للاسف أمي جوعانة

2السلام عليكم..انا ترددت كثير اني اكتب الموضوع ويعلم الله ان نفسيتي كثيييير تعبانة انا يااخوات امي مرضت علي ولاني بنتها الوحيدة هي جالسة عندي ارعاها مشكلتي معها اكثر من شغلة مو اكلها وبس حعطيكم مثال دايم تنتقدني وتمدح بنات خلق الله عادي اي ام تسوي كذا لكن المشكلة داااايم تسب عيالي وتقول لي اني فشلت في تربيتهم وحدة طالعة بكاية وماتسكت بسهولة واللي اصغر منها يقلدها ويقلبوا البيت مناحة فطبعا التصرف السليم اني اسكت واطنشهم عشان لاياخذوها عادة لكن اللي بيحصل ان امي تبدا تعصصصصب وتعصصصب وتقولي سكتيهم سكريها في الحمام اربطيها بحبل ويقلب البيت جنان وفي الاخير تسبني وتقولي ماعندي حكمة ولااعرف اربي وانا طبعا ازعل وازعل واحيانا ابكي واحيانا ارد عليها واقولها طيب نمنعهم من الحركة ونمنعهم من صوت التلفزيون طيب مايصير رح ينجنواوالله يابنات تخاصمهم وتقول لهم لاتقومون من مكانكم طالما شغلتوا التلفزيون انا سؤالي الأول انا شايفة الوضع مو طبيعي دايم صراخ ودايم زعلانة وداااااايم تسب تربيتي وانا انعصر من جوه وابكيي وتبقى المشكلة الكبرى حاليا ان امي تحب اللحم وتحب الايدامات وانا بكل امانة زوجي مايقدر يوفر كيلو اللحمة كل يوم لانها غالية والذبيحة غالبا لازم يكون في مناسبة مهمة عشان نذبح برضه لانها غالية وتكلف فا على طول نجيب الدجاج مرة بروستد ومرة ايدام ومررة كبسة ومررة وحدة ايدام لحمة بالاسبوع الحاصل انها ماتاكل والله تحرجني ترجع الصحون زي ماهي ولو سويت فول على العشا ماتاكل تقول لي مااحبه ولو سويت ساندويتشات بطاطس تاكل مغصوبة السمنة ماتحب طعمها.. والله ثم والله مابالغت وزوجي دايم يلاحظ لماترجع صحونها ولها على هالحال سنين ونحفت مررة لكن اللي استنتجتو انها اصلا مو مرتاحة عندي ابدا وانسدت شهيتها عن الاكل تمنيت العلاقة بينا احسن من كذا لكن واضح خلافنا امام الناس حتى . لانها تحب تنتقد وتتكلم على كيفها وانا ازعل وخاااصة زوجي مااحب انها تتكلم قدامو لانهم مررة تخاصموا قدامي بسبب الاكل لانها اتهمته بطريقة غير مباشرة انو مجوعنا وهو زعل وجلسوا فترررة مايكلموا بعض او بالاخص هو مايسلم عليها ..بنات ادري موضوعي طوييل بس والله متراكم عندي ونفسي امي تكون فرحانة مني لكن ل للاسف الحاصل عكس انصحوني بنات الله يخليكم حتى قبل شوي اعطيتها شابورة بحليب قالت لولدي الصغير جالسة اكل اكلك قصدها اني اعطيتها اكل بزران. انصحوني بالله