للاسف ما لقيت عنوان مناسب لموضوعي

السلام عليكم ورحمة الله و بركاته
كيفكم بنات
يمكن كلكم تعرفون موضوعي مع زوجي و بعدها نتيجة التحليل حقي بس تعرفون المثل اللي يقول من شاف مصيبة غيرة تهون عليه مصيبته اليوم في المستشفى صار موقف خلاني اشوف كل مشاكلي بالدنيا ولا شيء اليوم و انا جالسة انتظر دوري علشان اسوي الاشعة كان فيه بنت باين شكلها صغير يدينها و رجاينها فيها كلبشات و معاها ثنتين سجانات و ٤ عساكر دخلوها للاشعة المقطعية و بعد ما طلعت نادو اسمي و بما اني امون ع الممرضة حقت الاشعة سألتها حرام وش فيهم مسوين فيها كذا قالت تخيلي عمرها ٢٤ سنة تهاوشت هيه و زوجها و قتلت ولدها عمره ٦ شهور قطعت راسه علشان تقهر ابوه و جابوها المستشفى علشان يتأكدون من قواها العقلية قبل المحاكمة ي ويلي ي بنات الدم نشف بعروقي معقولة فيه ام كذا تقتل ضناها بدم بارد علشان شيء تافه


المهم انا ذكرت لكم القصة علشان اقول لكم وش الموضوع اللي كنت افكر فيه اتوقع ما عاد فيه بنات يتحملون المسؤولية ما يفكرون قبل ياخذون اي قرار يعني ٢٤ مو صغيرة بس يمكن باقي مراهقة و تفكيرها محدود يعني اتمنى يصير فيه دورات و اختبارات يسوونها للرجال و النساء قبل الزواج و اللي ينجح يتزوج و اللي ما ينجح يثقفونه زيادة معليش مو عارفة كيف اوصل لكم الفكرة بس ان شاء الله تكونو فهمتو علي


ابغى اقتراحاتكم و هل تشوفون انو في هالزمن اللي يبغى يتزوج يحتاج تهيئة قبل الزواج او لا ؟!


اسفة طولت عليكم