للأسف 💔

يظل هناك مواضيع ردود في قمه الذوق والرقي نستفيد منها
بعض الأخوات ردودهم فعلا رائعه تجبرك أولًا على احترامها كـ شخص واحترام كلامها كـ رائي
اسال الله ان يحازيهم كل الجزاء على كل كلمه خير ونصح تقال في هذا المنتدى

لا تعممي انا موجوده من زمان صحيح كانت مواضيع جميله ومفيده وماتخلو من الخلافات والمناقشات الحاده والتغيير وارد هذي الدنيا دوام الحال من المحال واللي تبغا تستفيد راح تستفيد ماننكر انو فيه مواضيع ماتستاهل تنطرح مجرد لعب مراهق أو مراهقه أو حتى معتل نفسيا وانا ما انتقد الله يصلح حالنا وحالهم لكن الحمد لله الخير مازال موجود فيه عضوات لهم الأثر الطيب في مواضيعهم أو ردودهم واحنا مالنا حق نحاسب احد اللي علينا ننصح ونوجه بلمعروووف والإحسان وندعي ربي يغفر لنا ولهم غفلتنا وزلاتنا

فاكره ايام حور الجنان مفيه هوشات سجلت فيه وانا صغيره

انا في المنتدى من زمااان بس ماكنت ادخل هالقسم ادخل الترفيه والطبخ والعنايه اقرأ اكثر من اشارك ، فماا ادري عن وضعه قبل ... 🚶🏻‍♀️

وعليكم السلام ورحمة الله وبركاته


انا اللي عالق في ذاكرتي اول ماسجلت بعالم حواء من سنوات هو وجود عضوات بالقسم العام انصار لـ (مايحتاج اكتب مين عشان ماينحذف موضوعك) القديمات اكيد فاهمين
وكنت ادخل معاهم في جدال بسبب هذا الشي انهم مغسوله ادمغتهم وكنت مستغربه من الوضع
والعضوات هذول كانو عدوانيات وشريرات في الرد واسلوبهم وتفكيرهم مره قمعي وهمجي
غبت عنهم فتره طويله ورجعت لقيت المكان تنظف وتم منع اي مواضيع تتعلق بهذوليك الناس ههههه
يعني ما اشوف ان الوضع تغير كثير النفسيات والعقليات هي نفسها لازالت موجوده لكن بنسب متفاوته
واساساً الاداره او المشرفات لازال فيهم الجانب القمعي والرأي والفكر الواحد القديم المتحجر الغير قابل للتطوير وممنوع أي احد يكتب عن أي علم اخر ويتناقش فيه من باب العلم مباشره يتم الحذف ووأد الفكره من جذورها
اللي يبقى هي مواضيع الزواج والطلاق والحموات والتعدد والضرب والتعنيف والدوره والافرازات والولاده والنفاس والخياس يقدسون مثل هذي المواضيع وكأن الحياه مافيها غير هذا الشي


لازم تتقبلين الوضع ان الحياه تغيرت والافكار تطورت وكل هذي الامور يتغير معها الشخص وتتغير اهتماماته
ومثل ماوضحت هنا للاسف لا مكان للتطور والتوسع والنقاش المثري المفيد