للاهيمه ترى الزيوت نوعين كل وحده تستخدم زيت تدخل/اكتفى من الردود

السلام عليكم ورحمة الله وبركاته


قريت موضوع الاخت اللي تساقط شعرها مع هالخلطه اللي هابين فيها هالايام

اللي هي حقت سمن شوكه وملعقه

حبيباتي انا دخلت دوره تجميل وقالت لنا المدربه معلومه عن الزيوت اللي تنحط على الشعر

اولا الزيوت نوعين زيوت حاره وزيوت بارده

الزيوت الحاره مثل زيت الزيتون وزيت الخروع السمسم
الزيوت البارده مثل النارجين

كل وحده منا طبيعة تكوينها وجسمها تختلف عن الثانيه

فيه منا اللي تناسبها الزيوت الحاره وتلقين شعرها يطول ويكثف مع زيت معين

لكن لو حطت نوع زيت ثاني تلقين شعرها يطيح وبالخصل وينعدم اعدام مره وحده


بمعنى انو كل وحده يناسبها نوعيه معينه من الزيوت اما الحاره او البارده وهذي تعرفها بالتجربه

الاخت اللي طاح شعرها المفروض توقف استخدام الخلطه فورا وخصوصا سمن شوكه اتوقع هو اللي اعدم شعرها

وماتحملته فروة راسها

مو شرط نجحت الخلطه مع اي وحده تناسبنا ونسويها

وقفي استخدام اي زيت فتره لين يرجعع شعرك يستعيد عافيته وحيويته بعدها استخدمي زيت الناجين لانه من الزيوت البارده

هو اللي ينفع معك


حبيت افيدكم بهالمعلومات وسلامتكم :)