للامانه ..كلمة حق لازم تنقال واعتذار مصحوب بالتشكرااااااااااااااات:

قبل ادعو لي ان الله يفرج كربتي
دعيتو
يله ابدو بسم الله.....

يابنات ياحبيباتي.. ياعانسات ..ياارامل.. يامطلقات مثلي.. يااحلى مابهالكون انتو
يسعد صباحكم ومساكم
انا قريت كثير بنات يسبون الحنا ويقولون انه يقطع الشعر .. شوفو انا باقولكم ان الحنا ماده مطهره يعني كثرتها تضر.. واللي تجي كل يومين تحط حنا تستاهل تصير صلعا.. مثلا خلطة الثوم فادت كثير انا من يشم شعري ريحة ثوم يطيح.. والا البصل يووووووه صارت مناحه يوم حطيته... شعره تطيح دمعه تطيح وهكذا.. الجرجير حلو.. الكثيرا سوت لي مشااااااكل حتى في الدوام؟!!!
يعني الامر متعلق بك وحدك.. او بشعرك وحده يتناسب او مايتناسب .. لكن اننا نقول الحنا وع والبصل حلو حرام وظلم..
جربي شعرك مع الحنا لو ناسب اوكيه لو لا خلاص مو مشكله لكن الحنا فعلا مفيد للشعر خاصه الدهني لانها تطهر الفروه وتوخر القشره بالاضافه انها تلمع وتعطي لون روعه عموما انا كتبت خلطات جربت اكثرها وانشا الله تفيدكن(على فكره شعري ديزل مو دهني بس) وسلامتكن.
للي تبي خلطات حنا واللي ماتبي تتفرج الفرجه ببلاش:
صبغة حنا للشعر الجاف
لازم يكون الشعر نظيف من الزيت والكريم مغسول قبلها بيوم وجاف
نخلط ½ ك حنا حمراء (يمنيه او حساويه وياريت النوعين وممكن حنا المدينه كلهم ماشا الله انا جربت حنا المدينه )مع كاس شاي غامق بلا سكر + 3 م زيت زيتون او زيت ذره على فكره خصصنا هالنوعين لانهم افضل زيوت تتغلغل الشعر يعني ممكن أي خلطه تحطينها تحطين معها شوي منهم عشان تستفيدن منها تمام ، نخلي الخلطة ليلة كامله مغطاه .. جاء النهار خلاص نحط الحنا ونخليها تحت الكاب الحراري ساعه او 45 د ونفكه ونغطيها بقماش قطن عشان ماتبرد الفروه ونمرض ونخليها ساعه ثانيه ونغسلها بالماي وبعدين شامبو لاحظو احنا حاطين زيت يعني ماراح يجف شعرنا.
للشعر الدهني(مجربه):
نخلط ½ ك حنا حمراء (يمنيه او حساويه وياريت النوعين وممكن حنا المدينه كلهم ماشا الله انا جربت حنا المدينه )مع كاس شاي غامق بلا سكر + عصير ليمونه صغيره (لومي – بن زهير) نخلي الخلطة ليلة كامله مغطاه .. وبعدين لو لاحظتي انها ثقيله زيدي فنجال شاهي مر لانه يثبت لون الصبغه ويحسن الشعر نسوي مثل السابق.
هذي الخلطه تعتبر صبغه وعلاج فنفس الوقت لانها تصبغ الشعر بلون احمر وتطوله عشان المشاط:
فنجال مشاط + فنجال حنا حمراء + 1 و ربع كاس ماء بارد نعجنها مع بعض قبل الاستعمال بساعات ونحطها مثل السابق.
للقشره:*********
هذي حطيت يمها نجوم وقلوب لاني والله مجربتها وفعلا فادتني كنت اعاني من قشره ودهن بالفروه وريحه مو حلوه ... اتسبح يوميا وتقطع شعري وهذا كله بسبب شامبو استخدمته .. المهم قريت عن الحنا وانا كنت استخدمها بس بطلت لان شعري صار ضعيف لاني اصبغ واحني فتقطع(لعنبو من لامه)
جيت ذاك اليوم وقلت اجرب عجنت الحنا بس مع شاهي مر بارد وخليتها ليله وحطيتها اليوم الثاني وخليتها تحت الكاب ساعه وبدونه ساعتين وكررت هالشي اليوم الثاني (كذا الوصفه ) وبعدين في الاسبوع مره لمدة شهر وبعدين صرت كل ماخلصت الدوره احط حنا لاجيت اغسل منها يعني مره بالشهر على فكره القشره راحت باذن الله من اليومين الاولين وصدقوني مجربه والله وفادتني. واتمنى تفيدكن .
للتساقط وتثبيت الشعر :
½ ك حنا حمراء + ½ ك مسحوق قشر الرمان + 1 وربع ك ما دافي او ساخن شوي نعجن ونخليها لمدة ساعتين نحطها ع الشعر لمدة 4 ساعات كامله
لتغذية الشعر وتلوينه (مجربه)
1 ك حنا + بيضتين + ½ كاس شاهي او ما دافي مو حار نعجنها ونخليها نصف ساعه ونقلبها ونحطها ع الشعر خصله خصله نستخدم هالطريقه 4 اسابيع وبنلمس النتيجه باذن الله..
للتساقط: (مجربه)
3 م حبه سودا مطحونه + ½ ك حنا +3/4 ك ما دافي ونعجنه ونخمره ساعتين ونحطه ع الشعر.
للتقويه وانبات الشعر المتساقط :
3 م محلب مطحون + ½ ك حنا +3/4 ك ما دافي ونعجنه ونخمره ساعتين ونحطه ع الشعر
او
ندق اوراق الريحان ونخلطه مع الحنا وهو ممتاز للتساقط.
ملاحظه هامه كل الخلطات ماخوذه من كتاب اسمه الموسوعه في التجميل اذا مو غلطانه وفعلا هو موسوعه رائعه ويستحق سعره.
وادعو لي ياخواتي اليوم ع الفطور ان الله يفرج كربتي فديتكن
:36: