للأسف كل وصايا أمي غلط

بنات انا احب امي موووووووت وادعي لها بالليل والنهار ان ربي يخليها لنا ويكرمها ويجازيها بالفردوس الاعلى على تربيتنا وصبرها وتحملها علينا واحنا صغار واحنا كبار بعد
لا ومتحمله عيالنا بعد



لكن





للاسف





نصايحها اللي اعطتني اياها قبل الزواج كلها غلط ... وما قلل قيمتي عند زوجي الا هي :(

بنات انا اول ما تزوجت كنت صغيره وفرحانه بالزواج وكان ودي اسوي زواج
واسوي زفه ... وقلت لزوجي ايام الملكه وقال ابشري باللي تبينه وانا حاضر بالزواج من الاف الى الياء (( هذا ايام الطفره الله يرحمها ههههه ))
المهم لما قلت لأمي قالت لاااااااااا مستحيل نكلف الناس بأمور تافهه ووش بينفعك الزواج و و و و و ... الين كرهتني بالحفله وقلت ما ابيها

وكان كل ما يجيب لي هديه ذهب والا شي غالي تقول لي امي رجعيه له عشان ما ياخذ عنك فكره انك ماديه وتحبين الفلوس

حتى كان يجي يزورني ويترجاني نروح نتعشى بمطعم وامي ترفض تقول لا حنا بنطبخ له عشان يعرف اننا سنعين وما ياخذ فكره عننا اننا راعين مطاعم مثل القطاوه (( الله يهديها بس ))


وما خلته يجيب ولا شي لبيتنا كل شي اشترته هي من الاساسيات الى التحف

وكان اذا مر يوم ما دق علي فيه تقول لي دقي انتي عليه (( اول مره اشوف ام تقول لبنتها كذا )) :( كل صديقاتي يقولون نكلم ازواجنا بالسرق

والسفر لشهر العسل اجبرتني اقول له عادي لو نقضي شهر عسلنا بالرياض

وحتى بعد ما تزوجنا كان يغلط علي اغلاط كبر البعارين وكل ما قلت لها قالت اصبري وتحملي واصبري وتحملي .... حتى جته فتره ما يصرف علي واذا قلت لها قالت ما يخالف واصبري وتحملي

تقل لاقيني في الشارع منيب بنتهم :icon33:

تصدقون يا بنات جتني الولاده وانا عند اهلي ورحت مع امي للمستشفى واقول لها علميه اني في المستشفى تقول لا مناب مصحينه بهالليل .. اذا اصبحنا يكون خير
والله اني ندماااااااااااااااااااااااااااانه على ذالحركه اللي سويناها
مره مره مقهوره مع انه مر عليها سنوات .... اجل اتألم واولد وهو حظرته نايم اخخخخخخخخ بس


النتيجه ...........
الحين يا بنات شايف نفسه علي ... لو اطلب منه عود استكثره علي
وتقوم القيامه لو قلت له سافر بنا لو للدمام
مطاعم ما يدخلها الا بنفس خااااااااااايسه شوي ويقول لي من متى تعرفين المطاعم
واللي طرى الموضوع الحين هو ملابس العيد
يقول لي البسي من اللي عندك والا يبيني اشتري من محل والله ما يشترون منه الا الناس اللي على قد حالهم وهو حالته فوق الممتازه .. واقول لأمي وتقول لي ما يخالف اصبري وتحملي


الله يهديك يا امي



معليش بنات طولت عليكم بس والله من القهر