لك انتي اريجا ادخلي ضرورري<<<< لاحد يدخل غيرها>>>>

الله يصبرك ان شاء الله وترى حتى انا اشترك معاك في ان ابوي وامي بعيدين عني ابوي ميت وامي متزوجه
في مدينه ثانيه وبعد اني ساكنه عند خالي شوفي خالي طيب جداً المشكله عند خالتي الله يغربل بليسها
ومشاكلها مابدت الا بعد خطوبتي شوفي انا نزلت لك موضوع اسأل البنات عنك واذا احد يعرف شئ عنك بعد اخر شئ نزلتيه ان خالك مد يده اقل شئ تسوينه تعطيني وجه شويه ويعلم الله اني مااسوي كذا الاعشان قلبي يعورني عليك مو متعاطفه معاك الا عشان حالتي نفس حالتك مالنا احد يفهمنا .
المهم انتي الحين خرجتي من الغرفه ؟ واش سويتي مع الدوخه الي جاتك ليكون عندك فقر دم
وخلاص ربي قدر عليك تعيشين بقيه حياتك كذا اش تسوين مالك الا الصبر تكفين حاولي تتأقلمين مع وضعك الجديد والله يصبرك وكل ماحسيتي نفسك ضايقه مدي سجادتك .
وحبيت اسألك انتي ماتدرسين او تخرجين من البيت؟ صدقيني اذا خرجتي بترتاحين شويه وحاولي تسايرين زوجت خالك ياعساها المرض واتصلي على خوالك خليهم يمشونك ولاروحي عصريه عند واحد منهم او اعمامك اوصديقاتك بس لاتسوين بنفسك كذا ترى محد بيخسر في النهايه الا انتي بتخسرين صحتك وبتجيك حاله نفسيه عشان ايش عشان وحده ماتخاف ربها ؟؟؟
وبعد اذا تبين تفضفضين ادخلي واكتبي وسوي الي تبين والله اني صرت ادخل عالم حواء عشانك اشوف اريجا اش اخر اخبارها مع زوجت خالها وهي ولا معبرتني :44:
واخيراً اصبري ثم اصبري ثم اصبري لاتقولين لمتى الين يفرجها ربك ماتدرين يمكن تتغير معاملتهم معاك وتسير احسن او ربي يرزقك بولد الحلال الي يسعدك ويغنيك عنهم
المهم طالبتك اذا شفتي كلامي ذا اكتبي لي انك شفتيه عشان ارتاح تكفين وحاولي تغيرين من اسلوب عيشتك يعني اطلعي ادخلي سوي اي شئ