السلام عليكم ورحمة الله وبركاته
اخواتي الكريمات انا مثل كل الامهات اذا واجهتني مشكله اوموقف مع طفلي-خاصه اول طفل- يعني مثلآحرارة,تسنيين,اسهال...الخ ألجأ للناس اللي حولي وخبراتهم وللمواقع اللي تفيدني مثل عالم حواء
وأحد هذه المواقف بالنسبه لي واللي ماعرفت كيف اتصرف ذاك الوقت كانت مشكلة الامساااك
ولدي من عمره 6 شهور ذبحه الامساك وكالعادة اول شي طرا في بالي ان الحليب ماناسب فغيرت الحليب ومن حليب لحليب والاطباء ماعطوني حل اللي يقول عادي كثري فواكه واللي يقول تحاميل الجلسرين هذا غيرنصايح اللي حولي مثل
1#منقوع التمر-وماكان مره يساعد لان مشكلة ولدي مزمنه وهو مايتقبل يشربه-
2#شرب زيت الزيتون_وكان بصراحه حلو يعني اعطيه اليوم وبكره ينظف بطنه بس مقدر اكثّر خفت يضره الزيت احس يغثه والاحظه تحوم كبده اذا عطيته
3#والحل اللي اسمعه دايم واتخوف منه هو العسل-يذوب في ماء دافي ويشربه الطفل
احديقول عادي واحد يقول فيه بكتيريا ويضر الدماغ ووو
وانا اقرا هالكلام واخاف اجرب
وللاسف على كثر روحاتي للمستشفى ماعمري سألت الدكاترة عن هالنقطة!!!
المهم بعد ماكمل ولدي سنه على هالحال بدى يتحسن وضعه شوي _طبعا هالفتره تغيراشياء كثيرة في نظامه وماادري ايش اللي كان له دور في هذا التحسن مثلا الحليب اعطيته نيدو لعمر السنه بالعسل وكمان طبيعة اكله تغيرت وظروف اخرى نفسية واجتماعية-
المهم الحمدلله ازمه وعدت مع انه للان يجيه الامساك فترات بس عادي الحمدلله زي كل الناس, افضل من اول كان طوال 6شهور معاناة يوميه
المهم مره كان لولدي موعد في مستشفى المملكة عند استشاري لبناني هوالدكتور/ظافر شحاده طبعا انا رايحه عشان شي ثاني ومدحولي هالدكتور وكان في ذيك الفترة ولدي عنده امساك
فسألت الدكتور عن سالفةالعسل>>>بدري ههه
فقال لي
انه عادي نعطي الطفل بعمر اقل من سنه العسل بشرط ان يكون معقم
قلت وكيف اعرف انه معقم
قال العسل اللي يعبأ بالمصانع هذا معقم وعادي تذوبينه بماء دافي وتعطينه الطفل بس لازم ماتكثري منه لان المصانع بتزيده سكر وممكن تضري طفلك اذا كثرتي-لاتبالغي عشان مايصاب بالسكر-
اما العسل اللي يجي من المنحله مباشرة يمكن ان يحتوي على بكتيريا ضاره للاطفال والكبار ايضا
المعنى انك ممكن تعطين طفلك العسل اللي يباع بالسوبرماركت حتى ولوكان نصفه سكر مضاف لان هذا اكثر امان من العسل الطبيعي الغير معقم
والدليل ان بعض انواع السريلاك والبسكوت والاطعمه الجاهزة فيها عسل وهي لعمر6شهور
طبعا ربي يشهد على كلامي اني ماجبته من راسي قاله لي بلسانه وهو استشاري طبعا ولاادري موجود للان او لا
وانابصراحه ماجربت لاني زي ماقلت لكم ماسألت الابعد ماكمل ولدي سنه,ماجربتها عليه وهو صغير
ادري طولتها بس حبيت اشرح الظروف عشان تدرون اني افهم معاناتكم وحيرتكم
وان شاء تستفيدون من هالموضوع
واسألو الاطباء اللي تزورونهم عن هالنقطه عشان ترتاحون
والله يسهل على الجميع
اللهم اني اسألك رضاك
رب اصلح نيتي وذريتي
رب سخر لاطفالي الرفقة الصالحة وجنبهم شياطين الانس والجن
رب اجعلني مقيم الصلاة ومن ذريتي ربنا وتقبل دعاء
رب طهر قلبي من الغل والحقد والحسد ولساني من الغيبة والنميمه
تكفووون قولو آمين
للأمهات المحتارات في اعطاء (العسل) للطفل بعمر اقل من سنه..هذا ماقاله الاستشاري
22
87K
يلزم عليك تسجيل الدخول أولًا لكتابة تعليق.
الصفحة الأخيرة
بصراحه كنت اعطي بنتي بس من فتره لفتره
والحمد لله مافيها الا العافيه