صح نسيت اذكر لك نقطه امي الله يطول بعمرها بالخمسين يعني كبيره وعندها سكر وضغط وديسك ادعو لهاا
المهم عندها جدتي من طلعنا ع الدنيا لان امي مطلقه والله يااختي جدتي كل شي تقوله لاامي وامي صاااابررررررره
لدرجة تسبها عند الحريم تفشلها تقطع سالفتها وامي تشتكي لنا من الاحراج والحين تهاوشها ع احفادها
وفوق ذاا اذا صار عندها فلوس ماتعطي امي لاا تعطي خوالي تخيلو !!!!! وهم مافكرو فيها ولافكرو ياخذونها
وماشاءالله اشوف بيت امي فيه بركه من وجود جدتي فاانا اقولك اصبري واحتسبي
ادعو لجدتي وامي بالصحه وطولة العمررر

طيب يا اختي كلمي اخواتك واخوانك قوليلهم كل شهر تجيبون ذبيحه لها هي ماتاكل الا باللحم وصعب احرج زوجي وهو ماعنده
فخلاص كل شهر تقطون كلكم في ذبيحه مو معقول ماتقدرون تدفعون كلكم ١٠٠٠ او اقل شهريا
وخليه لها غدا وعشا والفطور خليه قرصان او شي تحبه وثقيل كبار السن ما ياكلون اكلنا
انصحك لا تقصرين على امك ولا تستثقلينها ماتدرين بعد عمر طويل تكونين مكانها
وزوجك نصيحه لا تخلينه يتضايق من وجودها خليك حكيمه معاه وقوليله يصبر ويعتبرها امه وانها كبيره وماعليها شرهه ومن ذا الكلام ولا تخلين كل شي على راسه
اخواتك واخوانك ملزومين في امك زيك بالضبط

اصحك تبيعي ذهبك لاتبيعية
لان اذا بعتية إيش تستفيدي ؟
قيمة الذهب اللي بتجيك بتشترين بها لحم و في النهاية بيخلص اللحم و راح ذهبك كمان و انتي لاقدر الله ممكن تحتاجين الذهب بحاجة ثانية
الحل كلمي إخوانك و اخواتك لا تقولي مالهم دخل او انسو انة عندي اخوان أمهم غصبا عنهم ملزومين ببرها مالك الا إخوانك و اخواتك
و زوجك نادر ماشاء الله مخليها في بيتة و يقولك طنشي غيرة يطردها و ممكن يتلاسن معاها
الله يوفقكم ان شاء الله و يسعدكم و يهدي أمك

تذكرت جدتي ام ابوي
كذا كانت
وماعندها بنات كلهم شباب وامي ساكنه مع جدتي وجدي بالبيت مو هم اللي سكنين تزوجت ابوي وسكنها ابوي مع جدانس
تخيلي امي بمكانك وماقدر اقول شي اش كانت تقول جدتي عن امي وش الكلام اللي موزين ينقال ماقدر
حتى دعاوي علينا حنا يااطفال ولدها يجينا منها سب ودعاوي
وامي ترعاها زي امها ولا ترفع صوتها عليها
جدتي مريضة سكر وامي تهتم بفطورها تقوم الصبح تفطرها تهتم بجدتي اكثر من جدي لانها راعية سكر ومقعده
والله فطورها اذكره عباره عن بيض مسلوق بلدي امي تربي الدجاج بالبيت عشان البيض لانه ممتاز للعظام ولكبار السن فكل صبح تسلق لها كم بيضه مع كوب حليب برضو حليب طازج من البقره امي تحلبها وابريق صغير قهوه وتمر لجدتي وخبيزات بر ومادري وش بعد اذكر هالاشياء لاني مع امي اشوفها بس ماتكثر لها عشان جدتي ترجع تنام وعشان الغداء تخاف تنسد شهيته على الغداء
والغداء بعد تهتم فيه ومرقوق وجربش ومطازيز
تراه امي تسوي كميه صغيررررره لها هي يعني مايكلف عليها ان شاءالله شي قدر صغير وحبتين ثلاث كوسه وكم مكعب قرعه ولحيمه صغيره ماهي كبيره
والعجينه صغيره على قد جدتي بس ماحد ماكل مع جدتي شعبي يبون كبسات وجدتي ماتبي الا تنويع
جدتي على اللي تسويه لها امي ماحبتها جدتي تحب زوجة عمي لانها قريبتها ولا سكنت معها
بعد ماتوفى جدي وباعو البيت جدتي طلبت تروح تسكن مع عمي وزوجته وحاولنا تسكن معنا قالت انا ماحبكم احب ولدي وحرمته نكسر قلب امي تعودت امي عليها
وعشات مع عمي وربي انها تبكي انها تركتنا
تروح لها قريبتنا تزور جدتي هناك تقول يتركوني جعانه مايذكروني لازم اناديهم عشان يجيبون لي لو خبز
صارت تمرض جدتي هناك كثير وامي تسال زوجة عمي تعطونها علاج القلب تعطونها علاج السكر تعطونها تقول زوجة عمي الادويه غاليات واذا جبنا زين نذكر نعطي عيالنا فكيف نبي نذكر علاجها
ومرضت المرض اللي توفت فيه وهي بفراش الموت قامت تدعي لامي وتمدحنا وتثني عليها وانها من دخلت علينا ماعمرها رفعت لسانها علي وانا اللي اضرها واسبها عامتني كاني امها تحملتني وشايلتني ومدلعتني تناظرني ولا تناظر عيالها وانا صاده عنها
اما هذي ورفعت ادينها ودعت على زوجة عمي دعاوي الله يعين
وزوجت عمي من مشاكل لمشاكل من هم لهم الله يفرج عليهم
لذا ياختي قلتلك قصتي
سوي زي مامي تسوي
امي ماهي مجبوره ترعى جدتي ولا لجدتي بر لان امي مو بنتها ولا حتى قريبتها بس امي برت فيها اكثر من امها ام امي حيه يارب لك الحمد الله يطول بعمرها بصحه وبعافيه
لذاا امي مو فاقده الام يعني عشان تعوض لا موجوده ام امي وحنونه وطيبه وتهبل لدرجة حنا يالاطفال نحبها اكثر من ام ابوي لان لسانها لين ورطب وماتهوش فتعلقنا اكثر بام امي
وامي اهتمت بام ابوي وشافت كل اللي بخاطرها تحاول ترضي ربي امي وتاخذ اجرها
انتي حاولي تسوين زي امي زي ماتسوي امي سوي زيها هذي امك وواجب عليك فتحملي واصبري رضا لله عزوجل
وزوجك لازم تجلسين معه وتاخذين على خاطره وتدكرينه انه راح ياخذ اجر عليها وقوليله انت مو ملزوم بأمي الله يجزاك خير ويرزقك من واسع فضله وخيره
وذكريه انه وجود كبير بالسن بالبيت يجلب البركه والرزق وربي
لانكم تعاملونها بمايرضي الله وتتحملونها وتتحملون لسانها وطلباتها ربي راح يفتح لكم ابواب رزقه وخيره فهمي زوجك كذا عشان يرتاح
وربي ان زوجك كفو يارب تحميه وتسخره لك ولعياله ويسخرك له يارب ياكريم ولا يفرقكم عن بعض يارب
والله جدتي ماتبينا نلعب ولا ناظر تلفزيون تلقيننا حنا بنات بالحوش نلعب بالسياكل او مع بنات الجيران بالشارع او بغرفة الالعاب ماعندنا قبل تلفزيون فهي قنوات كرتون القناة الاولى والثانيه بس
لذا عيالك حطي لهم غرفة خاصه للالعاب ومراجيح وزحليقا تتلقين زحليقا بلاستك صغيره حطيها لهم وفيه مرجيحا صغيره برضو بمحلات الالعاب
وحطي لهم تلفزيون بغرفة الالعاب يبعدون عن امك
وشغلي سورة البقره بالبيت يوميا لاتسكر
راح تهدى نفسية امك ونفسيتك وترتاحين
نصيحه اقري قبل تنامين سورة البقره يومياً
راح تحسين بنشراح فضييييع رائع وحتى راح ينعكس على بيتك
بدال ماتدخلين لغرفتك تصيحين وتبكين هالفتره ذي حوليها بدال بكرا لقراءه سورة البقره
وش يفيدك تصيحين وتنوحين لحالك
سورة البقره لادخلتي متضايقه للغرفه لاتصيحين بس عه خوذي القران واقريها كلها راح تتبدل نفسيتك على طول
جربيها ولا تنسين لاتغيرت احوالك للزين تعلمينا

للامانه ماقصرتي انتي وزوجك ولالك جماله ع امك لان مهما سويتي هذي امك وسبحان الله كل شي تسوينه مردود عليك الدنيا دواره وانتي من كلامك قايمه بواجبها ومستحمله الضغط النفسي الاطفال من صوب وامك من صوب وابوهم من صوب واذا الدوله تمشي لها ضمان روحي اخذي لها اغراض لحم وخضار وفواكه يعني ع قد الي يجيها من الدوله مو معقوله مالها شي واذا كان لها اولاد لازم يشاركونك المسؤليه وحاولي كل مازعلت تحبين راسها وتذللين لها ان هذا الي الله قدركم عليه وماراح تقصرون لو عندكم وارجع واقول الصبر اصبري مهي معمره الله يطول بعمرها ع الطاعه كلنا رايحين بس اقل شي ماتحسين بالذنب وترى لطفك فيها وصبرك عليها بركه ف عمرك وعيالك وزوجك