السلام عليكم ورحمه الله و بركاته
الايام دي طبعا كل اولادنا في الامتحانات و اكيد بتمني لهم النجاح و التوفيق
و نصيحتي ليكي النهارده انك تقدمي لهم اصناف طعام مليئة بالفيتامين اللي يساعد على التركيز في المذاكرة اكثر و اكثر ..
و طبعا الاسماك من اهم الاطعمة التي تساعد على التركيز و الانتباه
و النهارده قدمت لاولادي صينية ماكريل في الفرن مع ارز صيادية
و حبيت اني اشارككم طريقتي و يارب تكون مفيدة لكم
المقادير
كيلو سمك ماكريل
4 طماطم
ربطة كرفس
حبه بطاطس
3 جزر
بصلة
فلفل رومي
ثوم مفروم
الطريقة
** اغسلي الماكريل جيدا بالملح و الدقيق و اشطفيه جيدا و احشية بالثوم المفروم
** رصي الجزر و البطاطس و الكرفس و البصل و الطماطم .
** ثم ضعي عليه الماكريل و معه كوب واحد فقط ماء
بياخد غلوة واحده فقط عالنار و دخلتها الفرن لمدة 20 دقيقة
و عملت معاه اجمل ارز صيادية
يارب تكون وصفتي عجبتكم
لمشاهدة الخطوات بالتفصيل من مطبخي مباشرة اليكم في الفيديو التالي
مع تمنياتي لكل اولادنا بالنجاح و التوفيق باذن الله
همسه احمد
ماشاء الله تبارك الله ..
تسلم ايدينك أختي هموسة ع الأطباق اللذيذة ..
وربي يفرحك بنجاح أبنائك وصلاحهم وبرهم يآآآآآآآآآ رب ..
موفقه يالغلآ ..