للاجر والثواب اريد حل بسرعة

ماادري ليه اهل زوجي يعاملوني جذيه؟؟
سمعوا قصتي..اناعمري21سنة من البحرين وزوجي من السعودية..
تزوجت من خمس شهور والحين بادش السادس..
زوجي كان متزوج من لبنانية وطلقها لانها ما تبي تعيش بالسعودية تنازلت عن اعيالها(ولد وبنت) وتبنتهم ام زوجي..طول الله بعمرها..وزوجي عنده اختين وابوه متوفي.. وزوجي الوحييييييييد اللي يعيل اسرته ..

المشكلة تكمن في اهل زوجي
والله اني طيبه معاهم وبالذات ام زوجي مااقصر عنها بشي..انا عايشة معاها بالبيت ومن دخلت البيت ما حسيت بترحيبها لي ومن اول ثلاثة ايام وانا عروس هاوشتني ولكني الى الانما اعرف شنو السبب ورحت وتاسفت منها بس وكل يومين ثلاثة فاتحة سالفة للهواش..؟؟؟؟وهذي الاسباب
1-اني منعزلة عنهم..
وعالج زوجي الموضوع بانه شال التلفزيون اللي بغرفتي عني عشان اقعد معاهم
2-اني اصيح على اهلي لما اتذكرهم..
وعالجت الموضوع قمت ما ابين لهم هالشيئ..
3-اني انانية وابي كل شي لنفسي
حاولت اقلل طلباتي وما نطلع الا اذا طلع احد معنا او نؤجل الطلعة لييييييين ما احد يطلع معانه
4-اني ما انظف بالبيت
مع العلم اني اول ما دخلت البيت قمت انظف وكانت كل مرة ما تخليني انظف
5-اني اسرق وافتش بالبيت وبغرفتها وبالمطبخ
هذي التهمه قالتها لما كنت أكنس الصالة وامسحها وانا والله العظيم ما عندي نية السرقة ولا التفتيش
6-اني امثل الطيبة والدلع؟؟
7-تظن انه اهلي يدفعوني لقلة احترامهم
8-اني اتكل عليها في الطبخ
اتصدقون يوم اللي آطبخ الاكل تزعل وتهاوشني والاكل كله ينكب بالزبالة لانهم ما ياكلون الا من يد ام زوجي وهي تسوي روحها مو مشتهية وكلهم يطلعون حجج عشان ما ياكلون..بس انا زوجي ناكل شوي ونفسنا مسدودة..
9-اني اروح بيت اهلي في كل مرة يطلع فيها زوجي البحرين..
طلع زوجي الحل بس ما نفع ؟؟قام ما يوديني الا في الشهر مرة مع انه كنا متفقين اني اروح في كل مرة ينزل بس صبرت
10-اني قلبي اسود وما اتكلم بصراحة واني اغير من العيال وغيرو .....والخ

مع اني اواسيها لما تمرض واهديها...والله اعاملها احسن من امي..وغير كذا تحب زوجي يعني المفروض تحبني مثله

لكن مع كل هذا...ماتحبني مثل بناتها..تخيلو اني أساعدتها احاول أطبخ عنها ولا مرة مدحت شغلي او طبخي...
حتى لما اساعدها تقول بناتي ماقصروا لكن ماتذكرني معاهم...
ومره أهديتها شيلة...قامت تعيب عليها وتقول انها صغيرة وما تبيها ردتها لي...حتى هدايا اهلي ترجعهم علي لما تعصب علي...؟؟؟

قلت ماعليه المرأة كبيره..واراضيها حتى لو اني ما غلطت واراضيها حتى لو ما اعرف غلطتي

لكن ولا شي يعجبها فيني حتى شكلي ...لأني مليانه وتعيب على اماكن حساسة بجسمي لدرجة إني تجيني ايام ما احط بحلقي لقمة وحدة والله العظيم غير الماء


المهم الحين ..زوجي محتار كيف يرضيها تخيلوا انها تقوله خلها تروح برمضان بيت اهلها؟؟ مو ناقصينها
تخيلوا...مرة من المرات سافرت مع زوجي ولما رجعت لقيتها مع وحدة من بناتها خذوا صوري حقت الخطوبة كلللللللها اللي مصورين معاي وخذت خاتم اهدتني اياه وخذت قرآن اهداني اياه زوجي؟؟تقول القرآن متبري مني؟؟؟؟؟ الى هذا الحد
والله اني وصلت لمرحلة الذل معاها قمت بس اعتذر الين ما او زوجي ملت من اعتذاراتي وصارت مالها قيمة..
اتصلنا بشيخ دين قال هذي غيرة الام على ولدها الوحيد وخوفها من اني اخذ مكانتها
وقال الحل انه زوجي يطلعني بشقة بروحي ويقسم وقته؟؟فانا مهما سويت لها ما راح ترضى عني بتاتا.. بس انا ضميري مو مرتاح لهذا الحل
مع اني والله ما في نيتي غير كل الحب والسعادة لها وللطفلين اللي امهم تخلت عنهم واني اخفف عليها
والله وصلت فيها الجراءة تتطاول على وتشتمني شتم مو طبيعي وانا ساكتة ..ساكتة ..سااااااكتة ولا انطق ولا كلمة والله على ما اقوله شهيد
تسب امي وابوي وخواتي وتتهمهم بقلة التربية لي وتسبني حتى في شرفي وانا ساكتة واقول الله يسامحها


شنواسويييييييييييييييييييييييييييييييي قولولي الحل...والله كتبت لكم هذا كله لاني حزينه ومكروبة والاهم زوجي المسكين يكسر الخاطر مو عارف شنو يسوي لدرجة انه ندم انه تزوج..
ساعدوني وانا كل وحده ترد علي راح ادعي لها طووول ايام هالشهر الفضيل بالهداية والجنة والعتق من النار



اختكم ام عمر