شابوره وحليب ؟؟؟ كيف تقدمينه لها و امك تحب الزفر تحب الايدامات وانواع الرز واضح من كلامك ... سوي اللي هي تبغى بالضبط

سبحان الله وبحمده

ماعندي رد الا الله يرزقك برها ويعينك
امي بنفس وضع امك لكن امي ببيتها الحمد لله وانا مو مزوجة اقولها خيرة متفرغة لخدمتها
وهي مقعدة وماتشوف جعل ربي ذالك بميزان حسناتها ..طريقتي بالاكل لما تتذمر وترفض اجيب سالفة طويلة من الي اعرفها تحب تسولف فيها وكلمة مني وكلمة منها واجهز اللقمة واقول افتحي فمك قولي بسم الله وهي تسولف تبداء تاكل وكذا لو جبت دواء او عصير امي تكره العصير لانه بلا سكر وظروري تشربه البرتقال عشان يلين بطنها شوي فا اجيب طريقة واصبر حتى تشرب
واكل امي وشربها بيدي حتى قبل لا تفقد بصرها انا ااكلها واشربها ما احب يطيح على ملابسها وتنقهر واطبخ لها الاشياء الي تحبها وما احط ملح ولا فلفل واذا طبخت لنا ولها صار قاعدة عندي الملح والفلفل تنحط بعد ما اغرف لامي وجبتها اسال الله ان يوفقنا ويعين على البر

الله يعينك ويقويك ويصبرك مبين من طريقتك فالكلام انك مضغوطه الله يعينك ويساعدك حاولي تبعدي أطفالك عن امك عشن لا تنزعج جيبي لها تلفزيون عندها حاولي مثلا تتقهوين معاها لحالكم وأولادك عند زوجك حق ساعه كذا تروق وبالنسبه للاكل قوليلها ي امي انتي عارفه البير وغطاه والرجال ماعنده وماقدر احمله فوق طاقته او بيعي لك قطعه وخذي لها ذبيحه لها بس الين ربي يفرجها وانتي لازم تغيرين نفسيتك عشن تقدرين تهتمين ببيتك وأمك وأطفالك

اسال الله ان يعينك ويرزقك برها ورضاها حاسه فيك يا اختي اشتري لحم مثل ماقالو الاخوات بالردود وخليه لها قسمية كل يوم وجبه غداء وسوي بالمرقة شربه للعشاء اكيد بتحبها والفطور بيض سويه بطريقتها او خبز وحليب او خظار ....اجتهدي لازم ترضى لازم تاكل ياقلبي انا عارفه ان موقف صعب ولو ما انك حريصة على برها ما سالتي
وخليها مقدمة على الزوج والابناء هذي الام محد يتساوى معها بالمكانه بيعي ذهب واشتري الي نفسها فيه ولا ياكل احد معها خليه لها وربي مايضيع تعبك وصبرك ربنا يرى ويسمع واستعيني بالاستغفار والدعاء ادعي الله يرزقك برها ورضاها