للإفادة : ملخص:موضوع إزالة الشعر نهائيا .. للأخت الرقيقة رقة المشاعر

السلام عليكم و رحمة الله وبركاته

ازيكم يا بنات :
من خلال قراءتى لــــ 131 صفحة من موضوع رقة المشاعر لإزالة الشعر نهائياً من الجسم.

حاولت أعمل شبة ملخص عشان أى بنت داخلة جديد تجد ان شاء الله مبتغاها فى أي سؤال يجى فى بالها بدل ما تقرأ كل هذا العدد من الورق أو تسأل أسئلة مكررة...

هتجدوا المقادير بتختلف نسبياً من بنت لبنت حسب ما تتظبط معاها و أنا ان شاء الله هعرض كل الذى قيـــل :


أولاً:
المكونات بالتفصيل :
1- كوب ماء
2- كوب سكر
3- عصير نصف ليمونه
4- فسوخ بحجم البندقه
5- مستكه تجيبيها وتطحنيها وتاخدى بس مقدار ربع معلقه شاى منها
6- تلات ملاعق شابه مطحونه
الطريقه : المقادير دى حطيها على النار وقلبيها كويس زى مابتتعمل الحلاوه بالظبط وماتبعديش عنها لمدة 10 دقايق او لغاية مايبقى لونها مايل للدهبى شويه هاتحسى انها اصبحت سميكه نوعا ما وبعدين تاخديها تصبيها فى صينيه واسعه واتركيها ولما تبقى دافيه شيليها بملعقه واحفظيها بكيس نايلون واستعمليها عادى زى اى حلاوه
وعلى فكره يا بنات الفسوخ مش بينطحن لأ بتحطيه ضمن الكونات فى الأول وهو هايدوب لوحده مع التقليب


و دى ردود الأخت رقة المشاعر : صاحبة الموضوع على الأسئلة :

cute_jumana
المكونات موجوده عند اى عطار بمصر لو انتى من الأسكندريه هتلاقيها عند الحاج ماضى بالمنشيه لو من القاهره هتلاقيها عند خضر العطار هناك واسعارهم بسييطه هى المستكه بس اللى بتكون غاليه شويتين عن باقى المكونات

baharat
اعتقد انك لما تشيلى بالماكينه خلاص كده الشعره طلعت من جذورها وهاتبقى الحلاوه مالهاش اى دور لكن بطريقتى دى هتلاقى الحلاوه طريه جدا وفى نفس الوقت مش بتخلى ولا شعره موجوده واكيد وهى بتشد الشعره المكونات دى بتدخل بتقول للجذور stop فنصيحة استخدمى الحلاوه بدون الماكينه يعنى خليها هى اللى تشد الشعره

السوسن الأزرق
المستكه تشبه فى شكلها لبان الدكر بس هى غيره خالص روحى انتى للعطار وهتلاقيها وبالنسبه لمصيييير الشعر انا اول ماعملهتا طلع لييا شعر تانى بعد شهر ونصف بس بسيط اوى وعلى مسافات وده لأنى مشعره جدا فعملتها مره تانيه ودلوقتى 6 شهور مافيش شعر لا تحت الجلد ولا بره الجلد وكل اللى جربوها قالوا من اول مره مافيش شعر ظهر من شهور وفيه عملوها مرتين زييى انا وفيه 3 مرات على حسب طبيعة شعر جسمك بس انا 6 شهور مش ظاهر مع انى مشعره اوىىىىىىىىى

الفردوس الأعلى
حبيبتى انا عمرى ماحطيت حلاوه على بشرة وجهى لأنها بتسبب ترهلات وقويه جدا على بشرة الوجه صعبه
وطريقتى انى بعد ماشيل شعر اى جزء فى جسمى مش بروح اشطفه بالماء على طول لألألألألألألألأ
بجيب ماء مثلج ونشا وماء ورد واشطف بيه مكان الحلاوه شطف كويس جدا لغاية ماتختفى اثار الحلاوه يعنى كأنى شطفتها بالمايه وبس اسيبها تنشف وأفضل اعمل جزء جزء بنفس الطريقه لغاية ماخلص من جسمى وبعدين استنى نصف ساعه او ساعه وبعدين اخد شاور

سمر الحوت
انا استخدمت الحلاوه لشعر الأطراف والمنطقه الحساسه كمان هى حلاوه عاديه جدا جدا استخدامها نفس استخدامك للحلاوه بس هى المكونات اللى بتدوب فيها بتقلل الشعر خالص
-----------------------------------------------------
اختى زهراء جربى تانى وبأذن الله تنظبط معاكى بس هى محتاجه فى الأول نار عاليه وبعدين تهدى النار بسيط وتفضلى تقلبى لغاية ماتنظبط انا عندى عملتها فى 10 او 15 دقيقه تقريبا المهم انها تنظبط وتنطبخ كويس وتبقى حلاوه مش مهم المده
وربنا يوفقك المره الجايه ان شاء الله

الشابه مقدارها 3 ملاعق أكل اللى بناكل بيها الرز

اختى استخدمى الشابه عادى جدا انا عن نفسى بستخدم الشابه مع المسك بديل لمزيل العرق وبقالى سنين بستخدمها ومش شايفه اى ضرر منها ابدا توكلى على الله
وباذن الله مع الحلاوه دى مش هتلاقى شعر تحت الجلد ابدا بتشيل اى طول للشعر حتى لو كان تحت الجلد والحمد لله

معلش جيبى المقادير تانى واعمليها تانى من الأول بس اتأكدى من ان الفسوخ هو اللى بقصده اللى بجيبه بيذوب بسهوله فى المايه والمستكه بتكون ناشفه شويه لأنها بتنطحن

بصى حبيبتى انتى تفرديها على منطقه كبيره من الجلد وتسيبيها شويه وبعدين تشديها كده الشعر هايلتصق بالحلاوه وينشال بكل سهوله

بيطلع لونها اغمق من كده بشويه يعنى دى على بنى لكن اللى بتطلع معايا بتكون على اسود

الاحمرار دا معناه ان الشبه عملتلك حساسيه فلو كانت معاها هرش يبقى الوصفه مش تناسبك لكن لو كانت خفيفه هيروح بعد شويه لان الموضوع غريب ه الجسم

حبيبتى بصى مواصفات الفسوخ الأصلى بتكون ريحته حلوه اوى اوى وبيكون كأنه مهروس شويه وبيدوب بسرعه فى المايه يعنى اول ماتلاقى المايه بدأت تسخن تلاقى الفسوخ داب على طول اتأكدى انه اصلى وحاولى تانى وبالتوفيق

المستكه حبيبتى اللى بنحطها فى الأكل العاديه لونها بيج فيه منها الغالى وفيه منها الرخيص دورى عالغالى وهاتيه لأنه افضل

احبك يا الأمارات
كده يبقى جابت نتيجه معاكى يلا اعمليها مره تانيه والنتيجه هاترضيكى اكتر من الأول ان شاء الله
اقولك ايه سر ان الشعر بيطلع تحت الجلد ده مش بيتوقف على الحلاوه خالص بالعكس الحلاوه بتشيل طبقات الجلد الميته وبالأخص الوصفه دى بتنظف جدا جدا الجلد
السر ان الشعرة لما تبدأ تطلع بيكون وقتها الجلد جاف و الشعره مش بتعرف تخرج من الطبقه السطحيه فبتخرج بس تحت الطبقه السطحيه دى لأنها بتكون جافه جدا يعنى طبييعة بشره مش أكتر ونصيحتى انك تستخدمى مرطب بعد ماتشيلى بالحلاوه عموما هتلاقى الشعر طلع بمنتهى السهوله ومش هاينمو تحت الجلد ان شاء الله

حبيبتى اى نوع جربيه انا كنت الأول بجيب البيج المايل للبنى لكن حاليا بجيب الأسود اهم شئ انه يكون لزج شويه وريحته حلوه وبيدوب فى المايه بمجرد تسخينها

أخت قالت نضع بنادول بتاع الصداع مع الحلاوة يخفف الألم :
حبيبتى انتى جربتى الفكره دى مع الحلاوه العاديه ؟؟؟؟؟؟ وهل فعلا الألم بيخف مع البنادول لو كده اوكى ممكن تنحط بس فى الأخر يعنى علشان الحلاوه بتاخد وقت على النار واخاف اى حاجه كيميائيه تتفاعل معاها على النار كل الفتره دى فأذا كده تتحط فى الأخر يعنى قبل مانطفى عليها ب 5 دقايق مثلا
وبرضو نجرب وان شاء الله تجيب نتيجه كويسه
وعالعموم الحلاوه بالمكونات دى مش بتحسى بالألم معاها فعلا الألم اخف بكتير عن الحلاوه العاديه ومافيش بقع والحمد لله

فعلا حبيبتى انا كنت قريت عن ان النتف بيؤدى اللى ضعف بس اعتقد ان مره او مرتين مش هتأثر على شئ
وعالعموم ده على حسب كل واحده وراحتها

الكل بيشتكى من انها بتطلع سايله مع ان فيه بنات بتتظبط معاها وجربوها عادى
اسلم طريقه لما تحطى كوب السكر وتيجى تحطى المايه خلى المايه تغطى السكر وبس لا زياده ولا انقص من كده وباقى المقادير زى ماهى وأهم حاجه انها بتاخد وقت كتير عالنار انا بسيبها ساعه لما تغلى المكونات كلها مع بعض وتغلظ شويه هتلاقى لونها بقى غامق اوى بنى غامق اوى على اسود
هى بيطلع شكلها كده

حبيبتى الفاسوخ هو الفاسوخ المغربى لونه اسود وهتلاقيه عند العطار ملمسه طرى وريحته حلوه كتير
والمستكه هى اللى بتتحط فى الأكل لونها بيج ولون اللبان الدكر يعنى على بيج شويه كده
فيه بنات لاقوا الفاسوخ المغربى ده بسهوله عند العطارين ارجعى للصفحات اللى فاتت وهتلاقى اسماء محلات عطاره فيها الفاسوخ

و فيه كمان بعض البنات اتكلمت عن التجارب بتاعتها:

اخر تقرير يابنات

سويتها زي اللصقات بصراحه اريح بكثير وخليت الحلاوة لينه لاهي جامده ولا سائلة ولونها ذهبي

بس لما جيت اسوي وجهي احترت لان اللصقات من القماش ومااقدر اقصها للقطع صغيرة

قمت اخذت مقدار بسيط من الحلاوة وحطيتها مباشرة على وجهي ووزعتها باصبعي وبعدها جبت ورق عادي مثل ورق الاي فور العادي وقصيته شرايح وحطيته فوق الحلاوة وسحبته بسرعة النتيجه رائعه الشعر زال وبدون تعب جربوو هالطريقة خاصة للي ماضبطت معهم الحلاوة وصارت سائلة شوي وعلى فكرة لو لقيتها سائلة مرة ضيفي عليها ربع كاسة سكر راح تضبط معك بحول الله
مشكوره حبيبتي كمان سمعت كثير عن الترمس المر
انه يزيل الشعر نهائي وفي احدى الاخوات قرات انه في كتاب ما ناسيه اسمه ان الترمس يضعف الشعره حتى يقضي عليها نهائي
والطريقه هي
ملئ قبضه يدك ترمس مر تنقعيه في جك ماء لمده 6ساعات
بعده تحطين الماء في الثلاجه وتمسحين به جسمك
للامانه انا ماجربته
وشكرررررراااا


و هذه تجربة اخت من الاخوات:

دى المقادير اللى انا بعملها
كوب سكر + نصف كوب مايه +نصف ليمونه + ملعقة شابه + قطعة فاسوخ اصلى فى حجم حبة البندق + ربع معلقة مستكه مطحونه
وتسيبيهم عالنار لغاية مايتماسك الخليط وتتعاملى معاها زى مابتعملى الحلاوه العاديه وبس كده


و هذه تجربة اخت من الاخوات:
انا عملت حلاوة الاخت رقة المشاعر فى الموضوع المثبت

وحطيت 2 كوب سكر
1 كوب ماء
فسوخ بمقدار حبة بندق
3 معالق كبيره شبه بيضا مطحونه
1/4 ملعقه مستكه مطحونه

وكانت النتيجه حاجه مش حلاوه خالص سايله جدا جدا جدا
المهم قولت مش معقول ابوظها

روحت طحنت سكر وخليته بودره وحطيته عليها طبعا اخدت سكر مطحون كتير اوى

عندى مشكله جامده وهيا السكر المطحون مش عاوزها تشيل كويس فقولت اسخنها شويه يمكن لما يسيح السكرالوضع يتغير

الالم بتاع الحلاوه مش موجود

والله ماحسيت بحاجه انا خلصت ايدى والابطين وباقى رجولى و .......
قعدت اطحن فى سكر وخليته بودر وحطيته عليها وسخنتهم دقيقه واشتغلتبيها بقا عادى
احط بالمعلقه واشيل بالقماش

و ده رد اخت اخرى :
ماهو انا حصل معايا كده فى الاول بس حطيت عليها سكر بودره ودوبتهم ع النار دقيقه وحطيتها بالمعلقه وشيلت بالقماش عادى والله حتى المنطقه (...) كانها عمرها ما طلع فيها شعر من النعومه

انا سويتها بس طلعت مثل العلكة ولونها اسود ... آخذ منها قطعة و اضيفلها قطرات من الماء وادعكها حتى تصير لينه و بعدين استخدمتها على نص الذراع .. صارلي اسبوع تقريبا و ماطلع شعر من الجذور بس الشعر الي كان صغير طبعا طول و مارديت اشله... عشان اشوف كم بياخذ لين مايطلع من الجذور واشوف الفرق بعد بين المنطقة المنزوع منها الشعر والي مش منزوع منها............. واخبركم بالنتيجة ان شاء الله


ليا سؤال لو سمحت انا مش بقدر استخدم الحلاوه لان جسمى بيسخن وبتلزق فى جسمى فممكن تقولى ازاى بتشيلى بالقماش واى نوع قماش وقطعه القماش بتستعمل اكتر من مره ولا لا وبعد ما بتخلصى بترميها ولا ايه معلش انا عارفه ان اسئلتى كتير قوى بس ان شاء الله ربنا يديكى صبر وتتحملينى ومبروك عليكى النعومه


انا زيك تمام

بصى بقا ياستى هيا بتبقا مايله للسيوله ومستحيل تبقى زى الحلاوه العاديه ولا تشغليها ولا هتعرفى

بالمعلقه وبتحطى على جسمك وباى قماش قديم وتحطيه بعد ثوانى وتشيلى بسرعه وطبعا على اد قطعة القماش هتقعد معاكى بس متحطيش حته فيها حلاوه على حته تانيه لانها كده مش هتطلع

من الاخر شوية قماش كتير

وفى الاخر تحطيه فى ميه دافيه وتغسليه كويس وتحطيه فى الشمس وتعينيه لحد ما تعملى مره تانيه

وعلى فكره بتفتح الاماكن الفامقه وبتنعم فعلا
فى انتظار تجربتك

و هذه اخت اخرى:
انهارده وبعد مررور 10 ايام

والشعر بدأ يطلع >> والله انا مشعره اوى اوى

المهم الحلاوه غيرت حاجات كتير
1- الشعر طلع خفيف وناعم
2- الشعر طلع من غير حبوب الحمد لله رب العالمين
3- جسمى ابيض زى ما هو الحمد لله
وحاجات كتير والله انا مزهوله من النتيجه
ربنا يخليكى ويوفقك يارقة مشاعر على مووضوعك الروعه اللى افادنا

و هذا رد من احدى الأخوات على أخرى عن تجربتها:

طلعت خشنه لانه لازم تقلبيها لحد ما يدوب السكر

والمقادير

2 كوب سكر
3/4 كوب ماء
1/2 لمونه
3 ملاعق شبه بيضا مطحونه
1 ملعقه مستكه
قطعة فسوخ بحجم البندقه

وعلى نار هاديه جدا جدا ومع التقليب المستمر وتفضلى تجربى على حته صغيره فى ايدك
لحد ما تعمل معاكى نتيجه وممكن تضيفى سكر تانى لحد ما تظبط معاكى ودا طبعا لازم يدوب

وطبعا هيا بتطلع سايله وبتحطيها بالملعقه وتشيلى بالقماشه

تفائلو بالخير تجدوه
انا الصراحة التأثير الاكبر كان بوجهي
كثيييير خف
بس انا بروح الكوافيرة و اشيل بالخيط
و بس تخلص عطوووول ادهن من الخلطة مخففة بشوية ماء

اشكر اختي الغاليه رقة مشاعر على هذا الوصفه وجعلها الله في ميزان حسناتها

بس عندي ملاحظه الكل ما انتبه لها وهي لما كُنا نشيل بالحلاوه الشعر من على الجسم كان الشعر يرجع للظهور عادي وفي مده بسيطه الحين في الوصفه الجديده للحلاوه شو الي تغير فيها غير عن المكونات الجديده الداخله فيها مستكه شبه فسوخ صح ولا لاء
طب ايش رايكم للبنات الي ماتعرف تعمل حلاوه تقوم بتذويب الفسوخ في قليل من الماء هو والمستكه وتقوم بطحن الشبه حتى تصبح ناعمه تاماً ومن ثم تخلط جميع المكونات حتى تصبح سائل ثقيل ومن ثم يدهن المكان بعد نزع الشعر اكيد هيعطي نفس النتيجه

انا بجرب قريب وبعطيكم خبر

يوضع السكر وعليه ثلاث ملاعق ماء كبيره ونذوب السكر ونضع باقى الاضافات الى ان يذوبو كلهم على نار هادئه وعند الغليان نضع العصير لنصف الليمونه ولما تتخن <تعقد<بنبدأ نشوف اللزوجه على طبق بيركس وبعدين نشتغلها ونستخدمها بصراحه ما بتوجعش بتلزق فى الشعر والبشره لأ لو حسيتو انها ناشفه حطو عليها ملعقه ماء صغيره يعنى زودو الماء بشويش ولو حسيتو انها سايله ممكن تحطو نقطتين ليمون بالعدد زياده وممكن تسيبوها على النار زياده لغايه مايتبخر الماء اهم حاجه التأنى فى الطبخ
ويا جماعه اللى ما تتطلعشى معاها ده مش عيب فى رقه المشاعر بل اكيد ان المكونات فيها شئ غلط او الطريقه عايزه تتظبط اكتر


اختي الكريمة بارك الله فيك سوف اجربها انشاء الله وبانتظار النتيجة
ولكنني احب اضيف ايضاً ملاحظة مهمة جدا ً لاخواتي جميعا وهو شيء مجرب من قبل خريجي الطب والكيمياء ان الشعر اذا اردت ان تقللي نموه قومي بازالته اخر يوم من الدورة الشهرية وانا شخصياً جربته بنجاح وعندما اهملت اليوم بالتحديد عاد الى سابق عهده اي يجب ان يكون بالضبط اليوم الاخير .


الف شكر يارقة مشاعر عالوصفة الخطيرة
استخدمتها والحمدلله جابت نتيجة
بدا نمو الشعر يتاخر عن اول
طبعا انا سويت الحلاوة زي ماقلتي وكانت النتيجة اني احرقت قدور امي
وماضبطت ابدا
عاد انا فكرت وفكرت وفكرت
وحصلت الحل
اشتريت حلاوة جاهزة من السوق اسمها كنوز
وحطيت العلبة بدون ما افتحها في موية حااااااااااارة
وبعد كذا طلعت العلبة وحصلت الحلاوة ذايبة
حطيت عليها كل الاشياء اللي قلتيها
وبدات اعجنها واخلطها لحد ما امتزجت مع بعض
وتركتها تبرد
وبدات استخدمها ....
واعطتني نفس النتيجة

و دى بعض الأماكن اللى بتتباع فيها المقادير فى بعض الدول العربية :

بمصر لو انتى من الأسكندريه هتلاقيها عند الحاج ماضى بالمنشيه لو من القاهره هتلاقيها عند خضر العطار هناك واسعارهم بسييطه هى المستكه بس اللى بتكون غاليه شويتين عن باقى المكونات

في الرياض رتلقون الفاسوخ عند بن منقاش

في الرياض تحصليه في العويس محلات العطاره
وفي جده في سوق الجامعه شعبي
ولونه بني مكتل على بعضه تذوبيه بشوية مويه قبل لا تحطيه مع الوصفه

في القدس بالبلدة القديمة (سوق العطارين)