مرحبا ..حياكم الله بنات الاسرية من زمااااااااااااااااان عنكم..
وش اخباركم رمضان كريم والله يقبل منا ومنكم الاعمال الصالحات ويعيده علينا ويكفينا شر الامراض..
تغربت وغيرت التواجد الى قسم المغتربات بس ان شاء الله اسير عليكم :44:
معي موضوع من بريدي..اعجبني وحبيت تشاركوني قراءته وممكن تعلقون عادي...:):)
قولوا اكيد الله لايعوقنا بشر..:):26:
السلام عليكم
دخل الزوج وبيده كتاب وردي اللون وسلم بابتسامة....!!وقال تفضلي يا ام فلان جبت لك هالكتاب جديد...
مسوي فيها يحب يشوف زوجته تقرأ!!اخذت الحرمة الكتاب وكان العنوان..كيف تكونين سعيدة في حياتك ابتسمت وتشكرت منه واخذت عهد على نفسها تقراه تبي تصير سعيدة!! ى
****************
فتح جهاز الكمبيوتر وبدأ يقرأ البريد وكل ما شاف شي عن الزواج السعيد على طول يرسل لزوجته ويمكن هو ما يقراه وكل ما جاه شي عن تربية الاطفال ارسل لهالحرمة يبيها تتثقف وهي مصدقة انه يدور ثقافتها...!!؟
***********************
اجتمعوا الصديقات وبدت هذي تتكلم وتشكي وزوجي قال وزوجي راح ولا اددري واش اقول ولا ادري وش اسوي..؟!قالت وحده ياشيخه خلي عنك هالحكي وادخلي موقع ...الصراحه مره حلو يعطيك كيف تعاملين زوجك واشياء وافكار مره رومانسية تتونسين وتتثقفين انا قال لي عنه زوجي والله استفدت...بللله؟ شكلي الليله اقرا فيه؟
جلست فاضيه وفتحت اللاب توب ولقيت ايميلي مليان...بدأت اقرأ الرسايل ما اقول كلها لكن اغلبها كانت عناوينها...
10 طرق لكي تكوني سعيده في زواجك.
30 طريقة لكي تكوني الاجمل في نظر زوجك
60 طريقة تخليك ملاك قلبه
25 ,5 طريقه لمختلف الابتسامات التي تأسر قلب زوجك
88,10 فكرة حتى تعيشان حياة سعيدة كما حمام السلام..
وهلم جراااااااااااااااا
طبعا اقرا وحده من هالحكي يكفي لانها كلها مكرره واللي مألفها واااااااااااااااااااااااااحد واذا ما كان واحد فهم مجموعة رجال ..تتصورين ليه ؟؟؟
لانهم يحبون حريمهم؟؟
لانهم يبون ثقافة العنصر النسائي
لانهم باختصار يبون يكونون سعيدين في حياتهم ومرتاحين والحرمة على كيييييييييفهم فسووا لهم منتدى اسمه عالم آدم وبدل ما يكتبون ويتناصحون ويحطون الف طريقة وطريقه لمعالجة أخطاءهم وكيف ممكن يعيشون سعداء مع حريمهم قلبوا الموضوع على روس هالضعيفات كما هم يفعلون دائما وكتبوا العنوان كيف تكوني سعيدة ومبتسمة وفرحانه و و و و....
مع انك لو شفتي هالخطوات بتقولين سهله التطبيق مع اللي يحس ويقدر ويتفاعل لكن مع خشب مسندة!!!صعب جدا وفوق هذا وش يكتب لك ف الاخير؟؟؟
عزيزتي حواء لا تيأسي ولا تفشلي من اول محاولة ففاقد الشيء لايعطيه (تراه يسبك وانت ماتدرين)فهو لم يتعود منك هذا الاقبال وهذه البشاشة لذلك قد يستغرق بعض الوقت ليفكر كيف يرد عليها ويتعامل معها....حشى وش مسويه بس هو يبي يرقع لاخوياه يعني بالعربي اضحكي على الطالعه والنازله والبسي وتكشخي طول الوقت واطبخي غدا وعشا كل يوم شكل وارقصي وتغنجي وتدلعي وربي عيالك صح ونوميهم بدري لا يقلقونه في الليل واذا صار نايم العصر امسكيهم لا يزعجونه و لاتتكلمين في اهله ولا تقولين وين رحتوين جيت وسولفي له كل شي سويتيه وعلميه عن كل خططك ورغباتك ولاتشكين خيط في ابره الا معلمته و و و (لاحظتوا انها كلها تصب في قالب راحته واثبات وجوده في البيت تسبب نكدك وتعبك وطمسك من الوجود؟؟؟ وبدووووووووون زعل لو طبقت كل الموجود بالحرف تحسين
نفسك......ب ق ر ة!!؟؟؟؟؟؟؟؟
قولي ليه......لانك بتتبسمين الليل والنهار كنك مهبوله
لانك بتلبسين وتحطين مكياج الين يشرف حضرته ويمكن تنومين ماجا من سهرته وهذا خطر على بشرتك لكن عشانه
لانك بتطبخين وتنفخين وكل يوم بتضغطين على نفسك في التشكيل وهو عند كبسة الاستراحة وسلطة صويلح الوسخ اطعم والذ
لانك بتمسكين عيالك وتربينهم وتتعبين معهم واذا نجحوا وكبروا وصاروا سنعين طلعوا معه وصار فلان والنعم ربى عياله صح..؟
لانك بتقبلين على قولتهم وتسوين نفسك فيه وولو انك تعبانه وقرفانه من حياتك ويجي الاخ يا ريحته فايحة يا فيه النوم وعنده موعد بدري ويسوي نفسه نايم.......يالله لقطي وجهك
وغيره وغيره كثير من النصايح اللي تحسينها مبالغ فيه ومستحيل حريم عايشين هالواقع اللي كلنا عايشينه ويالفون هالحكي
يابنات ويا حرييييييييييييييم كل وحده تعرف زوجها وتعرف وشلون تتعامل معه تعرف وشلون تتصرف في بيتها وخارج بيتها وتديره بدون ماتستمع للنصايح هذي اللي بتخلينا كلنا سوا نفس التفكيييييييييييييييييييييييييير والطريقه وكاننا مممثلات سوينا عملية تجميل وصرنا نفس الشكل؟!!
الحياة شراكة ليش سموه شريك حياة عشان نضحك سوا ونزعل سوا مو اضحك لو في قلبي مليون هم وهو اذا تخاصم مع واحد عند الاشارة جاني مزنقر!!
الحياة شراكة البس واكشخ عشان هو بعد يلبس مو يجلس ليل نهار بصروال سنه واذا جا وقت الاستراحة طق الكوبرا والعطور وطلع
الحياة شراكة لو تعب باستنفر جميع طاقتي عشان ما نزعجه والادويه والخلطات وكلماقاله احد خلطة نفذناها وانا اذا تعبت وياكثر تعب الحريم ياعمري قال اعوذ بالله من هالنكد وش هالاستقبال عسى مو انت اول وحده تتعب تخلين الواحد يكره البيت؟؟ مع المطالبة بالاستمرار في الطبخ والنفخ والتكشخ وتربية العيال!!!!
الحياة شراكه......
وماراح نكذب عليكم يا اولاد ادم ونقول
ابتسم...احضر وردة ...ولع شمعة...انتبه للابناء اذا كانت متعبة...ساعدها في المنزل لو احتاجت...داعبها كل ليلة وكانها عروس!!دلعها حتى ولو كنت زعلان..اختر لبسها (يمكن) واجعلها تختار لبسك(اما عاد) حتى تشعران بتبادل الاذواق.و و و
بنختصر هذا كله ونقول
يا آآآآدم....الوصية الاهم لتكون سعيدا في حياتك هي ان تكون
..............
رجلاً!
عاملها صح..تذكر انها خلقت من عظمة الكتف العوجاء لتكون قريبه من قلبك احب اعوجاجها وتصرف معه بعقلك وكونا شريكان يتادلان المشاعر والاحاسيس والحياة كامله لا تعتبر رجولتك وقوامتك انك تستطيع ان تقول لا على طول الطريق...
انتهى
وش رايكم.؟؟
الطيب يضيع @altyb_ydyaa
محررة
يلزم عليك تسجيل الدخول أولًا لكتابة تعليق.
كلام جميل جدا بس المشكله ان الرجل اناني بطبعه و يحب الكون كله يدور في فلكه وهو مبسوط بكده و مش بيحاول بغير حاجه وشايف ان المرأه هي الغلطانه دائما و اللي بتعمل مشاكل و بتفهه الامور و............... و هو وملاك و معندوش و قت غير للكوره و الكافيه و اصحابه انتي اللي لازمتشوفي حكاية الكتب و المقالات و الكلام الفارغ ده
الحمد لله على ان احنا بننسى و نطنش عمايلهم و الا كان زمان البيوت كلها وضع تاني
وتسلم ايديك يا جميل
الحمد لله على ان احنا بننسى و نطنش عمايلهم و الا كان زمان البيوت كلها وضع تاني
وتسلم ايديك يا جميل
الصفحة الأخيرة
جمعه مباركه