للاسف .. يقولووون اني عروووسة وفي شهر العسسل

السلام عليكم

:44:

انا يا عزيزاتي تزوجت قبل اسبوووووعين
ماكملت شهر يعني

سافرت اسبوع و رجعت ديرتي
وكل السفرة كانت نكد في نكد
شخصيته ترررفع الضغط نففسية مو حق وناسة ابببببدا كانه شااايب
يستاجر شقق مفروشة مايعرف للفنادق و هي مره وحده رحت مطعم حلو والباقي ناكل فالشقه
طلعات ما طلعات ما عنده ططوووووول الوقت فالششقة
واذا طلعت طلعني افر فالسيارة ورجعني
مع العلم ان عنده فلوس تونسنا لو يبي بس انه مايبي لا تضنون ان ماديته ما تساعد..

والحين رجعنا ديرتنا لنا اسبوع و هو كل يوووم والثاني فالاستراحة ومع الشباب
يوديني لاهلي ويروح ولا يجي الا وقت النوم ياخذني

ضااااايقة فيني الوسيعة مدري ويش اسوي
وضعي طبيعي والا ايش السالفة!!!
ما ودي اشتكيه عند احد .. ومتفففشششلة من اهلي كل يوم وانا عندهم ما كاني عرووس
:(



وبعد انا قلت لكم انه طلبني يطلع رقم باسمي ايام الملكة
انا رفضت وقتها
و قبل كم يوم راح وطلع من وراي
وجا يقولي انا طلعت رقم قلت باسم مين قال باسمك !!
انا المشكلة لسا استحي وهو ما همه ولا قدرت اقوله شي بس قلت له من سمح لك تطلع باسمي قال عادي ومدري ايه وكلها رقم قلت له ياويلك تجي فواتير باسمي
وقفل السالفة

غير كذا يابنات واحنا مسافرين لقيت بين اغراضه شي ريحته ششششينه كانه ورق شاهي اضن انه تنباك :icon36:

تكفووووون واسووني انصحوني

حسبي الله ونعم الوكيل :44: