صباح الورد والياسمين
انا قبل فتره كتبت موضوع وكنت شارحه طريقة تزيين الطاوله بس
طلبتني الاخت النجاوي اشرح مره ثانيه طريقة تزيين الطاوله وحسيت انه مو بس هي مو فاهمه قلت اعيد لكم الشرح بالتفصيل من جديد .......
وهذا رابط الموضوع
http://forum.hawaaworld.com/showthread.php?t=349344&page=1&pp=15
____________
يالله نبد معكم
اقولكم والله لو عندي سكنر كان صورتها لكم :.:.
بس ابي اوصفها ان شالله اني بوصلها لمخيلتكم ...
انا طاولة مطبخي مربعه والقماش عندي مستطيل
طبعا زي ما قلت لك هم قطعتين حطيت وحده على جنب للكراسي وحده اختها استخدمها للطاوله ..
بسم الله نبدأ......
جبت القماشه وحطيتها على الطاوله طبعا هي مستطيله وطويله اطول من الطاوله والزياده اللي مع الجوانب خليتها متساويه ... طبعا زي ما قلت ترا الزياده اللي مع الجوانب طويله شوي ...
خلاص فرشناه ..
الخطوه الثانيه :.:.
تجين مع الجنب اللي فيه زياده طالعه وتلاخذينه تضمينه كله بيدك يم زاويه وحده من زوايا الطاوله والزاويه الثانيه ما فيها شئ ..
طيب .. لمن تجيبينه يم زاويه وحده وش تسوين فيه؟؟ تجيبينه وتربطينه زي العقده بس بنعومه وبخفه وترخينه لا تكربين عليه لاتضغطين الربطه قوه وبعدين خليه .. شكله يصير نازل بأنسياب..ويكون نازل على بعض زي الطبقات مدرجات روعه..
وتروحين للجهه الثانيه من الجنب اللي فيه الزياده .. وتسوين نفس الحركه بالقماشه تجمعينها بيدك لزاويه وحده ولازم لاحظي ان الزاويتين يكونن متقابلات .. يعني الاولى سوتيها يمين الثانيه شمال وهكذا ...
بعدين تجيبين الشجر اللي يكون للزوايا النازله يعني زي الحبال به ورق شجر اخضر وتجيبينه وشفتي الزوايا اللي نازله للارض اللي ربطيهم تنزلين الشجر مع وسطهم ..
لحد هينا فاهمه الدرس كووووووووويس....
____________
بعدين بالنسبه لتزيين الطاوله ..
انا عندي مفرشين لونهم احمر قلوب وهم صغار وطالع منهم زي الريش المهم جبتهم وفرشتهم مع الزوايا اللي ما فيهم شئ اللي تركناهم فاضين مو اللي ربطنا عندهم .. المهم فرشت عندهم وبعدين جبت وورود عنابيه زي لون المفرش ورحت للزوايا اللي عندهم الربطه للي نازله وجبت الصمغ الكهرب الفرد اللي بالكهرب... وحطيت الورود بشكل فني ظهر الورده لظهر الثانيه وهكذا.. طبعا صمغتهم عند الزاويه من فوق ..
وبعدها نفس الشئ للزاويه المقابله ....
بعدين جبت باقة ورد طبيعي وحطيته بالوسط بوسط الطاوله احمر وعنابي ..
وجبت شموع قلوب ووزعتهم عالطاوله ..
واذا كان عندك .. لمّاع ذهبي .. رشي عالطاوله .. او ورد مجفف ...
عاد وحطي الفاين والعطر والاعواد والشوكه والملعقه والسفره الصغيره بشكل مهذب وجميل وفني ........
...........................................
اما بالنسبه للكراسي .......
فمثل ما قلت ... جبت القماشه الثانيه اللي خليته على جنب للكراسي ....
ومسكتها وصفطتها او لفيتها او طبقتها على بعض اربع مرات بعدين قصيتها بالمقص الشكل اللي سويته للكراسي حقاتي اللي هو بالصوره هذي
او سوي اي وحده منهن
اللي بالرابط هذا
http://forum.hawaaworld.com/showthread.php?t=349344
وشوفي اللي بالصوره فوق بها عالطاولات حاطينهم شكلها مباركه وتحيه للعروسين عالطاولات انتي سويها بس اوراق الطلبات اذا بغيتي تسوين هالفكره كنك بمطعم واكتبي الطلبات اللي هن الطبخات اللي انتي مسويتهم له وقولي طلباتك واعطيه الكرت او حطيه زي اللي فوق عالطاوله ...
__________
ان شالله فهمتو
اي سؤال انا حاظره