لكم وحشة (ولدت ورديت) الحمدلله

شلونكم يابنات والله لكم وحشه وفقدت هالمنتدى وسوالفكم الحلوة انا الحمدلله ولدت من اسبوعين ويبت وليد يسلم قلبه الكل قال يشبهني الصراحة ماتوقعت ابد يشبهني جذي نسخة سبحان الله:) اما عن ولادتي كانت صعبه شوي واول مرة اعرف ان ممكن تصير هالحالة واللي تحب تقرا قصة ولادتي انا بكتبها :

اول شي ما كان فيني طلق ولا شي بس في موعدي بالسبوع ال39 قالت الدكتورة بفحصج واستانست ولما فحصتني قعدت اصرخ وقلت خلاااااااااااص هونت مااااابي اولد !!!!:eek: وقالت لي انتي مفتوحة 1سم ونص شربي خروع مع عصير مانجا وامشي وبالليل راح تييج ولادة وطلق ! المهم رحت البيت وشربت الخروع ومشيت وفعلا بالليل ياني طلق عجيييييييب الالم مو طبيعي لكنه بس بظهري وقلت حق زوجي خلاص اليوم الفجر بولد ! ومسكين قاعد ينطر وفجأة الصبح ينزل مخاط مع دم شوي وبس راااااااح الطلق ونمت ! وظل الطلق يروح ويرجع في بطني وظهري لمن يوم الاثنين رحت مشيت والصراحة في سر ثاااني له مفعووول عجيب واللي اهو (جماع ) عقبها على طوووول الم فظيع اللي قعدت ابجي ماتوقعت اني رااح اصيح:42: ورحت المستشفى وقالو لي خلاص ولادة استانست وقلت راح ارتاح بعد جم ساعة ودخلوني الولادة وطلبت ابرة الظهر بكل ثقه وهم يماطلون معاي لمن يت لي الممرضة الفلبينية ومسكتها من هدومها وقلت لها لييييش ما تبون تعطوني الابرة؟؟؟؟ قالت لي لان انتي مسوية عملية من قبل ونخاف لما يتخدر الجزء السفلي من جسمج ماتحسين اذا عورج الجرح وبعدين ينفجر الرحم وتتبطل العملية علشان جذي ماراح تاخذين غير الكمام طبعا انا ضاااق خلقي وصكت الدنيا فيني لاني بتحمل هالالم وااايد وقعدت ابجي:06: ماكنت ادري انها خيرة من ربي لان فعلا بعد نص ساعة بالضبط حسيت فوق الالم الم ثاني مكان العملية خلاني شيل الجناح كله ! واسمع الدكتورة تقولي الراس قاعد يضغط انا بوسع وبحاول اساعد البيبي لان نبضه صار بطيء شوي والمفاجأة انها اول ما حطت ايدها تبي توسع ارتفع الولد ودش مرة ثانية حسيت روحي بتطلع وارتفع البيبي فوق بالحوض والدكتورة قالت لي خلااص لازم عملية الجرح راح يتبطل والبيبي صعد والطلق كل 30 ثانية ونبض الطفل نزل وضغطي بدا يرتفع وصارت حالتي حاله ودخلوني العمليات ولدوني فتح بطن للمرة الثانية (الحمدلله على كل حال) لكن اتوقع انه خلاااص كل ولاداتي بتصير فتح بطن :( كنت اتمنى اولد طبيعي لان كنت ابي احمل بعد فترة قصيرة مرة ثانية وخلااص بس الحين مجبورة انطر سنه او اكثر , امهم الحمدلله على نعمة ربي وعلى هالولد وسلامته والله يسهل على كل حااامل يارب وتكون ولادتها سهلة وماتشوف اللي شفته ويرزق كل محروومه بالذرية الصالحة يارب .

طولت عليكم بس تدرون ان النفااس كآبة :( الصراحة لكم وحشة وقلت اسولف لكم شصار معاي وسلامتكم .