معليش حبيبتي ياليت تسامحيني على التأخير
جدا جدا اسفة
وهذي الليالي الرومانسية ... الله يجعل أيامكم كلها رومانسية في رومانسية وانا معااااااكم :D

رومانسيات............. الليالي الرومانسية

الموضوع: الليلة الصينية





الليلة الصينية

---------

سويت ليلتي الصينية....لاتفوتكم!!!

السلام عليكم يا أحلى صبايا...في كل النت

أخيرا سويت الليلة الصينية وكانت اصداءها رائعة اكثر مما كنت اتوقع

واليكم التفاصيل:

انا من فترة وانا قاعدة اخطط ليوم صيني حتى في التفاصيل الصغيرة يعني من ناحية الاكل واللبس والمكياج والديكور والكلام>>>بس مو كله يعني طراطيش تحلي القعدة واهم شي تكون مفردات رومانسية

1-الاكل..... طبخات (شوربة الروبيان+الرز الصيني بالربيان والخضار) وصراحة كان الاكل لذييييذ.

2- اللبس....اشتريت لبس صيني مخصوص للحفلة اللي يجي ثوب طويل ومفتوح الجنبين وبرقبة وكمه قصير وعليه نقوش على اشكال تنين ...لونه اسود والنقوش ذهبي على احمر على اخضر بس كــــــــان تــــــــــــــــــــــــــحفة !!!!! وهذا موضة الحين في محلات الجلابيات وفي منه الوااااان

3- المكياج ....استفدت صراحة كثيير النت وعملت ظل الفراشة لون اسود سادة وكان مضبوط بنسبة90%...والروج احمر لامع حق الصينيين

4- الشعر.......هذا اللي حيرني فعلا ..شعري ناعم ومموج للكتف فلو بسوي تسريحة صينية لازم ارفعه كله لفوق وادخل عيدان الشوي ديكور للتسريحة بس حسيت ان منظري ماراح يطلع تمام لانه ما يناسبني الرفع فقلت بخليه مموج وطايح على كتفي عشان تبان الخصل الملونة اللي فيه وطلع احلى بمليون مرة مع ان الرفعة كانت بتكمل الديكور بس معليش كله الا شكلي

5-المكان والديكور....صراحة ما سويت ديكور معين لكن بقولكم اش اللي حصل..لحسن الحظ ان تونا كنا مغيرين سيراميك المجلس والكنب كان برا لسه ما رجعناه قمت واخذت كمية شموع حقت الفواحة ووزعتها بشكل عشوائي على الارض وجبت ابجورة طويلة وشغلتها وسحبت طاولة الاكل الخشب اللي في مطبخي وحطيتها في الوسط مع الكراسي وحولت المجلس لمطعم هذا غير الاوراق المرمية على الطاولة وعليها عبارات وحروف صينية طبعتها من الكمبيوتر وعندي من اول لوحتين صغار عليهم حروف صينية جوني هدية من تايلند و استعنت فيهم............

وبكذا نكون غطينا الاجواء خلونا نشوف ردة الفعل....

اول شي قلت ان جارتي جاية عندي يعني وحطيت مفتاحي في باب الشقة الاساسي عشان يضطر تاج راسي لما يجي انه يدخل من المجلس على الجو مباشرة بس يافرحة ماتمت فتح الباب الرئيسي لما جا مع اني حاطة المفتاح واول ماشافني صار كذا وبعدين كذا

وامرته يدخل على مطعمي مباشرة لاني كنت مجهزة هدية على السرير وما ابغاه يشوفها وهي عبارة عن طقم بجامة مع الروب والشبشب تبعها

وقدمت العشا على طول وهو في قمة الذهول والفرح والجووع





إشراقة :قال النبي r (مامن عبد يصوم يوما في سبيل الله إلا باعد الله بذلك اليوم وجهه من النار سبعينا خريفا))

رومانسيات............. الليالي الرومانسية

الموضوع: الليله بلون البحر






الليله بلون البحر



ويعني لازم تدخل فيه ريحة البحر

الريحه فيه عطر مركز ورووعه من زهور الريف اسمه سي شور

هالمره لازم ندخل الحمام اعزكم الله

الحمام نظيف وحاولي تطلعين الاشياء اللي ما لها لزمه خصوصا في هالليله

تعالوا نرتب الحمام اولا

حاولي تفرشين الارضيه بشئ ازرق قطع قماش شيفون

البانيو عبيه بما ساخن قبل ما يجي الزوج بساعد وضعي رغاوي حمام بشرط تكون زرقاء

اقلكم سر بس لاتضحكون علي

تعرفون رغوة الحمام حق الصغار انا ناويه استخدمها حلوه موكذا هههه

ضعي بعض قطرات من العطر المركز علشان تزداد الريحه

حضري سله فيها اصداف وانثري بعض الاصداف على حافة البانيو

واختاري اماكن في الحمام

وسله اخرى فيها زيت بعد الحمام مع اضافة قطرات من العطر نفسه على الزيت يطلع روووعه

وفرشة التدليك في السله

الفواحه في طرف الحمام

اذا كان ممكن رسم خطوط مائيه بقلم سبورة ازرق على الجدران بعد ما تتأكدي من مسحه يكون شئ حلو

انا معاي شموع مخبيته لهالليله زرقاء فيها نجوم حلوه

اضيئي الحمام بهالشموع

بس لازم بعد ما ياخذ الحمام زوجك نوري الحمام علشان يشوف حركاتك ههههه

جهزي شريط بصوت الامواج والشاطئ

تقريبا انتهينا من الحمام

نروح على الغرفة

شرشف السرير ازرق

لمبة الغرفه خليها زرقاء

ودخلي الفواحه للغرفه بعد الحمام مباشره

تاج السرير انثري فوقه شيفونات زرقاء



اما عن الملابس فما اقدر ادخل في التفصيل بس في ملابس خاصه بالبحر

بدل ما يشوفها الزوج المسافر

على نساء على شاطئ البحر خليه يشوفها فوقك انت.

اذا تريدين مشروب فما في مشكله بس انا اتمنى اعرف اسوي السلاش الازرق اللي ينباع دايما خصوصا لهالليله



وهذه طريقة أخرى لليلة البحرية:



(( تعتمد على اللون الأزرق أو السماااااوي ))
وهي
الليله البحريه


الادوات
1/ كرتون (( الوسيله )) + مقص + رش أزرق + قطن + نجوم اللي تضوي بالظلام + صمغ
(( تقصين الكرتون على شكل سحاب وتلصقين عليها القطن بشكل عشوائي بعدها ترشيه بالرش الأزرق بشكل مموج يعطيكِ شكل غيوم "سحـــابه " )) تعملي 4 قطع أو 5

2/ أسماك جاهزه البلاستيكيه تكون معلقه بخيط
مثل هذي الاشكال بس تكون معلقه


3/ ويحبذا يكون عندك حوض سمك الزينه كمان تحطيه في المكان المخصص لليله الرومانسيه وإذا ماعندك ممكن تسخدمين الشلال الزينه أكيد الأغلب يعرفها وهي لها أحجام في منها الكبير والصغير


4/ شريط رومانسي فيه صوت أمواج البحر ..

http://www.alsound.com

من هذا الموقع تلاقي أصوات مناسبة ورووعة


5/ أصداف وقواقع ومحار
6/ شموع زرقاء أو بيضاء أو شموع صغيره تطفو في كأس ماء


الان نجي للتنسيق العام للمكان
أولا الطاوله ... أفرشيها بفرش أزرق ويفضل يكون فرش مرسوم فيه بحر وطبيعه
بعدين تاخذين الاصداف والقواقع والمحار وتبثيها على الطاوله وكمان ورد مجفف
وفي شموع مثبته على محار تكون أحلى وتحطي الشموع على الطاوله

وكمان ماتنسي تتركِ مكان لوضع الأطباق ((الأكل)) اللي راح تعديها بنفسك

وبعد ماتنتهين من تصميم الغيوم علقيها على الحائط وكمان تعلقي النجوم المضيئه
والأسماك تكون متدليه من السقف وبإتجاه الطاوله بس مو تكون نازله مررررره يعني تكون على طول مناسب بعيد عن مستوى النظر
وجهزي الشريط اللي فيه صوت أمواج البحر وكمان عصافير وطيور
وكمان ماتنسي تفرشي السرير بمفرش بحري أو أزرق إذا ماعندك


ننطلق الان للمطبخ
(( أطبخي أطباق بحريه مثل الجمبري وأسماك يعني أطباق يدخل فيها اللحوم البحريه ))
وبعد ماتنتهي نسقي الطبق وحطيه على الطاوله المجهزه


الان جاء دورك أنتِ لبسي لبس أنيق يكون بنفس لون التنسيق وميك أب هاااااادئ
وجهزي البانيو

وأكتبي كرت عند واجهة الباب الرئيسي
لما يدخل يكون عند ناظر زوجك
مكتوب فيها دعوه

(( أدعوك ياحبيبي لقضاء نزهه على شاطئ البحر ))
وتكون كروت صغيره معلقه كدليل لمكان النزهه موزعه من باب الدخول الى مكان

المخصص لليله الرومانسيه






إشراقة :قال النبي r ((من قال:سبحان الله وبحمده في يوم مائة مرة حطت خطاياه وإن كانت مثل زبد البحر))

رومانسيات............. الليالي الرومانسية

الموضوع: أميرة الثلج



أميرة الثلج



حركه جنااااااااااااااااااان بتطير عقل زوجك وبتخليه يهاذي باليله وعمره مابينساها

حركه جناااااااااااان وبتشوفون نتايجها حتا على الازواج الي من النوع الصااااااااامت



نبدا الحركه اسمها لعبة اميرة الثلج ((سنوايد))

المطلوووووووووووووووووب :



1- قميص نوم ابيض او حتا بيج (( جديييييييييد طبعا)) يفضل يكون ساده بدون الوان ثانيه وخالع

2- شبشب ابيض بالريش

3- ورد طبيعي ابيض واحمر وكثري من الابيض بتحتاجينه كثيييييير

4- حبات كرستال الي تلزق بالجسم وملمع قوي للجسم في انواع شي بلون ذهبي وشي بالفضي

خذي الفضي او الشفاف حتا يعطيك بياض مع المعه

5- حبات الولو الاصطناعي (من محلات الخياطه وانتي نازله تشتري القميص مري على محل خياطه

مو عذر) او حتا عقد قديم تلاقينه في محلات ابو ريالين لولو ابيض قطعيه وتصير عندك حبات اللولو

5- كرتونه بيضا وكرتونه حمراء مع قلم خط احمر

6- فواحه بريحه عطر هاديه مع شمع ابيض



نبدا الحرررررررررررررررررركه:



طبعا بالبدايه تقطعي اللوحه البيضاء على شكل اسهم وتحطي طبقتين اللي فوق ابيض وتحتها

احمر خلفيه له حتا يطلع شكله وتعملي احجام مختلفه وتلزقيها بالارض من مدخل البيت الا غرفت النوم ..............



على الباب حطي لوحه بيضه على شكل قلب كبييييييييير جدا واكتبي بالاحمر او بالكمبيوتر اميرت الثلج سنوايد حزينه جدا لتسعدها افتح الظرف الموجود واتبع التعليمات حتا تفوز بقلبها الابيض...

طبعا بتكوني لازقه بنفس اللوحه ظرف انتي اعمليه من الكرتون الاحمر وداخله كرت ابيض واكتبي التالي:







اميرت الثلج في غيبوبه كبيره اثقلها كاهل الزمان فلم تجد من ينقذها هل انت مستعد لحمايتها والفوز بها اتبع التالي:

1- افتح باب الغرفه سوف تجد اميرت الثلج ممدده على .... اذا كان عندك كنبه او كرسي بالغرفه اللي موجود.

2 اقترب منها بهدوء وقبل جبينها.

3- امسك يدها بحنان ثم قبلها واذكر لها هل انت تحبها وكم هي جميله بعينك.

4 احملها بين ذراعيك وضعها على الفراش.

5- حاول تخرجها من غيبوبتها بطريقتك الخاصه .

.............................. .............................



طبعا الفرفه بتكون الفواحه تشتغل الشموع باركان الفرفه بس بدون نور تقطيعي الورد وبتنشريه

على ارضية الغرفه الاحمر والابيض وحولك كثري الابيض كنه مغطيك واحمر قليل وانثري حبات اللولو

حولك بعد وعلى شعرك كنها ناشره على جسمك وعلى الفراش كثير الورد الابيض وقليل من الاحمر

وانثري اللولو على الفراش........................ ...



طبعا بتكونين انتي كاشخه ولابسه القميص الابيض وتارسه نفسك بالكرستال الازق على الصدر

والرقبه وكثري الملمع بالمنطقه هذي وعلى الساقين والافخاذ حتا لما يشوفك تلمعي من كل مكان بيطير عقله ومايقدر يقاااااوم

وتتمددين بدون حركه على الكنبه او حتا على الارض بشكل مغري جدا وكانك نايمه بدلع

واذا صحاك اعملي نفسك كنك فعلا كنتي بغيبوبه وصحيتي عليه واحضنيه بدلع وانتو

عارفين وش الباقي ليييييييييييييييييله سعيده يا اميراااااات ...........



إشراقة :قال النبي r (أقرب ما يكون العبد من ربه وهو ساجد فأكثر الدعاء)

رومانسيات............. الليالي الرومانسية

الموضوع: جو كشميري أو هندي






جو كشميري أو هندي



الفكره اليوم خلونا نسويها جو كشميري أو هندي حاولا تيبون الالوان

الحلوه اللي مايله على البنفسجي الغامق ومشتقاته... هاااااااااااه

شرايكم في اللون أكيد حلو معايه انتوا ولا لا....



هاتي أي قطعة قماش عندج ماتبيها تكون طويله قد ستارق الغرفه أو إذا عندج شيفون

ستاير قديم ما تبينه ولا تور ولا أي شي المهم هاتيه وأحلى شي إذا كان

شفاف بس إذا تبين غليظ ومش متوفر عندج اي شي حطي اللي تقدرين عليه...

بعدين الله يسلمكم روحوا على زاويه في الغرفه وقيسي من الزاويه الأولى مسافة

مترين أو متر ونص ونفس الشي من الجدار الثاني وحطي علاقة

من اللي نحطهم لتعليق اللوازم الحين صار عندج على كل جدار علاقه

يالله حبيبتي شدي حيلج ودخلي خيطك صوف أو أي خيط قوي في القماش

اللي جبتيه يعني المهم يكن فيه خيط على طووووووووول قطعة القماش و

بعدين علقي طرف الخيط على العلاقه الاولى والطرف الآخر على العلاقه

الثانيه الحين يعني صار عندج مكان خااااااااااص بيكون على شكل مثلث يعني

القماش من سوى حاجز خاص فاااااااااهمين...

الحين عاد خلونا نتفنن فيما وراء القماش يعني على الجدارين الصغار اللي

داخل... إذا حسيتوا المكان صغير كبروه وإذا ماتبونه مثلث الشكل

سووه مربع أو مستصيل والطريقه انج تنزلين خيطين من السقف من كل صوب

وتمدينهم لين نصف جدار الغرفه وتعلقين القماش على الخيطين بحيث تسوين

شكل مربع إذا مافهمتوا خبروني..... والأماكن اللي تنباع فيها الأشياء الرخيصه بتحصلون هذا الخرز

اللي على شكل ستاير ان شا الله عرفتوه فيه واااااااايد ألوان والله حلو لو تاخذون

منه وتكونون فيه الجدار على شكل مربع بس نزليله خيطين طول من

السقف وبيصير رووووووووعه يمكن تحسون الحركه كبيره بس ماعليه سويها حق يوم له ذكرى خاصه وهكذا......

يا الله وايد اتكلم ...خلونا في المفيد..الحين بنسق الجدار اللي داخل بنحتاج

جلاااااااااد بنفسجي بنفي اللون او اللي تحبينه ... قلم ذهبي...مرايات

صغيره بتلقونهم عند محلات الاكسسوارات يكون حجمهم 1سم في 1 سم...وفيه

مرايات الهنود اللي يحطونها في ملابسهم اللي يكون حواليها لون

بتحصلونها حلوه بعد ... ونحتاااااج وسادتين كشميريات ... وإذا تبين

ورد او اي شي وفيه بعد حاجات صغيره تلمع عند محلات الاكسسوارات

تكون على شكل ورقة شجر هو يستخدمونه حق الملابس نفس

الفولك .... وهاتي لج شوية شموع وسوي أكله فناااااانه من إيدج الحلوه...



الحين هاتي الجلاد ولزقيه بالعرض من الجدار للجدار يعني حاولي تغطين

الجدار الخاص كله ...والحين هاتي الثلم الذهبي وارسمي على شكل حلزونات

يعني تعرفون هذي الأششكال المروه المتفرعه تراها وايد حلوه

أتمنى فهمتنوي لا تقولون مانعرف نرسم تراه سههههههههههههههههل

وإذا ماترومين أو ما عرفتي كتبي أبيات شعر أو كلمات حلوه

وهالسوالف...بعدين ابدي وزعي المرايات بشكل عشوائي والأشياء

الصغيره اللي نفس الفولك وأذا حبيتي تحطين ورود صناعيه صغار

منتثره بيكون واااااايد حلو...وزعي أي شي تشوفينه حلو ومش شرط تتقيدين

بالجلاد إذا ماتبين لا تحطينه أنا أحطلكم كل الخيارات عشان تستفيدون...

والحين هاتي طاوله صغيره وكرسيين او اي شي تحبين تحطينه

وتاكلون عليه حتى لو على الأرض لو سويتي قعده بالمخدات

المهم اللي تقدرين عليه وحطيلج شمعتين حق الإضاءه وشوفي كيف رهيبه

مع المرايات بتكون فنااااااااااااانه إن شا الله بتعيبكم وانتوا زيدوا اللي تبونه ... بس

تخايلوا معايه لو حطينا ستاير الخرز هيه مش خرز الرخيص تراه بلاستيك

بس فنان يعني يفي بالغرض تخايلوا هالجو صدقوني بيكون

حللللللللللللللللللللللللللللل للللللللللو وبيدخل وهو مستانس واللي يبونها مفاجاه قويييييه

لا يحطون قماش شفاف خلوه غليظ عشان يوم يدخل المكان ما يصدق عمره....










إشراقة :قال النبي e ((من قال:رضيت بالله ربا وبالإسلام دينا وبمحمد نبيا وجبت له الجنة))

رومانسيات............. الليالي الرومانسية

الموضوع: حركة رومنيسة ما توقعها زوجي






حركة رومنيسة ما توقعها زوجي



حبيباتي اليوم جايبة لكم حركة رومنسية روعة سويتها لزوجي وعجبته

وفرح واستانس منها وايد بس يفضل ان الزوج يكون بيتوتي انه ولله الحمد

زوجي بيتوتي يعني طلعاته برا البيت قليلة وصار له فترة ما طلع مع

ربعه وفي هذاك اليوم قرر يطلع مع صديقه يتعشى برا قلت انه هذي فرصتي

للافكارالجهنمية نيمت عيالي مبجر وبعدين نطرت الخدامة تنام

وبعدين بديت الشغل استحميت وتعطرت وجهزت قميص نوم يوم

زواجي بس كان ضيق علي فلبسته مرة وحدة عند زواجي والحين

بعد ما ضعفت صار تمام وشوي واسع بس كان روعة وحطيت مكياج

خفيف ملمع شفاة وبلاشر وماسكرا يعني كانه طبيعي وجهزت

طاولة وحطيت عليها شموع وكاستين عصير طبعا كاسات تبع

الرومنسية مو كاسات عادية وبخرت الشقة وعطرتها واتصلت

عليه وقلت له ها متى راح ترجع قال لي انه راجع قلت له ابي

انام عشان ما يشك بالموضوع وشعلت الشموع وطفيت النور

وقعدت انتظره وحسيت ان الشمعة ساحت خفت اتخلص قبل ما

يوصل وطفيتها جان ادق عليه مرة ثانية واساله قال لي قريب جان

اقوم واولع الشمع مرة ثانية وانطر والشمعة رايحة طول 10 دقليق

وما وصل جان اطفي الشمعة وادق عليه مرة ثالثة قلت له انه

بروح الغرفة انام <<< الاخت تهدد جان يقول كنت اصب بانزين

بالسيارة وانه الحين قريب عند البيت لا تنامين نطريني جان اركض

واولع الشمعة (ياعيني على هالشمعة يامطفية ويامولعة حتى

كبريتنا خلص)خخخخ وطبعا ما رحت الغرفة بس كنت ابيه يرجع

بسرعه واول ما فتح الباب ما توقع اني مسويه كل هذا وعجبته

الفكرة حيل وبعدها قعدنا نشوف فلم في اجواء رومنسية وبعدها

بسكم عاد عن اللقافة الى هني والموضوع خلص شرايكم بالفكرة

بسيطة بس ما كانت متوقعة لاني من فترة ما سويت

له حركات وكانت هذي الحركة روعة جربوها






إشراقة :قال النبي r ((من قال إذا خرج من بيته:بسم الله توكلت على الله ولا حول ولا قوة إلا بالله يقال له:كفيت ووفيت وتنحى عنه الشيطان))