنجا اخلطي فيه رشاد بدااااال الحلبه .



أما الـ 5 الايام الاخيره الباقيه ...
وقفي كل شي وكولي اللي تبين عادي اذا جيتي تنامين كولي ملعقه صغيره حب (رشاد + حبه سوداء) ... اللي خلطناه في العلبه الصغيره ..

العصر :
تقهوي عادي قهوة قرنفل اللي هو مسمار .... وسوي قرفة واشربيها بدل الشاي.

الكبو عادي اذا حسيتي بهواء أو وجع بالارحام تكبي...
الكبو :
( قشور بصل احمر + حب كمون + مره + حب حبة البركه )
قشور البصل حاولي تفتفتينه وتخلطينهم مع بعض وتحطينهم في علبه
كل مابغيتي تتكبين تاخذين مقدار اللي تبين وتحطينه على جمره وتتكبين بالدخان من تحت على المنطقه على الاقل من 10 – 15 دقيقه ...
تلبسين سروال طويل قطني وشراب ولابد تدفيييين ولا يقربك هواء او براد

الشراب ماينشالون عن الرجلين ابد ولا حتى البنطلون...

اما المنطقه اللي تحط امي ماتحب الاعشاب للمنطقه اللي تحت
... تقول اللي تحت لازم نستخدم لها اللي يصرفونه لنا المستشفى من غسول وكريم
الغسول طبي وكريم ميبو


===========================
5
اللهوم : ( 2 كوب رشاد "غير مطحون " +ملعقة طعام فلفل "مدقوق "
+ملعقة طعام مسمار "مدقوق"+ملعقة طعام كمون +ملعقة طعام يانسون +ملعقة طعام ماش "مدقوق"+ القليل من الحبة السوداء )
الفائدة من اللهوم :
- رشاد والفلفل والمسمار لتنظيف الرحم واخراج الدم الفاسد .
- كمون و يانسون لمعالجة الغازات التي تصاب بها النفساء .
- ماش لتقوية الظهر .
- مشروب الأعشاب مكون من : قرفة مدقوقة + قشر قهوة لتنظيف الرحم
- شمر لإدرار الحليب
- يانسون لعلاج الغازات
- الحلبة والماش في العشرين الأيام الأولى لفائدتها في تقوية الظهر وبعدها اتركيها لأنها قد تسبب رطوبة .
البرنامج اليومي الغذائي
في الصباح الباكر من 7 إلى 8 صباحا


- تمر مزال النوى معجون مع رشاد مطحون :
" يمكنك عمله قبل الولادة وتشكيله كور لكل يوم كورتين بحجم البيضة أو اكبر بقليل بحسب شهيتك "
ضعي قطعة واحده في الميكرويف وسخنيها لمدة ثواني فقط حتى تلين دون ان تسخن كثيرا ثم تناوليها
إما مع القهوة أو مع كوب حليب ساخن بحسب رغبتك .
- الأفطار : يحبذ ان يكون كل يوم نوع حتى لا تمل نفسك ( إما بيض مقلي مع فلفل أو مصابيب بر مع
الحبة السوداء والعسل أو مراصيع بر أو حنيني ) على حسب رغبتك .
ملاحظة : إذا لم تشربي حليب مع التمر عليك بشرب كوب حليب ساخن مضاف إليه نصف ملعقة شاي فلفل اسود .

- مشروب الحلبة للعشرين الأيام الأولى فقط لتقوية الظهر : في الليل تغسل ثلاث ملاعق حلبة غير مطحونة
بالماء وتصفى وتوضع في ترمز ويملئ عليها بالماء الساخن وتترك إلى اليوم الثاني ثم تشرب بعد الافطار
وخلال اليوم بمعدل ست اكواب تقريباً ويمكنك تحليتها بالقليل من السكر .

- الساعة 12 ظهرا لهوم مكون من
( رشاد "غير مطحون " + فلفل "مدقوق "+ مسمار "مدقوق"+ كمون + يانسون + ماش "مدقوق"+ القليل من الحبة السوداء )
يؤخذ منه كم ملعقة مع حليب دافئ .
- الساعة 2 ظهرا الغداء واحرصي انه يكون بر
( مرقوق أو مطازيز أو مرق لحم مع خبز بر ) وابتعدي عن اكل الرز لأنه يساعد على بروز البطن .


-العصر وخلال اليوم احرصي على شرب هذا المشروب "ملعقة صغيره قرفة مدقوقة +
ملعقة صغيره قشر قهوة مطحونة نصف طحنة + ملعقة صغيره شمر + ملعقة صغيره يانسون "
ضعي جميع المكونات في ترمز واملئية بالماء المغلي .
ملاحظة : يمكنك تحليته إذا اردتي بالسكر أو العسل .

- بعد المغرب : تمر مزال النوى معجون مع رشاد مطحون مع قهوة عربية أو كوب حليب ساخن
.
- بعد العشاء : العشاء ويحبذ ان يكون إما شوربة أو أي شيء تحبينه بعيدا على الممنوعات .وكما ذكرت احرصي على وضع الفلفل .
- قبل النوم: لهوم مكون من ( رشاد "غير مطحون " + فلفل "مدقوق "+ مسمار "مدقوق"+ كمون + يانسون + ماش "مدقوق"+
القليل من الحبة السوداء ) يؤخذ منه كم ملعقة مع حليب دافئ .

الإهتمام بالخيوط :
- ومن ثم دهن المنطقة ب ( خواء جواء مطحونة ومصفاة 3 ملاعق طعام مضاف إليها زيت زيتون )
تغلى مرة واحده وتوضع في قارورة نظيفة وتدهن بها الخيوط بواسطة قطنة نظيفة ثلاث مرات باليوم .
فائدته يساعد على إلتائم الجروح وسرعة شفاء الخيوط بإذن الله .
ملاحظة :هذا الدهان يستخدم إلى ان تسقط الخيوط ويجب استخدامه من اليوم الأول من الولادة .
- استخدمي الملح + ماء دافئ في الأيام الأولى لتعقيم الخيوط .
ومتى استخدم المره كغسول ؟؟؟*******
المره ياعزيزتي تشد وتكرب المنطقه اللي تمسح فيها..
لذلك ماانصحك تغسلين فيها والخيوط ماطاحت..
بعد ماتطيح الخيوط استخدميها كغسول (خارجي) مو تدخلونها بالمهبل لا
مع الملح والماء..
قبل تسوين محلول مره..وتصبين منه خفيف على الفوطه والهدف ان
الخيوط ماتعورك من الشمم


الكبو :
فائدته : إخراج الهواء من الرحم وتنظيفه يستخدم في العشرين الايام الاخيره ليلية وليلة لا .

مكون من ( قطعة صغيره جدا من الحلتيت + كمون غير مطحون + قشر بصل )
وإذا احسست انك ناشفه وستطهرين اضيفي إليه قطع من خوا جواء والمحلب لأنها تنشف الرحم .
ملاحظة : يجب عمله قبل النوم مباشرة ويجب ان تلبسي بعد ه ملابس دافئة وتبتعدين عن أي تيار للهواء ويفضل لف رأسك عند عمله وبعده .
تمارين كيجل
مهم جدا عمل هذه التمارين من اليوم الأول للنفاس وفائدته تقوية
عضلة الرحم وإرجاعه لوضعه وحجمه الطبيعي ويحبذ عمله إلى 6 شهور بعد النفاس .

===============
6- العناية الخاصة :

أ- أساسيات طوال فترة النفاس :

1- شاي النفاس مكون من : زعتر ورق مجفف ، كمون ، يانسون ، كراويه ، قشر قهوة ، دارسين ،
تخلط سويا وتوضع في برطمان زجاجي ، يأخذ منها بمقدار 2 ملعقة كبيرة
وتوضع في ترمس ويصب عليها ماء مغلي وتترك ربع ساعة لتركد ثم نشربها ( يمكن تحليتها بالعسل عند الرغبة )

2- يدهن البطن بزيت الزيتون والخل ويلف البطن بالشماغ من ثاني يوم
من الولادة ربط معتدل دون مبالغة في الشد حتى لايعطي نتائج عكسية
أو أضرار على الرحم ويفضل أن يلبس عليه مشد من الصيدلية يحتوي
على مغناطيس من الخلف لسحب الألم من الظهر وأثناء النوم ننام بالشماغ دون المشد.

3- يمنع الجوع طوال فترة النفاس ، كذلك تمنع الأكلات اللزجة
(بامية ، بطيخ ، ملوخية ، شمام ، بصل أخضر ، عنب ، رمان ،
مانجو( ، وكذلك الأكلات الحامضة (برتقال ، ليمون ، لبن زبادي ،
جريب فروت ، كيوي ، أناناس (، و البارد (الأيس كريم ، الثلج ، الماء البارد ،
والعصير البارد (، ويمنع شرب الغازيات والإكثار من أكل النشويات وأكل العلك واللبان .

4- يمنع المشي على البلاط أو السيراميك دون جوارب أو حذاء
، مع الاعتناء بلبس الجوارب والبنطلون القطني طوال الـ 20 يوم الأولى ، كذلك يمنع سحب الأشياء وحمل الثقيل .

ب- الـ 20 يوم الأولى من النفاس :

1- خلطة تنظيف الرحم من الدم وتتكون من : كوب حلبه ،
نص كوب حبة سوداء غير مطحونه ، فنجال حبه حلوة ، ملعقه كبيرة مسمار ( قرنفل ) ،
يطحن الجميع عدا الحبة السوداء وتخلط وتوضع في برطمان وتؤخذ ملعقة كبيرة وتخلط مع ملعقة عسل وتشرب مع كأس الحليب الصباح.

2- في الصباح نغسل المنطقة بغسول بيتادين من الصيدلية وندهن الجرح بكريم ميبو .

3- نستخدم أفضل غسول طبيعي للخيوط وممتاز جداً وطريقته كالتالي :
نسخن زيت زيتون ونضيف له الخواجوا ونضيف كذلك محلب وقليل من الحلتيته
ثم نصفيه ونضعه في علبة زجاج ويستخدم يومياً من مرة الى 3 مرات ندهن بها الفوطة الصحية .

4- نأكل التمر المعبوط بالسمن مع شاي النفاس ، طريقته :
كيلو تمر معبوط ، نصف اصبع زبدة ، حب رشاد ،
نذوب الزبدة مع التمر على النار حتى تتجانس ونضيف الرشاد
ثم نعجنها معاً ونكورها كور متوسطة وتوضع في الثلاجة وكل يوم يؤكل منها 3 تمرات .

5- في الليل لابد أن نشرب الحلبة والحليب قبل النوم .


ج - الـ 20 يوم الأخيرة من النفاس :

1- خلطة تنظيف الرحم من الإفرازات والمويات والمكيال بفنجان القهوة
: محلب ، كمون ، عويدي ، حب رشاد ، فلفل أسود ، تطحن المقادير ماعدا حب الرشاد وتجمع وتوضع في علبة ،
تلهم ويشرب عليها الحليب الدافئ أو شاي الأعشاب ، مرتين في اليوم قبل الفطور وقبل العشاء.

ملاحظة : إذا كان هناك بواسير نضع نصف فنجال عويدي ونصف فنجال فلفل أسود.

2- نتجنب الحلبة في الـ 20 الأخيرة لأنها ترخي الرحم .

3- نستخدم غسول الملح والمرّة بعد سقوط الخيوط ونغسل به المنطقة 3 مرات في اليوم ( يشد الرحم ويضوق ويقوي الجلد )

4- الخمس الأيام الأخيرة نستخدم تحاميل ( البوثيل ) من الصيدلية يوم بعد يوم بمقدار حبة لمدة 3 مرات .

5- آخر ليلة بالنفاس نستخدم الكبو أو البخور وهو عبارة عن :
قشور البصل ، كمون ، وفلفل هواء ، محلب ، مرّة ، حبة سوداء ،
نبخر الجسم من الأسفل من 5 الى 10 او 15 دقيقة حسب الاستطاعة
ثم نلبس الفوطة وسروال طويل ثم ننام مباشرة ونشرب شي دافئ
( ممكن نناخة أو قهوة ، ونبقى في الفراش لمدة لاتقل عن ساعة ثم ننشف ونغير ملابسن
ا ، وطبعاً الكبو آخر خطوة ينشف الماء والأوساخ التي سحبتها التحاميل من الرحم .

================
7
العشرين اليوم الأولى :
اخلطي : كوب حلبة - نص كوب حبة سوداء - فنجال شمر -_ ملعقة كبيرة قرنفل(مسمار)
واطحينهم طحن ناعم وضعي ملعقة كل صباح مع كوب الحليب وبعد العصر يعني يشرب مرتين باليوم .

الفطور خبز بر معبوط بفلفل أسود وحبة سوداء

قبل تناول الغداء اشربي منقوعة العنزروت وهي مكونة من :
ملعقة كبيرة عنزروت - ملعقة صغيرة مرة - ملعقة صغيرة محلب
تطحن مع بعض وتوضع بكأس الماء وتحرك بملعقة وتترك قليلا ثم تشرب

بعد تناول الغداء اشربي كوب من شاهي العشاب
مكونات شاهي الأعشاب :
كوب مرمرية - كوب شيح - نص كوب كمون - شوي قشر قهوة - كوب نونخة - كوب دارسين - نص كوب يانسون

اخلطيهم واشربيهم في كل وقت مع الغداء ومع العشاء وبين الوجبات مفيدوجدا بالنفاس وغير النفاس

هذا بالنسبة للعشرين اليوم الأولى من النفاس

****************************** *********************
اما العشرين الخيرة من النفاس فاستخدمي الآتي :
اخلطي : كوب حبة سوداء - ملعقة كبيرة مسمار(قرنفل) ملعقة كبيرة دراسين (قرفة)
ملعقة كبير فلفل أسود - ملعقة صغيرة محلب - فنجال كمون - ملعقة كبيرة نونخة - فنجال شمر - فنجال رشاد

تطحن مع بعض ماعدا الرشاد لا يطحن
ويوضع منه ملعقة مع كوب الحليب في الصباح وبعد المغرب
يعني مرتين في اليوم

نأخذ مع القهوة تمر معبوك بسمن ورشاد وحبة سوداء
نأخذ قبل الغداء منقوعة العنزروت اللي ذكرناها
وبعد الغداء شاهي العشاب اللي ذكرناه

نعمل كبو هواء كل ليلة تقريبا إذا صار لك عشرين يوم
مكونات الكبو :
خواجوا - مرة - كمون - حلتيتة - محلب - قشر بصل - هدب أثل - فلفل هواء - عود هواء - ورق حنا


كلها موجود عند العطارين

لألم الخيوط :
اخلطي زيت زيتون + مرة مطحونة وسخنيهم شوي على النار ثم ضعيهم بعلبة وكل مادخلتي الحمام امسحي بقطنة منه على الخيوط
ياأخوات انتبهو لايدخلكم البراد لابد من لبس سراويل قطنية طويلة وجوارب حتى لو كان صيف لابد نتحمل .

واخيرا لا تنسوني من صالح دعواتكم والي تبي تنقل حلالها بشرط تكتب اسمي واسم المنتدى وتدعي لي

جزاك الله خير

الله يعطيك الف عافياااااا ،،،،،،،،،،،،،

صباح الخير
:icon30:

هلا بنات منورين

تجوجه
الله يجزاك خير حبيبتي تستاهلون اكثر

wqwqt
واياكي يالغاليه

مجنونـة زوجهـا
ويعافيك يا عسل