للبنات اللي مايصدقون بسالفة السحر بالأسواق هذي قصتي

كتبت الموضوع هذا للبنات اللي مايصدقون بسالفة السحر بالأسواق :25:

والله الذي لا اله الا هو ان هذه القصة حدثت لي شخصيا قبل تقريبا سبع سنوااات

ذهبت انا وأختي وأخي الى مركز كان توه فاتح وزحمة المهم لانه زحمه قلت لأخويه وأختي انتم روحوا مع بعض وانا مع ولدي صغير 8 سنوات تسوقت وبعد ماخلصت طلعت برا وجلست استنا اخوي وأختي يخلصوا

بعد حوالي ربع ساعة جت عندي عجوز اقسم بالله يابناااات ان عمره يمكن 75 سنه عجوز نحيفة وشكله يحزن فقالت لي يابنتي ممكن تدقين لي الرقم ابكلم بنتي انا مطلقة وزوجي حارمني منها وكلام كثير المهم انا رحمته وحزنت لحاله وأحال بنته فأخذت الرقم ( كنت ليابسة قفازات) ودقيت الرقم كان رقم منزل وما حد رد يمكن 4 مرات وانا أدق مارد أحد

بعدين اتصلت على اخوي اسأله وينهم فقالي انهم خلصوا بس يبغى يقرب السيارة لاني كنت حامل

المهم هي لنا شافت اني دقيت على اخوي وحست اني بروح قالت هيه انتي والله انك طيبه وبنت حلال وانا ابغا اقولك الصراحة هو ولدي ماهو بنتي والحريم ساحرينه ويطلعون السحر من عيونهم

انا هنا صراحة اقشعر جلدي وخلاص أبغى اقوم قالت تكفين ادعيله فقلت الله يسخره لك ويهديه

قالت لا لا قولي الله يخليه الك ويخليك اله ( وربي يابنات ان هذا اللي قالت ) فانا جا ببالي انه عجوز كبيرة بالسن واميه تحسب ان الدعاء هذا أحسن فقلته المرة الأولي عادي قالت إيه قوليه مرة ثانيه وانا اقوله مرة ثانيه فقامت تقول إيه وانا اردد وراها لا شعوري وهي تقول ايييه ايييه وتهز راسه

في هذه اللحظات كأني جاني دوااار تعرفون الوحدة لما يصير معااااها فقر دم وتقوم مؤ تحس الدنيا سودا وكأن صفير مع اذااانه وربي يابنات زي كذا وبعدين حسيت بقشعريرة فقمت زي المفزوعة وأستعيذ بالله من الشيطاااان الرجيم بصوت عالي وأقولها أعوذ بالله من الشيطان الرجيم كذا مرة والتفت على ولدى وأقوله والله تعال وامشي بسرعة وبربشه وبخوووف وانا استعيذ والتفت جهته والا كد اختفت بسرعه


المهم وألقى أختي وأخوي وانا ارجف من الخوف وأقولهم السالفة

المهم بعدين اسأل ولدي لانه كان بجنبي بس ما انتبه قال انتي وهي تسولفون وحاطه وجهها بوجهك يوم كانت تقرا وانا اردد وراها


المهم يابنات نسيت اقولكم اني كنت قارية أورادي ياربي لك الحمد والشكر

نسيت اقولكم ان السيكورتي كان قريب مننا وكان فيه حريم بجنبنا كثار بس ما انتبهوا للوضع
مايستفاااااااد:::::::::::::
الشي اللي بغيت أنبه عليه لا تستهينون بسالفة السحر بالأسواق وربي انه موجودة بس اهم شي الورد ودعاء الخروج

احيانا الانسان وده يقدم المساعدة والعون للآخرين بس الاشكاااال اللي زي كذاااا تخليييه يعيد حسااااباااته الف مرة

ترا شكلي كنت حامل ودبدوبه وعباتي على الرأس وما فيني شي يغري بس يمكن السحر بهدف السرقة

وسلامتكم