للأسف تعالوا شوفوا وش شفت قلبي اوجعني

السلام عليكم جميعااا ،بنات انا شفت بأم عيني كيف الوحده تكون لابسه عباتها ونقابها ومافي احسن منها مجرد مانوصل برا وربي شاهد علي ترمي النقاب وتطلع وجهها وفيه الي شعرها طالع وفيه الي ترمي العباه بكبرها والله شفتها بماليزيا والان انا باوربا تخيلوا بمطار الملك خالد لابسات عبابات ونقابات واول ماوصلنا برا اكشفن وفيه الي رمت العباه لهدرجه هاذا نفاق ليش الرب مو واحد. ليش ياحلوه ماكشفتي بالسعوديه وش معني يوم حطيتي رجلك برا وانتي تكشفين لهدرجه استهنتي بحجابك ولا انتي ضعيفه مافيك ثقه ولا قلتي دام اني برا اكشف عادي ونسيتي ان ملك الملوك موجود وفوقك قسم بالله استحيت من هالمناظر انا رحت وعلي عباتي ونقابي ومافكرت انزلها لو دقيقه اهم شي ربي ارضيه مو البشر ارضيه وارمي العباه والنقاب والزوج يمشي ويتبختر فيها لاحول ولاقوه الا بالله طيب لو ربي قبض روحك ولا طاحت الطياره ولاصلحتي حادث وانتي كاشفه برا كيف بتقابلين ربك انا ابغا وحده من الي اذا راحت برا تكشف تجي تناقشني وتعلمني ليش بالسعوديه تتغطئ واذا طلعت برا رمت العباه والنقاب لاتجي وحده وتقول دعي الخلق للخالق ومالك خص لاني واثقه مليون بالميه ان الي بتقول كذا هي من الي تكشف برا انا بس حبيت انصح كل وحده اتقي الله في حجابك وتستري سوا هنا ولا برا وربي ورانا نار وحساب وعقاب ماراح تنفعك سفره وتمشيه واذا سافرتي وش بيضرك لا خليتي عبايتك ونقابك عليك بيضرك شي لا والله ماراح يضرك شي بالعكس بتحصلين الاحترام من الاجانب ويكفي ارضيتي ربك بالنهايه نسأل الله ان يتوب علينا ويغفرلنا ويرحمنا