للبنات اللي يسألون عن اليوكو

السلام عليكم

هذي أول مشاركة لي في عالم حواء رغم إني أتابع المنتدى و الأخبار من تقريبا 4 سنوات،، و جربت كذا وصفة من المنتدى و استفدت منهم بصراحة،،، بس الشي الوحيد اللي ما عجبني و خرب لي شعري هو اليوكو،، و هالسبب اللي خلاني أسجل في المنتدى و أكتب لكم سالفتي،،،

أي وحدة فيكم تبا رايي عن اليوكو،، أقول لها لا و مليون لا،،، أنا من دبي و سرت اخترت أكبر و أفخم صالون عشان أستفيد من اليوكو و ما يخربون لي شعري،، و ما اهتميت في المبلغ قلت لأني أنا المستفيدة،، عالعموم،، أول أسبوع أو أسبوعين طبعا كنت مرتاحة من النتيجة بس عقب،، الشعرة بدت تتكسر،، و انا المنطقة اللي صدق انضرت عندي هي (القصة)،،، تقريبا أكثر عن نصها اتكسرت و استوى طولها تقريبا انش،، و أخيييييييييييييييييييييج،، شو أسوي،، يعني لو مكان في الراس من ورا أوكي بحاول أغطيه،، بس هاي من جدام مرة طالعة في الويه،،،
المهم راحت أختي بتسويلها لأنها كانت بتعرس،، رغم إني نصحتها ما سمعتني،،، سارت صالون ثاني،، بس شو اللي حصل؟؟؟ نفس النتيجة،،،
و الله يا بنات ما أقص عليكم،،، أروم أقول لكم سيروا سووا و شوفوا بعيونكم بس والله اللي شفته أنا حالي ما كان يسر العدو.... هاي السالفة تقريبا من 7 شهور و الحين الحمدلله قصتي طولت و وصلت لين حواجبي،، و أروم أعدلها،،، فالبنت اللي تفكر تسوي يوكو،، حطي عمرج مكاني و فكري مرة ثانية

و مشكوريين
الســــــــاحل:26: