للاسف قطعت كفاله اليتيم و تغير حالي

السلام عليكم

يابنات حبيت اطرح هالموضوع عشان واقع انا شفته


كفلت ولله الحمد يتيمين , وسبحان الله والله اللي ابيه يجيني وراحه بال سعادة و احس حياتي فيها انشراح

تخيلوا بنات صار يجيني دخل شهري بمبلغ جدا جميل اضعاف قيمه الكفاله من دون تعب ولا حتى تفكير

بالعكس اللي ربي يسر الدخل على يده كان هو اللي يجيني ويلح علي مره ومرتين وثلاث وانا ارفض عشان كنت متخوفه

ولادتي كانت سهله ولاتعبت فيها و احمد ربي على ذلك


طيب وش شصار

انا يابنات كنت كافله عن طريق جمعيه خيريه ادفع لها شهريا 180 تقريبا فقط احول لها وكان مرسلين صور لليتيم ووضعه وكيف متقدم بحفظ القران وتعليمه وغيره


بعدين وش صار جلست بمجلس قعدوا يتكلمون عن مساوى هالجمعيات وكيف انها كلها نصب واحتيال واصلا المبالغ تروح للمسئولين فيها وليس لليتامى والمشكله هالكلام تكرر قدامي من كذا شخص اثق فيهم وكلهم كانوا يقولون انهم يعرفون ناس تشتغل بهالجمعيات


فانا قلت يابنت لا تساعدين على الفساد

وقطعت ماقمت ادفع المبلغ الشهري



والله يابنات انقلب حالي

كله تعبانه ونفسيتي خايسه , الدخل الشهري موجود لازال بس مافيه بركه , زوجي صار يخسر بمشاريعه و صار قافل علينا كله مشاكل بمشاكل , ماعاد فيني طاقه ولا نشاط لو اقوم اكنس تعبت

طلعنا بشقه وكنت بأثثها على مزاجي بس المبلغ مو موجود مع ان كنا حافظين له مبلغ بس طار بخسارة مشروع والشقه قبل مانسكنها جربنا مويتها وكانت قويه الحين صارت ضعيفه جدا جدا يالله نتوضى والغريب انه بس شقتنا باقي العمارة مويتها جدا قويه الله يبارك لهم فيها

الشقه من اول ماسكنها كهرباء مو مضبوط وايضا بشقتنا بس و انا وبنتي وزوجي كلنا تكهربنا وقبل يومين انفجر الفرن الكهربائي بوجهي بس ربي حفظني والحين المطبخ بلا كهرب


يابنات انصحكم بالكفاله والله انها خير مابعده خير

( كتبت هالموضوع عشان اذكر يمكن فيه احد مثل حالي , وللتشجيع على عمل الخير)