للاسف ماسمعت كلمه ماما

بنات هل سبب مرض التوحد حق ولدي
اني ماعطيته حليب طبيعي
او لاني ماخذت اوميغا ثري وقت انا حامل فيه
تتوقعون هذا سبب التوحد عند ولدي؟؟؟؟؟


هل تتكرر انجاب الام أطفال مرضى التوحد مره ثانيه ام لا؟؟؟

هلا وسهلا ياجميلة .
وحدي الله وتعوذي من ابليس . ولدك بخير وطيب وباذن الله مع الاهتمام بيتحسن ويكون طبيعي .
صح الأم يوجعها قلبها لكن ثقي انه الحزن مو لصالحك . تأقلمي عالوضع واسعي بالأسباب .دام الولد صغير معناته الاستجابة بتكون سريعه وقويه بادن الله ..
انا متأكدة انه من حرصك بتكونين ام ناجحه وبتساعدينه على تجاوز كثير ..
اذكر واحد من اهل زوجي كان معه توحد وكنت اتعجب منه يوم اشوفه ماكنت افهم لتصرفاته وكان مايلعب مثل الاطفال . المهم انا ما اجتمع كثير فيهم .وأمه الله يجزاها خير كانت حريصة عليه وعلى مساعدته بتخطي الوضع والتحسن ..المهم مرت الايام وكبر الولد وانا نسيته مرة لأنه ولد وعادة مانختلط بالعيال .شوي اشوف صور بحفل زواج بسناب واسأل زوجي اقول مين هذا ماشاءالله ورد قال هذا فلان ولد فلان قلت ماشاءالله معقوله اني اذكره توحد قال الحين ماشاءالله بالجامعه ومافيه شي ملاحظ ويحضر معهم طبيعي .. فرحت له مره وانبسطت الله يحفظه ويخليه لأميمته ويحفظ ولدك ويخليك له ..المختصر انه ولدك بيتحسن وبتفرحين فيه لكن ساعديه ولاتسمحين لأحد يتكلم عنه او شي .كوني مثل القطه البريه متوحشة على عيالك وبتشوفين كيف ولدك بيصير رجال له مركز بادن الله..
لكن قوي نفسك وقلبك وكوني لنت سلاح لولدك ودرع حماية مو تكونبن زود تعب له .. واهم شي تعيشين حياتك طبيعي بدون حزن وضيق .. واحملي وجيبي طفل ثاني يخف التفكير عنك ..
احس بعض التطعيمات للأطفال لها دخل وش رايك ؟؟

هل انتي شخصيتي حالته وقالوا لك عنده توحد فيه وحده اعرفها مرره قالت لي ان ولدها كذا ماعندي اي تواصل بصري ولا يتكلم كلام مفهوم ولا شي وبعد ماصار عمره خمس سنوات اكتشفوا ان الطفل ما يسمع وعنده مشكله بالاذن وبعدها ركبوا له سماعات والحمد لله تحسن كثييير عن أول

لاحظي شنو بخاطره
بدون ينطق ماما خلاص انتي ماما

امر الله وقدره لاتقولي لو تفتح عمل الشيطان
الله كتبه عليه من هوا في بطنك
ارضي بأمر الله

انا ولدي كان ياخذ طبيعي و صناعي وجاه توحد ماله علاقه

ابحثي عن اخصائية تغذيه اسمها ريم العنزي في الانستقرام وشوفي حالات التعافي من التوحد واستفيدي
استفدت منها كثييير
الآن ولدي عمره ١٣ سنه يكتب يقرأ يتكلم يعتمد ع نفسه ويطبخ اذا حس بجوع وانا نايمه😅
ويطالب بحقه صار مزعج من كثر الكلام😅
و صار يدافع عن اخوانه اذا كانو برا و ينبههم من اماكن الخطر ولمن اجيب مولود اطمن عليه اذا خليته عنده ينتبه له من اخوانه الصغار حنون
وجبت اخوانه بعده الحمدلله سليمين ف صار يتعلم منهم اسلوب الحياه الطبيعي للشخص الطبيعي

صح مارجع انسان طبيعي ١٠٠٪؜ لكن مع الوقت والاهتمام بالتغذيه اظهر تحسن جدا كبير وكل ماعدا الوقت اتحسن اكثر
و في مدارس خاصه للحالات الي مثله والحمدلله اموره طيبه

اكثري من الحمد انه توحد مو شي ثاني
و اكثري من الدعاء يعينك عليه و يشفيه ويسخرله ويسخرلك الي يساعدك عليه

وعلى فكره تراهم اذكياء جدددددا
صح مايتكلم لكن راح تشوفي ذكاءه كيف