mrs.abk :

بنات ممكن تقرون كل الردود قبل لا تجرحون صاحبة الموضوع بكلامكم الناري .. - البنت وأمها غير سعوديات - البنت ما عندها إخوة وأخوات أشقاء .. يمكن بس أولاد وهم بعيدين عن البنت وأمها .. اللي فهمته إن أخوانها من أبوها ويكرهون أمها ويكرهونها .. - الزوج وظيفته على قده وما يقدر يوفر متطلبات أكل الأم كاملة .. - البنت مضغوطة بسبب إحساسها بالتقصير.. مشاغبة عيالها وعجزها عن السيطرة عليهم .. مرض أمها وفقدها للبصر.. طريقة أمها وكلامها الجارح .. إحساسها بالتقصير في زوجها .. ويمكن ظروف ثانية بعد - الأم منزعجة من الأمراض وكبر السن وفقد البصر.. منزعجة من عدم وجود تسلية فعلية لها .. منزعجة من إحساسها إنها تثقل على البنت .. منزعجة من الأطفال .. - الزوج متفهم الأم .. يحث البنت على بر أمها .. لكن يحس هو بالتقصير ويضغط على نفسه .. - الأطفال منزعجين من ضيق البيت .. منزعجين من التوتر بسبب الجدة المتوترة .. منزعجين لأن ما عندهم تسالي غير التلفزيون .. .............. إقتراحاتي .. - في البداية الصبر الجميل والشكر لله علة نعمة وجود الأم .. لو تسمعين مواويل أمي علي بتقاطعينها 10 سنين قدام .. لكن عسل على قلبي .. وأحاول جهدي تكون راضية والله يسهل لي . - غحرصي إن أمك تطلع .. لو تجيبين كرسي وتحطينها على الكرسي المتحرك وتطلعينها .. وديها الحديقة وديها سط الناس .. برغم هي ما تشوف بعيونها لكن بتشوف بقلبها وبتحس بالراحة - حاولي تتواصلين مع صديقاتها القديمات .. او دخليها وسط حريم كبار لهم نفس الميول .. مثلا وديها مركز تحفيظ قرآن .. بتشغل نفسها وبتهدى وبترتاح أكثر - جيبي لأمك راديو .. برامج الراديو تعجب كبار السن أكثر من التلفزيون - كل أسبوع خذي عيالك وأمك واطلعوا الحديقة .. هاليوم بيكون يوم منتظر بالنسبة لها وبتفرح به جدا .. - أهدي أمك شيء بسيط .. عطر .. خاتم .. شيء يحسسها إنك تحبينها ومازلتي ودك تفرحينها .. - أشعلي الأنوية في قلبها .. حني شعرها .. قصي أظافرها .. سوي لها مساج .. لبسيها عقد .. ودايما كلميها عن جمالها اللي مافيه مثله .. حطي لها كريم ومرطب شفايف .. وقولي لها والله إنك صغيرة وجميلة .. - لو تقدرين تودينها تتعلم القراءة بلغة برايل .. أو تجيبين لها ايفون لأن فيه خاصية لفاقدي البصر بس هذا حسب استطاعتك .. - علمي بنتك تبرها .. تجيب لها ماي تغسل ايدها .. تقرب لها الصابون .. تقرب لها العصا .. وتقعد تقرا لها كتاب .. هالشيء بيقارب بين البنت والجدة وبيخلي البنت تهدى .. .................. بالنسبة للأكل . - بما إنك غير سعودية وغير خليجية فنصايح الأكل اللي قدموها الأخوات ما تنفع وايد .. لكن أنا أقترح عليكي ,, كل يوم الصبح ملعقة عسل مذابة بكوب ماء دافي أو بحليب دافي .. تعطي أمك قوة وتسد نص الجوع تمرات .. التمر في كل المجتمعات العربية محبوب بان كيك .. مليون طريقة للبان كيك جريبها وسوي منها .. وفيه وصفة اماراتية اسمها محلى زايد قوام الطحين يكون نفس البان كيك بس أخف وحجم الحبة بحجم الخبزة .. سهل وسوي لأمك .. وعندك من الأكل الشامي حمص ومتبل وخبز .. ومن الأكل العالمي فرنش توست وكبة البطاطا .. جربي لها أي وصفة تحين سهلة المضغ وحلوة الطعم .. جربي وفكري بالأجر .. ودايما الصبح قعطي حبتين فواكة .. وخليهم جنب أمك على الضحي ممكن تعطينها بطيخ .. واعملي لها القهوة .. وجهزي كم حبة بيتي فور ما أسهله ويحبونه كبار السن .. الغدا لو ما تقدرين تجيبين لحم أطلبي وجبة فيها لحم لأمك بس .. وجيبي سمك السمك يحبونه كبار السن بس شيلي الحسك منه .. وممكن تشوفين أي وجبة من بلدكم دوريها من الانترنت وسوي جدول لو 5 وجبات تنوعين بينهم حلو .. والعشا حاولي تعملين لها شوفان بحليب .. اللي هو كويكر .. او شوربة حلوة اسمها السخانة معروفة في الامارات وعمان تكون بحليب ابوقوس + حليب فريش + سكر+ كم ملعقة من طحين الأرز .,. نحط هيل وزعفران ونخلط وتحطه على النار من يثقل شوي نحط حمص حب من العلبة بس نغسله .. ونخليها تغلي شوي .. وبالعافية .. أو أي شوربة .. ركزي بالليل على الشوربات تساعدها على الهضم .. جيبي زهورات واعطيها العصر زهورات .. أمك زعلانة لأن انتي قاعدة تطلعين حرتك عليها .. وهي حاسة ومتأزمة .. أختي اشبعي من أمك والله مافيه مثل الأم .. أنا من البنات اللي أمهاتهم أذوهم وكانوا يحملون مشاعر سلبية للأم .. ومرة صار بينا خلاف وغلطت علي أغلاط شنيعة وطردتني من البيت وقاطعتها شهر .. من الليلة اللي قاطعتها لحد ما تصالحنا وأنا أبكي يوميا الصبح لأني كنت متعودة أكلمها أول ما أطلع للدوام .. وصح تصالحنا لكن العادة انقطعت هي قالت اني ازعجها بمكالماتي .. خففت المكالمات وقلبي عليها ومتلفهة انتقل واسكن جنبها حابة ابرها وابرها وابرها برغم أمي صعبة ارضاء بس من ذيج القطيعة حسيت أنا بفقدها فخفت من الموت الله يبعده عنها .. خفت منه لأن أبوي بعد متوفي .. الله يقويكي .. حسي بالرضا .. ابتسمي لنفسك .. حسي انك قاعدة تعمرين قصرك في الجنة .. قاعدة تأسسين لتوفيق عيالك في الدنيا ورضاهم عنك في آخر عمرك .. اشبعي من امك واحضنيها يوميا وبوسيها الصبح على راسها وايده وخلي عيالك يبوسونها .. ويبوسون الايد اللي تعبت عليكي .. الله يحفظها ويشفيها ويريحها ويريحك

بنات ممكن تقرون كل الردود قبل لا تجرحون صاحبة الموضوع بكلامكم الناري .. - البنت وأمها غير...

نيران ..ورديه :

انتي وشفيك او تحديدا وشفيكم من تتزوج الوحده تحط امها بين عيونها وتصير تعاملها معاملة الضرة لا ام زوج سلمت منك ولا اخت زوج ولاسلفه ووووووو وذحين على امهاتكم الزبده وبدون زعل كبار السن يشوفون هالاكل باااااصق وسامط مايحبونه وش اللي شابوره وبطاطس مقلي منجدك!!!!وفوق ذا امك مريضه الله يعينها سوي لها سليق ايدام مسلوق بدون معجون طماطم وهالاشياء ايداك كوسه قرصان خبزره عصيده ومرق سوي لها سليق مرقوق قهويها قشر وزنجبيل والذي منو كبار السن مايحبون الاكل اللي تقولين عنه وبعدين تجملي معاد بقي من العمر اكثر من اللي راح تستفزني موااااضيع اللي تشتكي من امها

انتي وشفيك او تحديدا وشفيكم من تتزوج الوحده تحط امها بين عيونها وتصير تعاملها معاملة الضرة لا ام...