للاهميه>> فرط تبويض المتكيسات

السلام عليكم ورحمة الله

انا قلت نكتبلكم تجربتي مع التلقيح المجهري واجري على الله

----------------------------------------------------------------

هادا يا حوات الحلوات المتكيسات خااااصه..انا لم ارزق بالدريه الصالحه لمدة اربع سنوات انتظار ..وبعد اخد ورد طويييل اخبرني طبيبي انني مصابه بتكيس المبايض ( ضعف التبويض)..

وخديت ما كتب الله من حبوب الكلوميد و حقن الهرمونات:09:..بلااااافايده

ولما فتحو في بلدي مركزا اردنيا لعلاج الاخصاب ..توجهت اليه وعمل العمايل التاليه

* طبعا اكد انه لدي تكيس في المبايض

*سألني ادا كانت دورتي منتظمه(؟؟؟) ولما قلت لا ..قاللي خلاص هنعطيك حقن الشورت بروتوكول ( يعني برنامج تنشيط قصير الامد )
>>مع ان هادا النوع من البرامج لا يترك للبويضات فرصه حتى يكتمل نموها وبالتالي يكون معظمها اغلفه فااارغه :(

*وصفلي 3 حقن في العضل + واحده تحت الجلد ..لمدة 9 ايام >>مع العلم ان تكيس المبايض يجعل المبايض حسااااسه جدا ولهادا تكون استجابتها للدواء عاااليه جدا وبالتالي تعطى المريضه اخف نوع دواء ويراقب التبويض بعنايه >>ورغم انه تابع التبويض وكان لزاما ان يوقف البرنامج عند حدوث فرط التبويض ..الا انه كمل عاااااادي

* عند اخر حقنه قلب شاربيه استغرابا وقاللي ( انتي ليه ما قلتي انه عندك بالعاده فرط تبويض )؟؟؟؟؟؟؟

الله وحده شاهد على اللي حسيته ..والله قربت نمووت...قسم بالله جتني دوخه شدييييده + زوغان في النظر + رغبه قويه بالقئ+انتفاخ شديد في البطن + خفقان في القلب +عدم تناول الطعام الا القليييل العديم اللون والرائحه + كرهت مووت كل العطور والمنظفات والصابون وحتى زوجي..>>والنكته انه كل ما شكيتله حالي ما يرد عليا ويغير الموضوع !!!..والاحلى اني عرفت من النت اني كنت معرضه بسهوله لانفجار المبايض+توقف القلب ( لان الرحم كان يسحب السوائل من الجسم ويجمعها في البطن حتى من الدم..حتى لوني وقتها صار اصفررررر )+ توقف الكلى ..لا حول ولا قوه الا بالله

ومن يومها يقوللي عااادي ..المهم تشربي 5 لتر ماء و2 لتر حليب ..وانا والله مش قادره حتى نشوفهم مش نشربهم :09: ومعاهم 2 زجاجة محلول جفاف في الدم

الموووهم سحبو مني 40 بويضه !!!!!!!!!!!!..واللي يموت قهر طبعا انه منها 25 بس اللي تنفع ..وهكدا بعد التلقيح والدي منه بقيت لي اخر شي 4 بويضات:icon33::icon33::icon33::icon33:

واحلى نكته في الموضوع ..ان الدكتور مصمم على الترجيع مع كل هادا؟؟..لكني صممت وقفلت راسي وطلبت منه يجمدهم حتى يجعل الله لنا مخرج

طبيبي الاصلي راجعته من يومين وقاللي هرموناتك في العلاااالي ..ما ترجعيش هالشهر الا لو شفتك انا ووافقت....اليوم نزلت دورتي ..

قلت خلاص...خللي نكتب عن تجربتي على شان كلكم تستفيدو ..ومنه ناخد شورتكم ..كيف العمل ؟ حد صارله زيي؟ نرجع الاجنه هالشهر؟

بسم الله الرحمن الرحيم ..حسبي الله ونعم الوكيل