للاعضاء الي استخدمو حبوب الخميره وحبوب فيتامين بيي دشوو

عزيزتي pink_rose
أنا من اللي استخدموا المنتجين، الخميرة وفيتامين B

بالنسبة للخميرة
كنت أستخدم ماركة : BREWER'S Yeast
هي أمريكية، بس في ماركات ثانية
وتقدرين تستعيضين عنهم بالخميرة الفورية العادية مال البيت بأنج تخلطين ملعقة صغيرة في كوب عصير...كوب عصير مب تغلطين وتخلطينها مع الحليب..بتلوع جبدج...

وميزات الخميرة بشكل عام هي أنها "تنفش" الخلايا وتخليها تستوعب كميات أكبر من الأكل
وعلشان جذيه تحسين باليوع مثل ماقلتي..

وفوايدها على البشرة والشعر والأظافر ماتنعد وانتي بتلاحظين هالشي بنفسج
وهي تحتوي على فيتامينات B Complex
اللي يسوي هالمفعول على البشرة والشعر والأظافر
يعني مايحتاي تاخذين جرعة اضافية من فيتامينات B..

والاستعمال
اذا كنتي بتاخذين الماركة اللي انا ذكرتها
تاخذين 6 حبات في اليوم
حبتين بعد كل وجبة هذا اذا تبين تنفخين ويهج وكل جسمج
وضرووووووووري تشربين كميات وافرة من السوائل حتى تشوفين مفعول الخميرة
ضروووووووووري
ضروووووووووري :)

واذا تبين بس تنفخين ويهج خذي الحبوب قبل الأكل
مع الاكثار من السوائل..

وأي استفسار أنا في الخدمة :)

مشكووووووره أختي موازي والله يعطيج الي في بالج ويزاج الله الف خير..
بس عندي كم من سؤال اسمحيلي..
1- وين اقدر احصل هالمنتج.. (الصيددليه والا الجمعيه)..

2- اذا استخدمت فيتامين ايي عادي ما استخدم حبوب الخميره.. والعكس صحيح..
يعني اختار واحد منهم.. لاني فهمت من كلامج ان الاثنين لهم نفس المفعول..
انا ويهي امبونه منتفخ.. انا بس ابغي امتن..
وانا افضل الحبوب عن الخميره الفوريه الي في البيت لاني اعرف الي في البيت فيه ريحه ويمكن ارّجع وما اقدر اشربه..

3- اذا عندج اسامي حبوب الخميره ثانيه يعني ما تكون امريكيه.. وفيتامين ايي هل يا ترى له اسم.. عطيني اسمهم..
واذا رحت الصيدلي اقولهم ابا فيتامين ايي بيفهموني على طول؟؟
لاني ابغي اروح الصيدليه واقوللهم ابا هالمنتج ويعطوني على طول بدون لاعلق في الكلام وياهم..

4- وبكم شريتهم الغاليه..؟؟

5- ومتى ظهرت النتيجه!؟

ومشكوووووووووووووووووره على الرد..
واتريا الرد من الاخوات لاي جربوه وعندهم فكره عنه..

الله يسلمج ويديمج اختي العزيزة
بس خليني آخذ نفس عميق حتى أقدر أجاوب one by one :D

سين سؤال:1- وين اقدر احصل هالمنتج.. (الصيدليه والا الجمعيه)..
جيم جواب:في الصيدلية وسعر هالماركة 39 درهم :)

سين سؤال:2- اذا استخدمت فيتامين ايي عادي ما استخدم حبوب الخميره.. والعكس صحيح..؟
جيم جواب: الخميرة تمتن ولأنها تحتوي على مجموعة B Complex فهي ممكن تغنيج عن شراء المنتجين..
أنا أفضل أنج ماتترسين معدتج من الحبوب بشكل عام لكنج تقدرين تستعملينهم مع بعض :)

سين سؤال: 3- اذا عندج اسامي حبوب الخميره ثانيه يعني ما تكون امريكيه.. وفيتامين ايي هل يا ترى له اسم.. عطيني اسمهم..
جيم جواب: الماركات وايده في الصيدلية وانتي بس اطلبي "خميرة البيرة" أو قولي"Yeast" والصيدلي بيصفلج كل الماركات اللي عنده :)
وبالنسبة لفيتامين بي اطلبي B Complex وبيعطيج كل الماركات المتوفرة منه
أمّا اذا كنتي تقصدين فيتامين E وهذا أنا استخدمته بعد
وضايقني أن طعمه مايخوز من الحلج..والبول كرمج الله يكون شديد الصفار...
المهم على ماأذكر اسمه Zinc&Folic والله مب متأكدة بس انتي اطلبي حبوب فيتامين E :)

سين سؤال:4- وبكم شريتهم الغاليه..؟؟
جيم جواب: الخميرة الماركة اللي ذكرتها 39 درهم
وأنا استعملت مرة ماركة ثانية كانت أرخص..واستعمال الحبوب أقل -3حبات في اليوم-
الـ B Complex ماأذكر السعر بس مب غالي واستعماله مرة في اليوم..
الزنك 25 والعلبة فيها 30 حبة:)

سين سؤال:5- ومتى ظهرت النتيجه!؟
جيم جواب: خميرة البيت -الفورية- استعملتها اسبوع وزاد وزني في هالاسبوع 2 كيلو
-كنت 46 كغ واستويت 48 كغ- بعدها بمدة -يعني كم شهر-ولأني ماقدرت أكمل نقص وزني للـ 44 وثبت عليه..
أما باقي الحبوب كان يظهر أثرها على ويهي وشعري وأظافري بس وزني مازاد، لكنه مانقص..
يعني ويهي امتلا وايد واللي يشوفني يتحسبني طوفت الـ 50 كغ

أنا كملت أكثر من سنتين وأنا أستعمل الخميرة
والظاهر أن جسمي تعود عليها وماعاد منها نفع...
ألحين رجعت للحلبة قبل كل وجبة كفاتح للشهية وأشوف أن مفعولها أحسن
منها أنها تفتح الشهية ومن جهة ثانية أريح معدتي من الحبوب...
أما الريحة تطلع في البول كرمج الله، أما الجسم اذا تحركت وايد وعرقت بس ماتفوح لأني أتسبح أكثر من مرة في اليوم خوفا من أنها تفشلني...

وفي شي ثاني أنا جربته مدة وكان فتاك هههههههههههه
كوب حليب مع مكسرات مطحونة- وخصوصا الفستق والبيذام- وآسكريم
اخلطيهم مع بعض واشربيهم قبل النوم واذا بغيتي تزيدين الجرعة مايضر

وحاجة ثانية الحليب بالموز....

ان شاء الله أكون أفدتج ومايردج غير كيبوردج اذا حبيتي تستفسرين عن شي يخص هالموضوع -النحافة المزمنة:D- :)

اهلين بنك روز
كيفك
انا ما جربت الخميره بس سمعت عنها وقررت اشتريها
بس خايفه من السمنه
والكرش بعددددددددددددددد
الانوا ع واضحه بالصيدليه
وفيه منتجات gnc
هذي عندهم حبوب الخميره ومنتجاتهم مضمونه باذن الله
بس



ممكن سؤال للاخت موزي
أما باقي الحبوب كان يظهر أثرها على ويهي وشعري وأظافري

ماهي هذي الحبوب الي اثرت على وجهك وشعرك واظافركككككككككك
تكفين لاتتاخري

مشكوووووووووورين الاخوات هيو وموازي.. والله يعطيكم الي في بالكم..
ومشكوره أختي موازي على الرد ويزاج الله الف الف خير وتسلمين الغاليه على الرد الكامل والواضح..

انزين انا فهمت من كلامج ان الخميره والB complex لهم نفس المفعول صح!؟
خلاص قررت اني آخذ B complex..
أهم شي أن ويهي يصير منور ونشيط وجسمي شوي يمتن مع وزني انه يزيد على الاقل 5 كيلو..

اتريا الجواب عشان اروح ركيض الصيدليه هههههههههه....
وانشاء الله خير..
المشكله وزني 45 وابا اكون 55 وانشاء الله خير.. :)