للبنات اللي اعرسوا في الصيفية ومابعدها...عدنااا

اهليــــــــــــــــــــــــن بنوتات

اقصد حريم

وش اخباركم؟؟وش الدنيا بكم؟؟


والله اشتقت لكم؟؟؟


ماتتصورون وش كثر فرحت لما رجعت لموضوع عشوقة (دعوة بنوتات اللي زواجها اول الاجازة)ولقيت رد روز كوين ومرسى الامل يسألون عن بقية البنات

مرة فرحت....

وقعدت ارجع لاخر صفحات ماشفتها....من بعد عرسي...وكل ما اشوف وحدة اتذكرها وافرح واروح اشوف اخر مشاركة لها...وهل رجعت والا لا؟؟؟

<<<<قمة الفضاوة

لقيت الغالبية رجعوا...انا تقريبا متأخرة عنكم اخر وحدة رجعت...بس لاحظت ان اكثر البنات رجعوا بشهر 12 يعني من شهرين فقط...يعني رجعتي مو متأخرة مرة

اول شيء لاترتاعون من فضوتي....المفاجئة....لان زوجي مسافر عمل..وانا في قمة الفضاوة...وماعندي نت في بيتي..لان اصلا مافي تلفون ..كله من راعي العمارة...قاهرنا....

ماعلينا...

اذا جيت بيت اهلي مايمديني ادخل نت...يالله اقعد مع اميمتي واخواتي او اكلم صديقاتي واذا فضيت مرة اشوف ايميلي فقط

بس هالمرة ..غير ..انا تفضيت

اخباركم ؟؟؟وش اخبار العرس؟؟؟كيف الزواج؟؟؟كيف الزوج؟؟؟كيف مر يوم العرس؟؟وشهر العسل؟؟ان شاء الله تمام؟؟

من البنات اللي مرت اساميهم علي ورجعت اشوف وش الدنيا بهم من خلال مشاركاتهم....

ناني وعشوقة وذهب ابيض rose queenوشهاليل وعذبه انت ورند والشاحبة وقطن وق ص ي (صار اسمها عزتي في ديني) و laylak و ندى الورد و مرسى الامل وغيرهم كثير

اولا:الف االف مبروك :icon28: على الحمل وهذا لناني وذهب ابيض وشهاليل وlaylak
وعقبال الباقي يارب....
وعقبالي :27:

ثانيا:فرحت برجعتي لكم..وفرحت اني لقيتكم..وفرحت اننا بدينا نجتمع مرة ثانية...

ثالثا:يوه ماتتصورون وش كثر تأثرت...ياسرع الايام...من اعمارنا...الله يمدنا بالصحة والعافية على طاعته...

كنا نسأل عن احسن كوشة واحسن مسكة...عن ليلة الدخلة وعن الصباحية

عن العرس والتجهيز

كانت اعصابنا متوترة...كنا ننهار مع العد التنازلي

اللي تبلدت واللي تحس انها بغيبوبة واللي تطامر عساها تلحق تجهز

اذكر رد لذهب ابيض مانسيته(كانت تقول بقى 70 يوم على العرس ...بودع اهلي..بيتنا..غرفتي..بصير حرمة وافقد لقب انسة واسوي عزيمة )

ياحليك..الا عندي سؤال؟؟سويتي عزايم؟؟ :D

والله دنيا ..والحين اشوف مشاركاتك...مكرونة ورز وتنظيف ثلاجة وحمل ووحم

وناني سواليفها صارت سونار ووحم ياحليلك ياناني

وعشوقة تسأل عن حبوب منع الحمل...الله يالدنيا

وrose queenعن سفرتها لماليزيا ورز المهيدب :D

وlaylak اللي تبي اسماء للبنات

شفتي وشلون؟؟؟بنصير امهات ان شاء الله

وندى الورد وعذبة انت

ياحليلكم بنات

من جد لكم وحشة...

عموما حبيت اسلم عليكم واجمعكم...وكل وحدة تطمنا عليها...

وكيف شافت الزواج؟؟نفس اللي تخيلته؟؟؟

كيف شافت التعامل مع الزوج نفس النظري والكتب؟؟؟

كيف شافت الاجتماعيات والعزايم والحمولة؟؟؟

كيف شافت المسؤلية والبيت والطبخ وغيره؟؟

حتى لو كانت متعودة على المسؤلية والطبخ والعزايم ..كيف شافتهم بعد العرس؟؟؟

خلصتوا دراستكم؟؟توظفتوا؟؟في البيت؟؟

كيف مشاعرها يوم ودعت اهلها وسافرت؟؟؟ويوم رجعت؟؟؟ويوم عرفت انها حامل؟؟؟ويوم جربت مراحل الحمل؟؟؟والجنين؟؟

كيف كان يوم الزواج؟؟؟كيف القاعة او البيت؟؟كيف التجهيزات؟؟؟هل صارت زي اللي تمنيتيه؟؟؟او احسن؟؟؟كيف الفستان والطرحة؟؟المكياج والشعر؟؟الزفة والشعور؟؟كيف الصباحية؟؟

يوه...مر على زواجي 8 شهور ياسرعها...

والله انا عن نفسي...في البداية كملت ماتبقى لي من الجامعة بعد زواجي ب4شهور وتخرجت والحمد لله..وماتوظفت....

ومااكذب عليكم احس اني اركض..كأني بخلاطة...لاني كنت دلوعة في بيت اهلي...ماتعودت على بيت وطبخ...كانت تجربة جديدة..وانقطعت حتى عن صديقاتي..كان يالله يمديني الوقت على البيت والزوج والاهتمام بنفسي والطلعات والعزايم(عاد حمولتي ياكثر عزايمهم:( )

من شهرين بس بديت اصحصح...واستعيد مامضى واكلم ذي واسلم على ذيك...واليوم وبقدرة قادر اكتب موضوع لكم


طمنوني عليكم

الله يوفقنا ويرزقنا الذرية الصالحة ويعافينا


:)