للاسف اكتشفت اني مدمنه

بسم الله الرحمن الرحيم

للاسف انا فعلا ادمنت :44:

قبل كم شهر حصلي ضغوطات ومشاكل قويه وجاني اكتئاب وتوتر فظيع وقلق نفسي المهم تحولت بعد ذيك الفترة الى مدمنة (( نشويات ))
لا تستهونون القصه ترا خطيرة زي ادمان المخدرات والمهدئات اعملو بحث ادمان النشويات وشوفو بعيونكم

طبعا في البدايه كنت احسبه جوع عادي بس شديد وصرت ما ارتاح الا لمن اكل اي شئ نشويات سكريات
وصرت كل 3 ساعات لازم وجبه
كنت اشييل معايه دايما في الشنطه كيك وحلا زي المدمن بالضبط وربي حتى لمن اروح لناس وانا عارفه ان عندهم اكل بس اشيل معايه احتياط
المهم ومرت الشهور وزاد وزني قرابة العشرة كيلو :09:
وصرت في مجموعة الدبدوبات وصارت مأساتي الملابس والفساتين والمقاس المناسب
وصار زوجي يدلعني الدبا :icon33:

ورحت لاطباء ودكاتره مايعرفو علتي وبالصدفه سمعت عن ادمان النشويات وسويت عنه بحث وعرفته
واعراضه فظيعه اذا ما اكلت نشويات او سكر يصير عندي عصبيه شديده ودوخه وزغلله واذا طولت رعشه وانهيار تام ف الجسم
واليوم اللي يمر ما اكل فيه رز او مكرونه اصير فيه مشوشه ومتوتره
طبعا البلا ذا وراه مية بلا اولها السمنه وآخرها الضغط والسكر والقلب ............الخ

فجيت هنا عشان ابلغكم اللي عندها فكره مسبقه تساعدني وتساعد امثالي كيف نتغلب على المشكله