للأسف ولا حول ولا قوة الا بالله امى رافضة انى اتزوج (تم التعديل

السلام عليكم ورحمة الله وبركاته

سبق وطرحة مشكلت امي
وانها رافضه تزوجني نهائي

والحمدلله ماشاء الله الخطاطيب مايوقفون
كل ما اروح عزيمه ولا اجتماع انخطب تبارك الرحمن
لكن امي من كثر ماترفضض لأبوي انه يزوجني

صار ابوي اتوماتيك
لو جاني احد يرفضه بنفس اللحظة
اول كان يشاورها وترفض
وكان يشاورني ويقول ماعليك من امك
لكن انا ارفضهم بس عشان امي والله
لانها تحلف تقول لو تزوجتي والله ما اقولك مبببروك


والحين صار يرفض بعدين يقول ترى فلان الفلاني خطبك ورفضته
< ما ألومه ابوي مسكين من كثر ما ارفض عشان امي
صار يرد عليهم بنفس الوقت


من اسبوع وهو بادي بنظامه الاوتوماتيك ذا وهو يقول فلان خطبك ورفضته
ذا الاسبوع خطبوني 3 ورفضهم


الى متى ططييب امي تقتنع
ولا اقدر اناقشها بتاتا
تقول الموضوع منتهيه منه لاتناقشيني فيه
لو تبين تتزوجين تزوجي
بس لا تعرفيني ولا أعرفك !

وكلمت خالتي تقنعها
ولا قدرت خالتي تقول امك عنيييده ومحد يتفاهم معها
وكلمت اخواتي يكلمونها
قالو اسمعي كلام امك :44:


وش اسوي وش تنصحوني فيييييه
المشكله
كل صاااااحباتي متزوجات
ومتملكات
المتملكات زواجاتهم قررريب جدا
يعني كلهم بيكونون متزوجات
وانا داخله عرض يعني !
الله يوفقهم ويسستر عليهم يارب
هم يعرفون بمشكلتي
وقالو ودنا نساعدك
بس امك ما تتحارش مرة