هلا أختي..
وايد ناس في بطالة أنتي على الاقل بنت ..
يعني المعرس بيج ان شاءالله على فرسه بيشلج ..
اما الشاب العاطل شو بيسوي المسكين كيف بيقدر يعرس ويستقر ..
بخصوص الشكل وانه الله مايحبج هذا الشيطان يقولج كذيه استغفرالله ..
اعرف بنت كانت ماتتحجب لانه تشوف نفسها بالحجاب خسفه وبدونه جميلة ..
يوم اهتدت وتحجبت الحمدالله زادها الله هدايه وتنقبت قامت اتشوف عمرها بالحجاب..
جميلة قمر وبالنقاب خسفه لاتسمحين لشيطان يضحك عليج ..
أهم شي اتكونين مقتنعه بكل ماعطاج الله وشوفي من هم اقل عنج في كل شي ..
ثقي بالله وانه معاج في السراء والضراء وياما ناس وايد عاشو في ضيقه لين ماياهم الفرج
وتغيرت حياتهم كليا ..
ابتسمي للحياة بحلوها ومرها وعانديها وغير نظرتج للأمور:)
توكلي على الرزاق كوني على يقين انه رزقج بيي عندج قريبا ان شاءالله ..

صـــادقــه أختـــي

وبعـــدين أختـــي الحيـــرة ألي تقــولينه غلط لا بحــق الله ولا بحــق نفســك

والله يبتلي العبــد ولا زم الانســان يكــون صبـــور شكـــور

أحمـــدي اللــه على نعمــة العــافية وراحـــــة البـــال

وأعـــرفي انــه لـــو عنــدك كنـــــــوز الدنيـــا

بـــــس فـــاقــدة الصحــــة تشـــوفين الدنيـــا ولاشـي

الحمــد للــه على نعمـــه وفضلـــه

أللهم أدمهـــا علينــــــــا وعــلى المسلميـــن أجمعيـــن

والقنـــاعة كنــــز لا يفنــــى

تقولين
ياربي ياناس ياعالم ذبت من الصبر والانتظار...


( ليش تمنّين على الله بالصبر ... وبعدين وشلون تبين الله يجازيك على صبرك وانتي مسحتيه بقولة مليت )

تقولين:
ليش النحس ورايي وين مارحت..


( وش درّاك ان النحس وراك ... انتي سألتي ساحر عن حظك ... يمكن يجيك الفرج في اي وقت )؟؟؟


تقولين :
تفائلت وايد وكل مرة اقول غير مرة بتفرج..


طيب ليش ماتصبرين لين يكتب الله الفرج ... الحين هذا جزع من قضاء الله ...

تقولين :
اجتهدت في الدراسة وتفوقت ودخلت الجامعه وتخرجت بكمل سنه حتى شغله فراشة ماني محصله..


( اقسم بالله لو يتصل عليك احد ويقول في شغلة فرّاشة ماراح توافقين عليها أو على الاقل يمكن تشتغلين بس ماراح تفرحين بها )
(وبعدين احمدي ربك اللي مجتهدة في الدراسة وداخلة الجامعة ... انا شخصياً صابتني عين في الدراسة وصرت اذا رحت للمدرسة كأني مجنونة وتركتها ومعي الحين بس كفاءة والحمدلله على كل حال ... فإذن ليش تقولين النحس لاحقني .. وش هالتناقض )


تقولين :
لا معرس ولا عريس كل من شافني راح ولاعاد رجع..

( طيب ربي كاتب ماتتزوجين ... تعترضين ... كأنك من اللي يتذمر من اللي يشوف من قضاء الله )
( واذا ربي كاتب لك نصيب بتاخذينه سواء حلوة او مو حلوة )



تقولين:
مافيني اي شي مميز ولا ذرة جمال (هذا اللي يقولونه الناس بصريح العبارة)..


( انتي مسلمة؟ ... انتي لست بتراء ولا عمياء ولاصمّاء ولا مكسورة ولا مشلولة ولا مريضة مرض مزمن أو مستعصي؟؟؟ )
( أجل وشلون تقولين مافيني شي مميز )
( والجمال وش فايدته بدون جمال روح الانسان نفسه )



تقولين:
تدربت سياقه ودخلت عدة امتحانات ولا نجحت للحين.. آخر شي اليوم دخلت الامتحان وقلت خلاص مابكمل مااقدر استحمل

(هذا مو دليل الفشل تقدرين تختبرين طول عمرك لين تنجحين واذا نجحتي تعتبرين ( ناجحة ) صح أو لا ؟ )


تقولين:
ماخليت دعاء ولا صلاة الا صليتها ماخليت شي...مع كل نسمة هواء وكل قطرة مطر تنزل بين الاذان في الصلاة في السجود في كل وضع...رحت العمرة فرغت كل اللي في نفسي!! لا اله الا الله...على طول اردد دعوات وتسبيح واستغفار...ليه الزمن معي قاسي قسوة لدرجة ماتتصورونها

( حرام عليك تذهبين حسناتك بالمن على الله ... افرضي راح اجرك هذا كلّه اللي ربي جامعه ومسجله لك في كتاب معلوم ... انتي تتهمين الله بالظلم ( وماربك بظلام للعبيد ) بس انتي اللي تظلمين نفسك بنفسك وماعندك ذرة صبر )


تقولين :
لكن الله مايحبني ابدا..الدنيا مسودة في وجهي وين مارحت ...لا تقولون لي اكيد فيه اشياء زينه في حياتك وانتي ماالتفتي لها..قولوا لي شنو المميز والجميل في حياتي!!


( استغفري اقسم بالله انصدمت واختل توازني يوم اتهمتي ربك بأنه مايحبك ... والله حرام انتي وش درّاك عن ربك وماتعلمين الغيب ...)
( استغفري )


تقولين :
ياربي كفرت استغفر الله...ضايق خلقي ضايقة الدنيا بي...

( أبي أسأل وش معنى ( كفرت ) انا مافهمتها وبعدين يليها استغفر الله ... مادري وش معناها واخاف يكون جزع يارب يتوب عليك )

تقولين:
يابنات سامحوني ماادري شنو قاعده اكتب وشنو اقول بس احس انه فيه شي بداخلي لازم يطلع



( شي فيه تعدي على الله مانقدر نسامحك فيه الّا اذا تبتي واستغفرتي )

هلا حبيبتي الله يفرج وهمك وهمي ثقي بالله سيجعل الله بعد عسر يسر انا لي سنوات متزوجه ولا انجبت وتخيلي امي تعايرني بهالشي وتقول الله ماراح يرزقك معنى حمدالله ما ظلمت احد ولاشي وكل زميلاتى حملو وعندهم اطفال حتى وحده منهم كانت تعاديني وتكرهنى من غير سبب حملت قبلي وطالعنى بعيون الشماته وانى انتصرت عليك وحملت وانتى لالا بس ماهمتنى الله معي انشاللله ولاعمري قلت الي قلتيه لانه مو كلامك كلام الشيطان تعوذي منه وتذكري اهم شي لاخره ماراح ينفعنا الا ااعملنا الصالحه لا زوج ولا ولد بينفعنااااا وتذكري الدنيااااا فاااااانيه

استغفر الله
لكيف الله مو موفقك بشي وإنت درست ونجحت وتخرجتي وما فيك أمراض الحمدلله
ليش ما تفكري بهالأشياء المنيحة بحياتك ليش ما تحمدي ربك إنك سليمة وعايشة بين أهلك

إستغفري ربك حتى يقف الله معك شوهالحكي اللي بتكتبي

إصبري إن الله مع الصابرين وإتقي الله وإدعي الله وأنت موقنة بالأجابة فلن يخذلك مادمت مؤمنة
بس إياك تعيدي الحكي اللي كاتبتيه حررررراااام

لا تفكري إني موظفة ومتزوجة لأ
أنا مو متزوجة وإتخرجت وما توظفت لسه بس موقنة إنه ما بعد الضيق إلا الفرج

ودعواتي لك وللجميع