للبشرة الذابلة والباهتة .. قناع بسيييط سهل ... ونتايجة رووووعة ..

مرااااااحب ياخواتي وش مسوين في الإجازة أن شاء كل خير و زين ..؟؟
المهم ماطول عليكم .....

أنا قبل فترة كتبت موضوع اشكي فيه من بشرتي لأنها كانت شاحبة نوعاً ما وذابلة
وفوق هذا المسامات اللي في جوانب خشمي كانت مززززعجتني
المهم قمت أخلط من هالأقنعة واحط على وجهي عساه يتسنع
ألييين جا يوم وأنا قاعدة أقرا بكتاب عن العناية بالبشرة والشعر وغيرة

قريت خلطة سههههلة ولا تكلف شي وتصلح للعجازات أمثالي وهي لشباب الوجة وحيويته
سويتها وصرت أحطها يومياً وتقريباً بعد أسبوع أو أقل لاحظت فرررررررق

وشهو هالفرق .......؟؟
لاحظت أن بشرتي شدت وصارت صافية وأنا الحمدلله لوني أبيض بس حسيت بياضي صار أصفى من أول
وأهمممممم شي المسامات اللي قاهرتني شبه مختفية والله الحمد وصار هالقناع ما أخليه يومياً تقريبا أحطة أو يوم ورا يوم ...

وطبعاً بعد هالهذرة أكيد تبون تعرفون الخلطة وشهي ...

بقولها لكم في الهذرة الجاية .. باي
































لا والله أمممممزح ماحب هالحركات اللي ترفع الضغط

هاتي خيارتين .. قشريها وأبشريها (( حطيها في خلاط البصل أفضل ))
بعدين نقعي هاخيار في نصف كوب لبن (( أي نوع ))
وخليها منقوعة لمدة ثلاث ساعات وبعدين صفي اللبن وحطية في أي علبة أو زجاجة
عندك وأحفظيه في الثلاجة ويوميا حطي منه على وجهك ورقبتك
وخليه لمن ينشف مرة وغسلية عادي بالموية و بعدين غسلي بمويه باااردة أفضل للوجة وللمسام ولدورة الدموية بعد ....

وأن شاااااء الله راح تلاحظين النتايج اللي تفرح بعد أسبوع مع المواظبة يومياً ...

على فكرة لمن كنت أحط هالقناع كنت مسافرة عند هلي وزوجي مو معاي ولمن شافني يقول أحس فيك شي متغير بوجهك ((( قصده محلوة بس مايبي يحرجني هههههههههههههههههههههه ))))
والله من جد يابنات حتى حسيت أخدودي صارت مشدودة ومنفوخة شوووي
يااااكثر الهذرتي ... بااي


أنتظر ردوووودكم ياحلوات ....... :)