أدري بغلاك..وتدري إني أنا أغليك
إلى متى يحكم هوى عشقنا الصمت ؟ !!
الحي دايم ياهوىآ البال يحييك
ومن مات طبه صعب .. مهما تكلمت !
تسأل عن أحوالي بعد كل ماضيك ؟ !!
طيب ... ولكن للأسف ماتعلمت
ودامك سألت اش كثر أنا ميت(ن) فيك
ناظر حلا مبسمك اليا تبسمت
لو كان قلبي من عنا البعد ناسيك !
ماكان حس بضيقتك لاتألمت .. !
ولو كان نومك مهتني في لياليك ؟
شفني من فراقك.. حشا مابعد نمت
حتى ولو نامت عيوني,, ( أناديك)
وأكمل أطياف السهر لاتحلمت !
دام الوصل جف (إ)بداية شواطيك
ليه اللقا يشره وأنا مابعد عمت ؟ !
كل مابديت أنسى .. يجي القلب يدعيك
وكل ماقترب منك ... تجاهلته وقمت
ياقلب دايم مشقين درب راعيك
ذبحتني من غاب عنك تأزمت !!
وشلون تطلب من فقد شي يعطيك ؟ !
وشلون تضحك وأنت من سافر أظلمت ؟
قل له حـسافة ماتمنيت أبـكيـك
وقل له على ذكراك مفطر ولاصمت
ماجيت أبي قربك .. أنا جيت أعزيك
على خفوق(ن) من غيابه تحطمت
دام الوفا شاهدك .. والشوق قاضيك ؟
وش فايدة صوتي إذا لك تظلمت ؟؟ !
ودام النهاية واضحة ؟ ليه أنا أبديك ؟ !
دمت لغرورك .. وللمعزة أنا دمت
فرصة عمر ضيعتها بفعل أياديك
بكرة تجي وتقول آسف.. تندمت !
هذي قصيدة علها اليوم ترضيك
كانك على فرقىآ المواليف عزمت
تبي تعرف حالي بعد كل ماضيك ؟ !!
طيب .... ولكن للأسف ماتعلمت .
سوسوة القلب والروح @soso_alklb_oalroh
عضوة جديدة
يلزم عليك تسجيل الدخول أولًا لكتابة تعليق.
الاحسـ روعـه ـآس
•
وااااااااو جنـــآآآآآن تسللم اييديينك لبى قلبــك
..
ودام النهاية واضحة ؟ ليه أنا أبديك ؟ !
دمت لغرورك .. وللمعزة أنا دمت
رووووعهـ صح لسآن آلشآعر ..
ويعطيكـ آلعآفيهـ حبيبتي .. /
..
تبي تعرف حالي بعد كل ماضيك ؟ !!
طيب .... ولكن للأسف ماتعلمت .
لاهنت يمين نقلتها وصح لسان شاعرها
طيب .... ولكن للأسف ماتعلمت .
لاهنت يمين نقلتها وصح لسان شاعرها
الصفحة الأخيرة