عميقة جداً :

أختي فتاة بنكهة الفراولة ..سجلت في المنتدى عشان أكتب قصة خطبتي وملكتي وفرحتي 6 شهور الى أن رفعت قضية خلع عليه قبل الزواج..وكيف صارت معي الامور وكيف الظلم ..تحملت بس خوف على أبوي الي عنده سعادتنا بالدنيا وكنت أكتم حزني والظلم وسوء المعامله بقلبي وادعي ياارب..لكن بالنهاية ماقدرت أكمل ولا أتحمل وقررت أنفصل عنه ..هو رفض الطلاق وبينت نذالته صار يطلب حق المكالمات وحق الكنافة الي جابها يوم الملكة للضيوف و و و أشياء لا الشرع ولا الدين ..رغم اني تنازلت عن المهر كامل ..ولم رفض نزلت المحكمة ورفعت قضية خلع عليه ..وبعد عشرين يوم بينتهي الموضوع بإذن الله ..الحمد لله رب العالمين.. أختي فتاة بنكخة الفراولة ..لاتزعلي صحيح الوضع صعب ..صحيح أنتي مثلي ومثل كثير بنات جهزتي ورتبتي أغراضك وبديتي تحلمي بحياة جديدة وأطفال ..لكن اذا كان الانسان الي كان ممكن تكملي معه سيئ بفترة الخطبة ومايحترمك فلا تتوقعي منه خير بعد الزواج ..لانه الخلوق خلوق ..المحترم محترم ..قبل وبعد ..أنا الان عايشه بمرحلة عدم تصديق أحس إنه كل الي صارلي حلم ..وأنه مو أنا الي مريت بهالظلم ولا أنا الي نزلت على المحكمه 4 مرات عشان القضية ومو أنا الي جهزت ورتبت أغراضي بالشنت مو أنا الي كنت بتزوج الشهر الجاي ..كأن وحده ثانيه ..لكن عندي ثقة كبيرة بالله ..لأني انظلمت منه ..انا كنت راح اكتب قصتي كامله لكن ترددت لكن إذا كنتني حابه انه تسمعيها يمكن تخفف عنك انه في اشياء يمكن ماصارتلك تحمدي الله أنه حالك أهون ..شوفي الله مع المظلوم ..لاتخافي من تأخر نصيبك ..ترى الله ماحرمك إلا ليعطيكي ولو بعد حين ..اصبري وادعي واستغفري وقولي بكل سجود "اللهم أجرني في مصيبتي واخلف لي خيرا منها يارب عاجلا غير اجل" ..دعواتك لي معك ديمة

أختي فتاة بنكهة الفراولة ..سجلت في المنتدى عشان أكتب قصة خطبتي وملكتي وفرحتي 6 شهور الى أن رفعت...

المصباح الوردي :

هلا حبيبتي ردا على اسألتك اول مره انخطبت فيها كان فيه الصفات الي اتمناها ظاهريا وبعد ماتعرفت عليه طلع شكاك غيور ماعنده اي طموح راعي بنات بس الحق ينقال كان كذا قبل ما يخطبي بس كان شكاك وحسيت هو متعقد من البنات من تجاربه وياهم استخرت وقررت انفصل ليش اتم ويا واحد ما خلا بنت ويوم خلصوا منه اخذه؟ وفوق هذا كان يقولي يوم نتزوج ما اريدج تمسكين موبايلي ابد شو معناته؟ هذا بدايته خخخخ غبي كشف نفسه الثاني كان وايد زين وياي بس اهله السبب طمعهم يبون ابوي يسوي كل شي في العرس بسألج هو الحين خلصو الريايل ؟ وين الريال الي يشتري البنت ؟يحبها ويكون قد المسؤوليه بس والله مع الانفصالين صح اني مب غلطانه بس احيانا افكر واقول يمكن الله يعاقبني اني رفضت اثنين يمكن كنت لازم استحمل يعني اقول يمكن تأخر زواجي انا السبب فيه مثل مايقول المقال ويمكن هذا كله يكون من الشيطان يحبطني ادعيلي الله يعوضني بالي احسن عنهم وفيه كل الصفات الي اريدها يارب وانتي ماقلتيلنا قصتج؟

هلا حبيبتي ردا على اسألتك اول مره انخطبت فيها كان فيه الصفات الي اتمناها ظاهريا وبعد ماتعرفت...