انا صراحة اموت على المغربي و الجلابيات اللي فيهن فكرة و تكون خياطتهن فرنسي يعني تكون الجلابية مصككة من فوق و تبدى تتوسع من الخصر و نازل...و شفت موديلاتهم من كم يوم في مجلة قديمة ...و قلت بجرب لان المحلات الثانية مبالغ في اسعارهم خاصة اسكاليني يعني لما اروح عند اسكاليني ما اقدر اخذ اكثر عن وحدة... و كل كوم و دار الاصايل اللي عندنا في بوظبي كوم ثاني الجلابية من طقة اربعة الاف و طالع و الموديلات تجنن بس ما تسوى هالمبالغ و انا بصراحة ما اداني اسير لهم لاني ما اروم اقام و اشتري و لما ارد البيت اتحسف.. خواتي صدقوني..المسألة.مب مسألة مادة الفلوس و لله الحمد موجودة بس الواحد يستحرم يعق الآف على جلابيات...: و الا شو رايكن24؟؟: :24:

السلام و عليكم و رحمة الله تعالى و بركاته

عزيزتى أنا فصلت عند محل عالم الموضة جلابيات مغربية وكانت خياطتهم وايد مرتبة وبعد تفصلتج الموديل حسب
القطعة
وأسعارها جدا معقولة ما أظن أنج بتروحين و تفصلين ب 4000 و 5000
و هى نفس الخياطة و نفس الدقة

و مواعيدهن مظبوطة 100% هذا أهم شئ

و السموحة

أنا وياج أختي أن الواحد ما يصرف فلوسه على أشياء فاضية بس مثلا لو في 3 محلات: واحد يخيط بأربعة آلاف والقياس مرتب والشغل ما عليه كلام والثاني بتسعمية وبمواصفات المحل الأول بس في فريج المرر مب عند دوار الساعة ، والثالث بأربعمية بس مرة قياسه مرتب ومرة لأ .. أنا بسير الثاني لو أغلى بس يستاهل .. هذا رأيي وما دام وحده من الخوات جربت المحل اللي تسألين عنه توكلي وسيري ..
هو أكيد في أرخص منه بس لا تسألين عن القياسات عندهم !!

بغيت اسالكم بالله عليكم وين هذا السوق التي تطرونة
سوق المرر
او ل مرة اسمع فيه