لك الحمد ربي

سلام عليكم ورحمة الله وبركاته
كيفكم ياحلوين
اكيد عارفيني من كثر مااستشرتكم وشكيت لكم وضعي
انا لي سنتين ونصف ماحملت وراجعت مستشفيات وادويه وخرابيط وقلق وهم الين طفشت
تركنا المراجعات انا وزوجي من شهر 5تقريبا..
وزوجي كان في باله نسوي تقليح مجهري في شهر 8
بس انا عييت عشان زواج اخوي كان بشهر 8
واخوي الثاني زواجه بعد العيد
وقلت نأجل الموضوع الين بعد العيد ونسوي التلقيح
المهم حكيت لكم قصتي قبل كذا واخذت رايكم
وقلت اسافر وانبسط بزواجات واغير جو وبعدها يحلها ربي..
المهم..
سافرت في شهر 8وحضرت زواج اخوي ومن خلصت الدوره مني وانا عند اهلي على طول رجعت عند زوجي
وبعدين دخل رمضان وانشغلت في رمضان وعزايم وفطور وانشغلت بزواج اخوي اللي بعد العيد واسواق وروحه وجيه..
ونسيت ساااالفة الحمل
بس ادعي ربي كل يوم واستغفر ونقرا القران انا وزوجي والحمدالله امورنا كانت تمام..
المهم الدوره المفروض كانت تجيني يوم 20 رمضان بس تاخرت وهي بالعادة تتاخر عندي
عشان كذا ماخذت في بالي..
المهم سافرت على 25 وعلى طول رحت اخذت عمره ودعيت ربي ان الدوره ماتجيني
المهم من اخر رمضان جتني اوجاع في ظهري وبطني اول مره تجيني
وقلت اكيييد حمل
وثاني العيد اخذت تحليل منزلي وحللت
وطلعت حااااامل
بغيت امووووت من الفرحه يارب لك الحمد والشكر
وعلى طول دقيت على زوجي ابشره
كان مره مبسوط..
ماعاد صار لي نفس احضر زواج اخوي بس غصب عني
وحضرت الزواج ورجعت بيتي
والحمد الله انا الحين بشهر الثاني
ياااااارب يتمم لي حملي ويثبته لي يااااارب
دعواتكم بثبات حملي..
الله يرزقكم جمييييع يارب