للافادة.. ممكن تكتبون تجاربكم ويا الشغالات من كل النواحي!!

شوفوا خواتي.. كنت أتوقع اني بشوف حد رد لاكن ماعليه..لأني أصلا كتبته بالليل متأخر.. وألحين بعده توه الصبح.. أدري.. ماعطيتكم وقت كافي..

المهم أول شي بقولكم ليش كتبت هالموضوع.. وبنفس الوقت رد على أسئلتي..

أنا اللي عندي فلبينية.. أول مايتني طبعا كنت مجهزتلها أغراضها من كل شي كل اللي نستخدمه أحنا ماخذتلها اياه.. والثياب طبعا ما خذتلها الا لما وصلت عشان أشوف جسمها.. وعطيتها من عندي بعد.. ودايما تمدحني.. وانا أقول مثل مادايما أشتري بشتريلها هي بعد لا وأخليها مرات بروحها تختار وبأي ثمن..

المشكله ألحين.. أشوف مرات أشياء وصخة بالبيت.. مرات أتكلم أقولها نظفي هالشي زين ومرات أقول يمكن ماافتكرت فيه والمرة اليايه بيكون أحسن.. بس من يومين عطيتها كم ملاحظة بالنسبة للمطبخ… الاااااااااااااااااااااا واشوفها اليوم الثاني منتفخة.. قلت يمكن عرات بروحهم الشغالات مرات زينين ومرات لا.. بنفس اليوم طلعت وشريتلها ( كرمكم الله ) نعالين واحد للبيت وواحد للطلعة.. يعني طلعتي أساسا كانت لهالشغلة بس.. أتخيلوا سيرة وردة والسوق بعيد عنا.. بس قلت يمكن شوي تستانس..

بعد مارجعت وعطيتها الأغراض شفتها مكانها منتفخة.. قلتلها ليش زعلانه اليوم.. وترى هذا مش أرضاء الها.. لاكن بس لأني ماحب أشوف حد في بيتي بهالطبع وخاصة انها تتعامل بعد ويا يهال.. وماتضحكلهم.. قالتلي .. أنا مانمت أمس. وكله منج مدام.. عشان كل يوم وسويتي مشكلة.. واذا ماتبوني سفروني.. وتعرفووووووون شو المشكلة .. يوم قلتلها نظفي الأشياء زين.. وعطييييييييييييييتها بعدين من الكلام الزين واتصلت للمكتب وكلمتها الحرمة.. ونازعتها..

ومنها والله مارقدت زين.. شغالة وتتبلى علييه.. فانتوا شو رايكم بالسالفة؟؟!! تصير عندكم والا؟؟!! وكيف تتعاملون وياهم؟؟
وخاصة اللي عندها فلبينية.. يعني تفاتحون الشغالات ليش زعلانين والا تلبسونهم ولا كنه شي صار.. الوالدة قالتلي خليها بروحها بتتعتدل.. يالله همتكم خواتي..

وجبل قهواااااااااااان أنا بانتظار ردج..حيرانة بكيف التصرف الصحيح وياهم؟؟!!!

شوفي حبيبتي عامليها زين ولا تبخلي عليها عادي بس كلما شفتيها ضايق خلقها سالتيها وشفيك زعلانه هذا اللي خلاها تتمادى تجاهلي زعلها ولاكانك شايفتها زعلانه وهي تتعدل كل الشغالات كذا وخاصة الفلبينيات انا صراحة مااطيقهم لانهم دلوعات وكلش يبون على كيفهم

صدقج أختي light410.. المفروض اني أخليها على هواها وبروحها بترجع.. لأنهم اذا انعطوا ويه .. على الدنيا السلام.. ومشكورة عزيزتي عالرد..

السلام عليكم اخواتي الفاضلات انا عندي شغاله اندونيسيه مشكلتي انها يوم جات كانت حاطه الابره اللي تمنع الدوره
تحت الجلد في اليد و بعد ثلاثه شهور صار يجيها الدوره الله يكرمكم و تأخذ وقت طويل معاها آخر مره صار عندها
هبوط وتعبت من الدوخات وانا ذهبت بها الى المشفى بالقوه كانت ما تبغى تروح و اخذت محلول لكنها ترجع لها الدوره
ما تأخذ وقت عنها مع ان ماعندي شغل كثير في اليبيت و ما اتعبها اش رايكم شسوي معاها و كمان ما تنظف كويس
و ما تحب الكلوركس و انا والله اخاف الله وما اكلمها بشده اخاف اظلمها انصحوني لكم الاجر و الثواب ان شاء الله:26 : :26:

مرحبا أختي بنت الملوك..

والله الشغالات مشكلة.. اما تصيب والا تخيب.. أنا متعقدة من شي أسمه أندونيسيات وبصراااااااحة شفت الفلبينية أحسن الا في هالسالفة .. الزعل.. بس من اليوم وطالع براويها العين الحمرا.. مابدلعها زيادة.. والله المستعان..

بالنسبة لسالفتج.. خبري المكتب اللي يبتيها منه.. يمكن عندهم حل لأنه هي يايه تشتغل مش كل يوم وفي المستشفى.. واذا فيه نفس الأبر اللي تاخذها بعد بيكون أحسن.. والله يعينج والله..