للبنات مدمنات شراء المكياج مثلي .. حياكم

السلام عليكم عزيزاتي
لكل اللي يحبون المكياج .. ويموتون في شي اسمه مكياج .. لا .. ومو اي مكياج .. لازم ماركة ..
واللي كل ماانزلوا السوق .. لااااااااازم يروحون ويشترون شي من محلات المكياج .. اي شي .. حتى لو مو محتاجينه بس المهم انه مكياج .. ياانه يكون كولكشن جديد .. او لون مايتطوف .. او منتج مابقى وحده من عالم حواء ماتكلمت عنه ..

طبعا انا اتكلم عن نفسي .. خخخخخ .. بس اكيد فيه وايد مثلي ..

بنات مشكلتي عندي مكياج واااااااايد .. وكله ماركات وغالي .. مااقدر اقول انه طايح في جبدي.. لاني الحمدلله صج اشتري وايد بس اشتري الشي اللي انا مقتنعه وفيه واكون واثقه انه مناسبني واني اعرف استخدمه .. الحمدلله يعني مااضيع فلوسي في النهايه خخخخ ( الا هي ضايعه من كثر مااشتري ) المهم ..
مثل كل وحده تحب تتمكيج .. انا احب اتمكيج .. بس انا طلعاتي مو كثيره .. يعني بيتوتيه . واتمكيج في البيت .. بس مهما تمكيجت المكياج مايخلص ..
لكن هالعقده اللي فيني اللي كل مارحت السوق لازم اشتري مكياج .. يا غلوس .. يا روج .. يا بلاشر .. وغيره وغيره .. يعني انا عندي كل الالوان .. وماقد خلص من عندي لون .. ودي ودي امسك يدي وماعاد اشتري مكياج .. الا اذا صج اللي عندي خلص او انتهت صلاحيته .. وبسسسسسسسسس ...

قولولي اشلون اقدر اتحكم في نفسي

والحين دخل الصيف .. وانا خااااااااااطري اشتري مكياج للوك برونزي .. واشتري بخاخ ديور اللي يقلب الوحده برونزيه مؤقته ههههههه
ترى هالشغلات صج ماعندي .. وخاطري فيها .. وبنفس الوقت عندي مكياج وايد وخلاص ماعندي مكان .. وحتى فلوسي صايره تطير بسرعه وانا ابي اوفر لاشيا اهم .. الدنيا صايره غاليه ..

ساعدوني ..
رايكم اشتري مجموعة ديور للبرونز وبعدها خلاص مااشتري شي خخخخخخ
او مو لازم اشتري ...

يالله بنات شاركوني