عبير الورد * :

انا تاخرت بالزواج لين جا الرجل المناسب براي اهلي طبعا وافقت بس انا كنت خاااايفة لانه مو معروف عندنا يعني غريب عنا كنت بحااالت خووووووف لان ما اعرف ولا واحد من العايلة المهم ملكت وبيوم الملكة سولف معي زكان فيه اشياء يقولها ما اعجبتني حسيت انه يفكر بالفلوس بس قلت في نفسي يمكن مرتبك مثلي ومو عارف ايش يقول وخلال المكالمات كنت حاسه انه فيه شيء مو طبيعي فيه بس للاسف كنت اقول هذي وسوسه الشيطان وان شاء الله بيتعدل وراح انا اعدله >>>>مرة واثقة بقدرتي المهم تزوجت وتم الزواج ولكن ؟؟؟؟؟ يوم دخلنا الفندق اقتلب حاله اصابه سحر >>الله اعلم من سواه وتغير من ناحيتي ما يطلع فيني تخيلوا ما قال لي اي كلمة حلوة ولا طالع في وجهي من اساسه ومن بكره حسيت انه وده يبعد عني يتحجج انه بيطلع برت الغرفة علشان يدخن بس انا ما كنت مرتاحه للوضع احس انه فيه شيء غير طبيعي وبعدين سافرنا ولما وصلنا هناك تعدل شوي صار على الاقل يتكلم معي بس كأن اللي يكلمه رجال مو زوجته يعين يجيب سواليف عاديه مثل اللي يسولفها على الرجال عن النسب والمواقف الرجوليه له >>> فهمتوا وبعدها بخمس ايام صدمني وقال بنرجع لديرتنا وكان الخبر مثل الصاعقة علي ويم رجعنا تركني ببيت اهلي وما ادري وين راح لين اهله كلموا وهزأوه وجا اخذني وقال لي انا ما ادري ايش فيني انا مو عارف ايش اللي يصير فيني انا كنت مقتنع فيك ميه بالمية وان شاء الله بقرا عند شيخ وتفائلت وصبرت وصبرت وشفت ايام تعيسه جدا جدا عايشة معها بنفس البيت وكاننا اغراب عن بعض هو بغرفة المجلس ينام وانا بغرفة النوم حاولت اتقرب له بكل الوسائل بس ما فيه فايده المشايخ يطلبون منه انه يداوم على الرقيه بس هم ما جاب خبر يتهرب وبعدها ببضع شهور تركته وطلبت الطلاق حفاظا على كرامتي >> لتيني طلبت الطلاق من اول يوم بالملكة ولا صار اللي صار لي والله يعوضني باحسن منه ياااارب بتقولون هذا تجمع المفسوخه خطبتها او مطلقة من الملكة ؟ انا مثلكم بالضبط بس الفرق ان حفلت الزواج هي اللي تمت فقط وغيره لا ادعولي يا بنات ان الله يعوضني بالافضل منه ويجبر كسري نفسي مكسووووووووووووورررررررررررررررره انحرقت فرحتي:44: تكفون كل من قرت ردي تدعي لي يمكن فيه منكم تستجاب دعواتها

انا تاخرت بالزواج لين جا الرجل المناسب براي اهلي طبعا وافقت بس انا كنت خاااايفة لانه مو معروف...

فله واحلى طله :

الله يسخرلي ولكم وجميع بنات المسلمين قولوااميييييييييييييييييييييييييييييين تامهم ياخواتي ...لاتيئسو من رحمة الله انا انخطبت والله العظيم وانا عمري 17سنة وتخيلوا.ست سنوات مخطوبة وبعدين فسخت الخطوبة وسنين ماجاني النصيب والان صارلي 3سنوات مخطوبة وصار عمري 32سنة وانا لسى ماتزوجت ومع ذلك عندي امل في الله الا ماتفرج واتزوج ادعولي ياخواتي ربي يسهل لي

الله يسخرلي ولكم وجميع بنات المسلمين قولوااميييييييييييييييييييييييييييييين تامهم ياخواتي...

سمو إحساس :

حبيت اشارككم وافرح قلوبكم انا انخطبت 4 مرات وتصير شوفه ويجونا اهله وفراحنين واجهز مابقي الا نحدد الملكه ويتم كل شي وفجأة في لمح البصر كل شي يتفركش مرات من اهلي ومرات منهم .. لدرجة خلاص يأست وانهرت مو لاني مصروعه ع الزواج بس لان هالمواضيع تلعب في حسبت الوحده وتغير تفكيرها وتطير بحلم وردي ؟؟؟؟؟؟؟؟ وتصحي منه وغير الناس اللي كلامهم مايرحم كنت اصحي الليل وادعي ربي وابكي وادعي وادعي واحيان استسلم وارجع اشد الهمة والحمدلله ماشاء الله تبارك الله رزقني ربي رجال قمة والله العظيم يابنات ان حظي احسن من البنات اللي تزوجو ع طول انسان كبير وفاهم وعاقل وغير ان فترة تأخر الزواج خلتني اصير قريبه من الله وصار عقلي اكبر واوزن الامور بطريقه احسن يااارب لك الحمد والشكر الله يرزقكم بالرجال الصالحين الحنونين اللي مايشوفون بالدنيا غيركم الله يفرح قلوبكم ها الشهر واشوفكم بقسم العرايس ---- قولو آآآآآآآآآآآآآآآآآآآآآآآآآآآآآآمين

حبيت اشارككم وافرح قلوبكم انا انخطبت 4 مرات وتصير شوفه ويجونا اهله وفراحنين واجهز مابقي الا...

عميقة جداً :

أختي فتاة بنكهة الفراولة ..سجلت في المنتدى عشان أكتب قصة خطبتي وملكتي وفرحتي 6 شهور الى أن رفعت قضية خلع عليه قبل الزواج..وكيف صارت معي الامور وكيف الظلم ..تحملت بس خوف على أبوي الي عنده سعادتنا بالدنيا وكنت أكتم حزني والظلم وسوء المعامله بقلبي وادعي ياارب..لكن بالنهاية ماقدرت أكمل ولا أتحمل وقررت أنفصل عنه ..هو رفض الطلاق وبينت نذالته صار يطلب حق المكالمات وحق الكنافة الي جابها يوم الملكة للضيوف و و و أشياء لا الشرع ولا الدين ..رغم اني تنازلت عن المهر كامل ..ولم رفض نزلت المحكمة ورفعت قضية خلع عليه ..وبعد عشرين يوم بينتهي الموضوع بإذن الله ..الحمد لله رب العالمين.. أختي فتاة بنكخة الفراولة ..لاتزعلي صحيح الوضع صعب ..صحيح أنتي مثلي ومثل كثير بنات جهزتي ورتبتي أغراضك وبديتي تحلمي بحياة جديدة وأطفال ..لكن اذا كان الانسان الي كان ممكن تكملي معه سيئ بفترة الخطبة ومايحترمك فلا تتوقعي منه خير بعد الزواج ..لانه الخلوق خلوق ..المحترم محترم ..قبل وبعد ..أنا الان عايشه بمرحلة عدم تصديق أحس إنه كل الي صارلي حلم ..وأنه مو أنا الي مريت بهالظلم ولا أنا الي نزلت على المحكمه 4 مرات عشان القضية ومو أنا الي جهزت ورتبت أغراضي بالشنت مو أنا الي كنت بتزوج الشهر الجاي ..كأن وحده ثانيه ..لكن عندي ثقة كبيرة بالله ..لأني انظلمت منه ..انا كنت راح اكتب قصتي كامله لكن ترددت لكن إذا كنتني حابه انه تسمعيها يمكن تخفف عنك انه في اشياء يمكن ماصارتلك تحمدي الله أنه حالك أهون ..شوفي الله مع المظلوم ..لاتخافي من تأخر نصيبك ..ترى الله ماحرمك إلا ليعطيكي ولو بعد حين ..اصبري وادعي واستغفري وقولي بكل سجود "اللهم أجرني في مصيبتي واخلف لي خيرا منها يارب عاجلا غير اجل" ..دعواتك لي معك ديمة

أختي فتاة بنكهة الفراولة ..سجلت في المنتدى عشان أكتب قصة خطبتي وملكتي وفرحتي 6 شهور الى أن رفعت...