كيف حالكن ياوخياتي!!!؟؟؟؟
مير انا اليوم بالذات جايبة لكم هرجه خطيييييييرة
والهرجه هذي غير عن كل الهرجات
تدرون ليش!!!؟؟؟
لأنه اليوم غير عن كل اليومات(((يعني ايام بس القافيه استدعتني))<<<<ولا انا ماستدعيته بس يوم لزمت علي قلت والله مارده
نرجع للموضوع
ياعضوات عندي لكم معلومه مهمممممممممممممممه
وهالمعلومة يبغى لها اتفاق<<<<<موب الاتفاق حق الدمام اللي عكسه الهلال حق الرياض لااااا يعني كلنا مع بعض يكون قرارنا واحد<<<<هذا شرح والا تضييع
اقولكم هالمعلومة
((( اكتشفوا مؤخرا انه الساعة وحدة بالليل تبدا تخرب الأجهزة )))
وخاصة الكمبيوترات بس ما تخرب مباشرة كل يوم من الساعة وحدة ليلا الى اربع فجرا يتلف شي بالكمبيوتر ومع الأيام يوقف الجهاز فجأه ويصير ما يتحرك<<<<<ليه هو يتحرك قبل!!!
يا أغبياء أقصد يصيرما يشتغل
واحيانا ياصل لحد الإنفجار
لذلك اللي خايفة على جهازها تصكه الساعة وحدة وتنام احسن له
واللي ميب خايفة على جهزها اسمعوا خبرها عقب كم يوم لأنه انفجر بخشتها
بس اكيد الكل يتساءل عن الأسباب ؟؟؟؟؟؟
انا اقولكم الأسباب
اذا عرف السبب بطل العجب<<<إذا كان خطأ صححوه
بعدد لكم الأسباب:
أولا: عشان الساعة وحدة بعدها ثنتين وبعد الثنتين ثلاث وبعد ثلاث أربع وأربع يذن الفجر(عندنا حنا بالرياض) وإذا أذن الفجر لازم نصلي طبعا اللي لهم صلاة (( مقنع السبب صح)) بس موب هذي الزبده
ثانيا : لان الساعة وحدة رقم فردي وانتي اذا كنتي جالسة مع الكميوتر تصيرون 2 وثنين عدد زوجي ولا يصلح الساعة وحدة تكونون 2 لذلك نصك اجهزتنا بذاك الوقت<<<<< والله مدري هرجي مفهوم والا لا مير ميب هذي الزبدة ودامها ميب الزبدة موب لازم تفهمون طنشوا
ثالثا: لأن الساعة وحدة يعتبر فيها الواحد إذا وصلها وهو ما نام سهران والسهر مضر بصحتكن ويخرب بشرتكن ويطلع لكن هالات سوداء تحت عيونك واذا فتحتي الجهاز وانتي بهالشكل الله لايلوم الجهازإذا انفجر<<<<برضوا ميب ذي الزبده شكل الزبدة بتحترق وحنا ما وصلناه
رابعا واخيرا والزبدة بعد: بكرة دوامي
وما بغاكم تنتنتون وانا لا حرام عليكم
<<<<<هذا العلم الأخت غيرانهوبعدين اصلا يكفي سهر وحمدوا ربكم خليتكم لين وحدة ما قلت 11
وانتن ياطالبات ترى كلها 3 اسابيع ويبدا داومكن ويالله يتعدل نومكن من هالحين
واللي تتعلث وتقول ما عندي دوام أصلا يعني عاطله(( موب العضوة عاطلة الله يخليها لنا ولا يحرمنا طلتها)) لا يعني ماعندها شغل ترى ذا موب عذر خلي عنك النت وقومي تهجدي واقري قرآن والا على الأقل نامي ترى نوم الظالم عباده
هاه وش قلتوا بتآزرونن والا اقلب وجهي ودور ناس حالهم حالي!!!؟؟
طيب يا بنات حواء اوريكم ان شاء الله لا بدت الامتحانات وانتم لاهين تذاكرون أني لا نتنت على كيفي وادخل وطلع وتمشى وانتم حررررررررررررره منثبرين وقاعدين تذاكرون
أصلا أنا مبسوطه انه جا الدوام على الأقل الواحد يحس ان عنده هدف
موب مثل بعض الناس أكل ومرعى وقلة صنعة<<<<<روحي بس نامي قضى الليل وانتي ما نمتي
الحمد لله ياربي انك خليتني موظفه اقهرهم
وهم مساكين ماعندهم غير النت الله يخلف
عاد تبون الصراحة أنا ماشلت هم ألا شي واحد
(((بلاعيم المدرسات))))) ترى اول يوم فرصة ما تعوض تشوفين انواع البلاعيم من كثر ما يتثاوبون
مير اللي بتخطب تسير اول يوم دوام على أي مدرسه وتشوف الوحدة على حقيقته ضيعت وقتي على غير سنع وشكلها بتروح علي نومه وبتدق الساعة ومنيب داريه
عنها مير اللي عندها قنبله تاجرني اياه بس اول يوم همن عاد أتأقلم عقبواخيرا
اللي تبي تضامن معي الله يحيها وكون لها شاكرة وأوعدها ما أقهرها إاذ مرت بحاله مثل حالاتي واللي ميب متضامنه معي الوعد الاختبارات
تصبحون على دوام قصدي على خير
الله يعينكمممممممممممم من جد
ضحكت على كلامك بقووووووووة
اخر شي توقعت عشان الدوام بكرة
خخخخخخخخخخخخخخخخخخخخخخخخخخخخخخخخخ
يحبي لك